1 Kɔ̀rintìyà 3:5 - Mokpwe: Bakwery (New Testament)

⁵ Nàŋgɛ rzɔ, njɛnɛ a hwèlì Apòlòrzì e? Njɛnɛ a hwèlì Pàwolò e? Irzɔ i hwèlì ndi hwàgbèèlì hwa ama Lohwɛ̀ ema i ma e òŋgòwàna o lì lòkɛ̀ Krirztò. Tɔ̀ ima mɔ̀ wa arzu à mà gbeyà ndi èwòlò ema Rzàŋgo à mà jo ŋgbe.

1 Kɔ̀rintìyà 3:5 Mawu Ofanana

Matiyò 25:15

À ma ŋgba tɔ̀ ima mɔ̀ lì hvòmɛ̀nɛ̀ è hwɛ̀yìi yà eni. À mà ŋgba mɔ̀kɔ hwekòlì hweta hwe wòlì, à mà ŋgba òhvɛhvɛ hwekòlì hwe hwàkɛ hwe wòlì ndèŋgànà òhvɛhvɛ ikòlì jɔ̀kɔ jà wòlì. Nà òma à mà kùlɛ̀ lì ŋgba, rzìi à ɛndɛ è yà eni.

Lukàrzɛ̀ 1:2

Wɔ̀ hwa mà tìla ndi ŋgàna hvɔ̀kɔ, nà òmà irzɔ imà hweyàne hwaŋga hwatò, ema hwà mà ɛnɛ hwenè hweyà nà mìirzɔ̀ ma awu ò hwèwòtelì ndèŋgàna wɔ̀ hwa mà hwɛ ndi lì òhwà Eyà ya Lohwà.

Yòwanìrzɛ̀ 3:27

Yòwanìrzɛ̀ a timbirzɛlɛlɛ nanù ema, “Tɔ̀ mòtò a rza tànɛyi lì lùwa tɔ̀ yòma e rzi hwɛ nanù ema Lohwɛ̀ ndi à mò ŋgbelì.

Hwègbèèlì 18:24

O èŋge hvònda mòtò mɔ̀kɔ wà Yudà ema à mà hwɛ̀lɛ̀hwɛ̀ Apòlòrzì, ema à mà ŋyahwɛlɛ ò mbòwà ndɛnɛ ya Alɛ̀rzàndrìyà, à mà jà ò Ɛ̀hvɛ̀rzɔ̀rzì. A ma hwɛ ndi mòtò ema à mà hwiya lì òhwa jòhwi ja gbamù, ndèŋgànɛlɛ à mà rzɔŋgɔ lì rzɔ̀ŋgìtɛ̀nɛ̀ la e kaàtì ya ama Lohwà.

Hwègbèèlì 19:1

Nà òma Apòlòrzì à mà hwɛ ò mbòwa ndɛnɛ ya Kɔ̀rintò, Pàwolò à mà akeyà ò tenì ya eŋge erzòòkà rzi a uka ò mbòwa ndɛnɛ ya Ɛ̀hvɛ̀rzɔ̀rzì. A ma ùŋmànɛ̀lɛ̀ ŋgurzu ja hwatò ema hwa lòkɛ̀ Yerzù aŋga.

Ròmànì 15:16

Lohwɛ̀ à mà nò ŋgba e ndèli ya eni ò lì hwɛ e mògbèèlì wa ama Yerzù Krirztò, ò lì òhweyà hwatò ema hwa rza enje wònyà Yudà, ŋmɛ̀ndì mò gbamù. Nà gbèeyà ndi ene èwòlò nàa pìlìrzì ò lì òhwa Ŋmɛ̀ndì mò Gbamù ema mò uwɛ̀lɛ̀lɛ̀yi ò ma Lohwɛ̀, aŋga nanù hwatò ema hwa rza enje wònyà Yudà hwa ò hwɛ ndi nàa jàhwèyà ema nà mà ŋgbɛ ema je imayɛnɛhwɛ na Lohwɛ̀. Lohwɛ̀ a ò hwe emeyà èhwanja Èlìŋgɛ̀ yà Wòtani e ma hwa gbeyà ema hwa emàyɛ̀lɛ̀hwɛ̀ ò wòrzò wò ama Lohwɛ̀.

1 Kɔ̀rintìyà 12:28

Lohwɛ̀ à mà ŋgba hwatò hwehvɛhvɛ hwèwòlò ò tenì ya mìitelì. A ma loma lì ika lòŋgo la hwatò i Àpɔ̀rzìtòlò. O mburzà nanù, a hvɔ̀rzɔ̀ hvɛ hwà-òhwèlì hwa hwèlìŋgɛ̀. Ndèŋgana a e hvɔ̀rzɔ̀ hvɛ Hwà-òkòwèlì. Ndèŋgana a e hvɔ̀rzɔ̀ hwatò ema hwa gbeyà hweyà hwe mànyakà. Rzi a hvɔ̀rzɔ̀ hvɛ hwatò ema hwa òŋgòwàna hwanɛ̀yi hwatò. A ma hvɔ̀rzɔ̀ hwatò ema hwà mà hwɛnɛ lìhwiyè la lì tìmba hwahvɛhvɛ hwatò. Rzi a hvɔ̀rzɔ̀ hvɛ hwatò ema hwa ohwa ihvɛhvɛ mbɔrzi.

1 Kɔ̀rintìyà 16:12

Lì hvomɛ̀nɛ̀ ŋmanyàŋgò hwa arzu Apòlòrzì nà mà màa lì mò kɔmɛ̀lɛ̀ nanù ema a jè mojeŋga o mba anyu ŋmèmba na hwanɛ̀yi hwatò hwa Krirztò ndi à rza ohvi ŋmèma o lì jà naŋgɛ mɛnɛ. È hvonda ema a o luwɛ ŋmàna hvonda a o ja òŋgo.

1 Kɔ̀rintìyà 3:10

O tɛ̀ɛ̀tɛ̀ɛ Lohwɛ̀ a no ŋgbelì ììlì ja eni, o èŋgànɛ̀lɛ̀ nà mà kɔ̀kɔ̀ hvɛ mɔ̀nɔ̀ŋgɔ̀ nàa mòoŋgelì wa gbamù. Nàŋgɛ nanù, hwahvɛhvɛ hwa hwèlì hwa oŋga o mòŋgo mɔ̀nɔ̀ŋgɔ̀. Ndi tɔ̀ njɛnɛ ema a oŋga o ŋmanyu ya monò mɔ̀nɔ̀ŋgɔ̀, a hwɛnì lì aŋgòwa.

1 Kɔ̀rintìyà 3:22

Lohwɛ̀ a no òmi imba, Apòlòrzì, na Pètrò, o lì e òŋgòwàna. Hweema hwe arzɛ ema Lohwɛ̀ a wèki o rze, a e ŋgbelì ndi e hweyɔ ema, e hwe gbeyàne. Tɔ̀ e ŋwa, tɔ̀ e hwɛ o lòŋgɛ, Lohwɛ̀ à mà e gbeyà ndi nanù o gbamù wa anyu. Hweya ema hwe e gbèyɛ̀nɛ naŋgɛ, na o e hvonda ema e o jɛ̀ɛ̀, hwe hwèlì ndi o gbamù wa anyu. Hwanù hwatò hwa arzɛ, na hwenè hwema hwe arzɛ Lohwɛ̀ a e ŋgbelì e hweyɔ.

1 Kɔ̀rintìyà 3:7

È mɔ̀ ema a oni e hvɔ̀ŋgɔ̀, tɔ̀ e mɔ̀ hvɛ ema a e hvahvi malìhwa hwà rza ohvi wòlìtò. Lohwɛ̀ ndi à hwèlì wòlìtò, èhwanja Mɔ̀ ndi à gbeyà ema e hvɔ̀ŋgɔ̀ yo òŋge.

1 Kɔ̀rintìyà 9:17

Èma hwɛ tɛ nanù ema imba ndi nà mà ahvɔ̀rzɛ̀ o lì gbeyà ene èwòlò, o ma na lùwa mòrzàhwèlì. Ndi na rza e hvɔ̀rzì, Lohwɛ̀ mɛnɛ ndi à no ŋgbelì ene èwòlò ò lì gbeyà.

2 Kɔ̀rintìyà 11:23

Wɔ̀ hwa ohwa nanù ema hwa hwèlì ndi hwàgbèèlì hwa ama Yerzù Krirztò, imba hvɛ na e ohweyà nàŋgɛ nanù ema, imba nà mà gbeyà èwòlò lì hwa aka. Nà ohwa ndi nàŋgɛ nanù nàa ŋmɛnyɛ. Nà ma gbeyà èwòlò ya ŋginyà lì hwa aka, nà mà aŋgɛ̀hwɛ̀ o hwèwòwà ŋgèlì rzayi-rzayi lì hwa aka, nà mà gbiyɛhwɛ hvonji rzayi-rzayi lì hwa aka, ndèŋgàna nà mà uŋgbɛlɛlɛ e kpelì rzayi-rzayi ja ŋgèlì lì hwa aka.

2 Kɔ̀rintìyà 3:3

È uŋmɛ̀lɛ̀ nanù ema, inyɔ ndi e hwèlì e kààtì ema Krirztò à mà tile o lì jo òmana. Ène kààtì e rza enje kààtì ema e tìlahwì na e rzawo ndi e hwèlì ndi kààtì ema èlìŋgɛ̀ ya Lohwɛ̀ ema e ŋgba lòŋgɛ, e tìlì. Ène kààtì e rza tìlahwì ndi o màŋyàyi ema mà nàŋgayi tààlì, ndi e ma tìlahwa ndi o mèèmà me hwatò.

2 Kɔ̀rintìyà 3:6

Mɔ̀ ŋmìti ndi à jo gbèyi ema i tànɛyi o lì ohwa moŋgo ŋmɛ̀ndì mo yòòmbò ehvènya. Rzeketɛ ŋmɛ̀ndì mo lì oŋgama imbenda ja yòòmbò ya koohwa. Hwatò ema hwa ika iŋgi mbenda hwa ŋwa, ndèŋgàna hwa rza hwɛ na Lohwà. Ŋmɛ̀ndì mo lì oŋgama yòòmbò ehvènya ema irzɔ jo òkolɛ mo hwèlì ndi ema Lohwɛ̀ à mà ŋgba hwatò èlìŋgɛ̀ yà wòtani, ndèŋgànɛlɛ mɔ̀ à mà gbeyà hvɛ nanù ema wɔ̀ hwa hwɛ na mɔ̀ natɛ̀ɛ na o gbìndèyà.

2 Kɔ̀rintìyà 4:1

Ìilì ja ama Lohwɛ̀ jɔ ndi i gbèyi ema jo òhwe mono ŋmɛ̀ndì o èŋgànɛ̀lɛ̀ i rza kpa mèèmà.

2 Kɔ̀rintìyà 4:5

Ɔ̀ndeŋgàtɛ̀ i rza ohwa ndi o lì ayèkirzɛ̀ irzɔ hwiti. Ndi irzɔ je e ohweyà nanù ema Yerzù ndi à hwèlì e Rzàŋgo. O nyòla ama Yerzù irzɔ i hwèlì ndi hwàgbèèlì hwa anyu.

2 Kɔ̀rintìyà 4:7

Ndi ŋmɛ̀ndì ema Lohwɛ̀ a jo ŋgbelì o lì ohwa, mo hwèlì ndi eyà ema e ohvi wòlìto rzayi-rzayi. Irzɔ i hwèlì ndi nàa lìhwànya ema eŋge yoma e hwèlì o tenì. Ène eyà e ma gbèyɛ̀nɛ ndi nanù, aŋga nanù hwatò hwa hwiya nanù ema e ŋginyà ndɛnɛ e uwɛ̀lɛ̀lɛ̀yi ndi na Lohwɛ̀, rzeketɛ na irzɔ.

2 Kɔ̀rintìyà 5:18

Hwene hwègbèèlì hwe hvènya hwe uwɛ̀lɛ̀lɛ̀yi ndi nà Lohwɛ̀. A jo gbèelì màrzèèlì nà Krirztò. A jo ŋgbelì èwòlò ya lì ohweyà hwatò nanù ema wɔ̀ hwa tànɛyi o lì hwɛ o ɛ̀yɔ̀lɛ̀ nà Lohwɛ̀.

2 Kɔ̀rintìyà 6:1

Nà oma i gbeyà èwòlò ya ama Lohwɛ̀ na Lohwà, je e atɛkɛ nanù ema e ndèli ya ama Lohwɛ̀ ema i luwa e rzi hwɛ o ŋgundu.

2 Kɔ̀rintìyà 6:4

Ndi nàa hwàgbèelì hwa ama Lohwà, irzɔ ja awuŋmɛ̀lɛ̀ irzɔ hwiti nàa hwatò ema hwa gbeyà mamɛ ya arzɛ ema e hvomɛ̀nɛ̀. I kaka mèèmà rzayi-rzayi o tenì ya mètàkà ema i luwa, o lòŋgɛ ema la eti ema i hwèlì o tenì na i ndùtù hvɛ ema i jo ùŋmànɛ̀lɛ̀yi.

Ɛ̀hvìrzìyà 3:7

Ŋmɛ̀ndì mò Gbamù mono ema nà ohwa nanù. Lohwɛ̀ à mà gbeyàna è ndèli yà eni ò lì nò ŋgba ene èwòlò. Ndeŋga nà gbèeyà ene èwòlò lì akeyà nà è ŋginyà yà eni.

Kòlòrzìyà 1:23

Inyɛ̀ è hwɛ ndi nanù ema lì lòkɛ̀ là anyu lì àŋgàmɛ̀nɛ̀yi lì imbama, è inyàmɛ̀nɛ̀ hwètɛ̀mèlì hwe matàŋga mà anyu ò mɔ̀nyɛ̀, ndèŋgànɛ̀lɛ̀ è ika mèèmà mè anyu ò ŋmɛ̀ndì mò gbamù ema è mà hwèyɛ. Moŋgo ŋmɛ̀ndì mò gbamù ema inyɔ è mà màa lì hweyà, mò hwèlì ndi ŋmɛ̀ndì mò gbamù ema mò mà nyàlɛ̀ ò è rze yà arzɛ, ndeŋgànɛlɛ mɔ̀ ndi imba Pàwolò nà atìmbìrzɛ̀yi è mògbèèlì wà ama Lohwɛ̀ ò lì gbeyà.

Kòlòrzìyà 1:25

Ndeŋgànɛ̀lɛ̀ Lohwɛ̀ à mà nò gbeyà ò lì hwɛ è mògbèèlì à gbèeyà hwatò ema hwa lòkɛ̀yì Krirztò. Mɔ̀ à mà nò òma nanù ema nà è ohweyà ŋmɛ̀ndì mò gbamù kɔ̀yi-kɔ̀yi.

1 Tìmotì 1:12

Nà ŋgbelì Yerzù Krirztò Rzàŋgo ya arzu jeka. Mɔ̀ ema a no ŋgbelì e ŋginyà o lì mo gbèeyà. Nà mo èki èhwanja a no wowi ndi nàa mòtò mɔ̀kɔ ema mɔ̀ à tànɛyi lì lòkɛ̀, na lì hvɔ̀rzɔ̀ nanù ema na mo gbèeyà.

1 Pètrò 4:10

È hwɛ hwàgbèèlì hwa gbamù ndèŋgànɛ̀lɛ̀ e gbeyàne màahweyà ma anyu o lì oŋgowàna mɔ̀kɔ na ɔ̀nɛyi.