1 Kɔ̀rintìyà 3:8 - Mokpwe: Bakwery (New Testament)

⁸ È mòtò ema a ona na e mɔ̀ ema a hvahva malìhwa hwà gbeyà ndi èwòlò yɔ̀kɔ mɛnɛ. Lohwɛ̀ a o hwa teŋgɛ̀nɛ̀ o èwòlò ya awu ema hwa gbèyi.

1 Kɔ̀rintìyà 3:8 Mawu Ofanana

Matiyò 16:27

Nà è òhweyà hwene hweyà hwe arzɛ nanù èhwanja è Ŋmanà wà è Mòtò wà Hwènàmà à ò jà ò èluhwe yà ama è Tatɛ̀ wà eni nà ì aŋgèlì jà eni. À jelì tɛ, à kɔ̀kìrzɛ̀ nà lì nàmìrzɛ̀ tɔ̀ ima mòtò ò lì hvòmɛ̀nɛ̀ mamɛ ema tɔ̀ ima mòtò à mà gbèèyɛ̀.

Lukàrzɛ̀ 19:19

È kiŋgɛ̀ rzìi è mò tìmbìrzɛ̀lɛ̀lɛ̀ nanù ema, ‘Ò wà hvɛ ò hwɛnì lì kànèyà màmbòwà Màta.’

Ròmànì 2:6

Lohwɛ̀ a ò rzaweyà tɔ̀ ima mòtò lì hvòmɛ̀nɛ̀ èwòlò ema tɔ̀ ima mòtò a gbèyi.

1 Kɔ̀rintìyà 15:58

O èŋgànɛ̀lɛ̀ ìi wònyamòwè kòkò, e tɛ̀mɛ̀ gbamù, e rza anyìŋgìrzɛ̀nɛ̀. È hwɛ ndi o lì gbèeyà Rzàŋgo. È hwi nanù ema èwòlò ema e gbèeyà Rzàŋgo tɔ̀ yɔ̀kɔ e rza hwɛ ya ŋgundu.

1 Kɔ̀rintìyà 3:14

È hwèlì tɛ ema, èwòlò ema, è mògbèèlì à gbèyi, è ò karzòlɛ̀ mòŋgo mùnya, è mògbèèlì à ò lùwa jàhwèyà.

1 Kɔ̀rintìyà 3:7

È mɔ̀ ema a oni e hvɔ̀ŋgɔ̀, tɔ̀ e mɔ̀ hvɛ ema a e hvahvi malìhwa hwà rza ohvi wòlìtò. Lohwɛ̀ ndi à hwèlì wòlìtò, èhwanja Mɔ̀ ndi à gbeyà ema e hvɔ̀ŋgɔ̀ yo òŋge.

1 Kɔ̀rintìyà 3:9

Èhwanja irzɔ hwahwàkɛ i hwèlì ndi hwàgbèèlì hwa ama Lohwɛ̀ ema i gbeyà ndi èwòlò yɔ̀kɔ. Inyɔhvɛ ema e lòkɛ̀yi, e hwèlì ndi nàa e hvaya ya ama Lohwɛ̀. Nà tànɛyi na e wowa ndi nàa wooŋgi ema Lohwɛ̀ a hwèlì a oŋga.

1 Kɔ̀rintìyà 4:15

Tɔ̀ e ohva ndi lìyomɛ̀ la hwekolì hwe hwahvɛhvɛ Hwà-òkòwèlì hwa ama Krirztò, e hwɛnì ndi rzaŋgo hvɔ̀kɔ. Nà oma nà mà e jàneyà Ŋmɛ̀ndì mò Gbamù na hwèlì ndi nàa e rzaŋgo ya anyu o ma Krirztò.

1 Kɔ̀rintìyà 9:7

Ima ŋmànèlì hwa njùma a hwèlì, ema mɔndi à hwɛnì lì gbèeyà èwòlò na lì awòmbɛ̀ mɔ̀ ŋmìti e? Ima mòònèlì wa mbòta a hwèlì ema a òna màyi ma hwehvùma rzi a rzì le lòŋgo la hwèŋge hwehvùma e? Ima mɔ̀ɔ̀ŋgèlì wa mɛ̀lɛ̀ŋgù a hwèlì, ema a tànɛyi lì ɔŋgeya lì hwèmba la mɛ̀lɛ̀ŋgù, rzìi a rzi nyɔ lòŋgo la màŋga mànyɔ̀ŋgɔ̀ ma mèŋge mɛ̀lɛ̀ŋgù ma eni e?

Gàletìyà 6:4

Tɔ̀ ima mɔ̀ wa anyu àkàyìrzɛ̀ hwègbèèlì hwe eni mɛnɛ. Mòtò a gbèyi tɛ eyà ema e lɔ̀wu, mɔ̀ ŋmìti a oka mɔ̀nyɛ̀ŋgì. Ndèŋgana a rza a kitirzɛnɛ mɔ̀ ŋmìti na hwahvɛhvɛ hwàtò.

Gàletìyà 6:5

Nà ohwa ndi nanù èhwanja hwègbèèlì hwe tɔ̀ ima mòtò, hwe mo ɔ̀ŋgɔ̀ ndi mɔ̀.

Hibrù 6:10

Lohwɛ̀ à mà gbeyà hweŋge hwèma o ŋgana ema e hvomɛ̀nɛ̀. Mɔ̀ a rza hvoŋga tɔ̀ èwòlò yɔ̀kɔ ema mòtò a gbeye ndèŋgànɛ̀lɛ̀ mɔ̀ à rza hvoŋga e ndìŋgɛ ema mòtò a mo uŋmɛ̀lɛ̀ na oma inyɔ e hwèlì o lì gbèeyà hwahvɛhvɛ hwatò hwa ama Lohwɛ̀.

1 Pètrò 5:4

Aŋga nanù, e kìŋgɛ ya Hwà-ɔ̀ŋgèlì hwa mɛ̀lɛ̀ŋgù e jelì tɛ mɔ̀ à e ŋgba mòrzawèlì ema mo tuti. Moŋgo mòrzawèlì mo ò hwɛ natɛ̀ɛ na o mòlìkɛ̀.

2 Yòwanìrzɛ̀ 1:8

È hwɛ rzɔ ndi ò lì aŋgòwa, è rzi jà lì hwɛ ema è wɔ̀lɛ̀nɛ̀ mamɛ yà arzɛ ema è mà tàkeyà. Ndi è hwɛnì lì lùwa etàŋgì yà anyu yà arzɛ.

Hwèwulùwèlì 2:23

Nà o oŋwa hwatò ema hwa ika hweyà ema mɔ̀ à okòlɛ, ndèŋgànɛ̀lɛ̀ meemba me arzɛ me hwiya nanù ema imba ndi na hwèlì e mɔ̀ ema a hwi màlùtèyà na mèèmà me hwatò hwa arzɛ. Tɔ̀ ima mòtò ema a gbèyi wòhwe, nanù hvɛ ndi na mo kɔ̀kìrzɛ̀.

Hwèwulùwèlì 22:12

Yerzù a ohwi nanù ema, “È ɔŋgɛ tɛ, na ja ŋmanà mbɔ̀, o lì rzaweyà tɔ̀ ima mòtò lì wowàna èwòlò ema mɔ̀ à gbèyi.