1 Kɔ̀rintìyà 3:23 - Mokpwe: Bakwery (New Testament)

²³ Ndèŋgana inyɔ e hwèlì ndi e wɔ̀ hwa ama Krirztò. Krirztò mɔ̀ hvɛ a hwèlì ndi e wa ama Lohwɛ̀.

1 Kɔ̀rintìyà 3:23 Mawu Ofanana

Matiyò 17:5

Nà òma à mà hwɛ lì òhwa, lìmbàkì ema lì ma ɛneya rzìlìhwà lì ma hwa hwànda, lìlò lì ma wurza ò lìŋgi lìmbàkì lì ma òhwa ema, “È Ŋmanà wà ami wà ndìŋgɛ ya màlìŋgò ònò, ema a nò òkirzɛ̀ mɔ̀nyɛ̀ŋgì, e mò hweyàne!”

Yòwanìrzɛ̀ 17:18

Nà hwa òmi ò rze, na òma ò ma nò òme ò ene rze.

Yòwanìrzɛ̀ 17:21

Ìi Tatà, na kànɛ nanù ema wɔ̀ hwa hwɛ mòtò mɔ̀kɔ. Inyɛ̀ hwa hwɛ mɔ̀kɔ na irzɔ na òma ò wa ò hwèlì mɔ̀kɔ na imba ndèŋgàna na òma imba na hwèlì mɔ̀kɔ na ò wa. Inyɛ̀ hwa hwɛ mòtò mɔ̀kɔ aŋga nanù e rze e lòkɛ̀ nanù ema ò wa ndì ò nò òmi.

Ròmànì 14:8

Irzɔ, i hwèlì tɛ ò lòŋgɛ, nanù òma i hwèlì ndi ò lòŋgɛ ò lì gbeyà mamɛ ema e Rzaŋgò ya arza. Ndèŋgànɛ̀lɛ̀ i ŋwelì tɛ, nanù ò ma i ŋwelì ndi ò lì lìŋgirzɛ e Rzàŋgò. O èŋgànɛ̀lɛ̀ rzɔ, tɔ̀ i hwɛ lòŋgɛ, tɔ̀ i ŋwa, i hwèlì ndi ò màà mà ama e Rzàŋgò.

1 Kɔ̀rintìyà 11:3

Nà arza ema e rzɔ̀ŋgìtɛ̀nɛ̀ nanù ema, Krirztò a hwèlì ndi moòhvo mo kànèyà tɔ̀ ima mòtò hwa mùnyanà. È mùnyanà mɔhvɛ a hwèlì ndi moòhvo mo ama e jòjìyɛ̀ ya eni. Lohwà mɔhvɛ ndi à hwèlì moòhvo mo ama Krirztò.

1 Kɔ̀rintìyà 15:23

Ndi tɔ̀ ima mòtò a hvùmùlɛ̀hwɛ ndi o e ya eni hvonda. Krirztò ema a hwèlì e wa worzò o lì hvùmùwà, e hvonda ema a o jɛ̀ɛ̀ hvɛ hwaŋga hwatò ema hwa hwèlì e hwa eni, wɔhvɛ hwa hvùmùwà.

1 Kɔ̀rintìyà 15:28

È hvonda ema hweyà hwe arzɛ, hwe ikahwa o rze ya lìkànèyà la ama Krirztò, rzìi mɔ̀ e ŋmana wa Lohwɛ̀ a hwɛ o rze ya ama Lohwɛ̀. Lohwɛ̀ mɔ̀ndi à ikayi hweyà hwe arzɛ o rze ya eni, aŋga nanù, mɔ̀ ŋmìti a kànèyà hweyà hwe arzɛ ŋgelì hvɔ̀kɔ, o i ŋgelì ja arzɛ.

1 Kɔ̀rintìyà 7:22

O ma hwɛ tɛ mòkòmì ndèŋgàna Lohwɛ̀ a o hwɛlɛ, o naŋgɛ nanù e Rzàŋgo Yerzù à mà o rzòlohwà. Ndèŋgànɛ̀lɛ̀ hvɛ o ma hwɛ tɛ wònjà lìrzako ema Rzàŋgo à mà o hvɔ̀rzè, o naŋgɛ̀ nanù, o ma tìmba ndi e mokome wà ama Krirztò.

1 Kɔ̀rintìyà 8:6

Ndi irzɔ i hwi nanù ema, ò hwèlì ndi Lohwà lɔ̀kɔ. Tatɛ̀ ema à wèki hwema hwe arzɛ, Mɔ̀ ndeŋgatɛ irzɔ i hwèlì lòŋgɛ. Ò hwèlì hvɛ ndi Rzàŋgo hvɔ̀kɔ, Yerzù Krirztò, lì akeyà nà Mɔ̀ ndi Lohwɛ̀ à wèki hwèmà hwe arzɛ, Mɔ̀ ndeŋgatɛ irzɔ i hwèlì lòŋgɛ.

2 Kɔ̀rintìyà 10:7

È ɔ̀ŋgɔ mamɛ ema ye e hwèlì o worzo. Tɔ̀ ima mòtò ema a ikayi ŋmèma mo eni na Krirztò, a hwi nanù ema na oma mɔ̀ à hwèlì, nanù ndi irzɔ hvɛ i hwèlì na Krirztò.

Gàletìyà 3:29

Nà oma è hwèlì ndi hwatò hwa ama Krirztò, è hwèlì ndi hwàanà hwa ama Abràhamù, ndèŋgàna inyɔ è luwa mònàmɛ̀ ema Lohwɛ̀ à mà kàkɛ̀nɛ nanù ema à ŋgba Abràhamù.

Gàletìyà 5:24

Ndèŋgàna hwaŋga hwatò ema hwa hwèlì na Yerzù Krirztò hwa rza enje hvɛ o rze ya e nyɔ̀ŋgi ya e nyàmà nyo. È gbèyi ndi nàa hwa ɛnɛ oma hwà mà wòmeyà eŋge nyɔ̀ŋgi ya e nyàma nyo ò mbarza, ndèŋgàna e ma ŋwèeyà aŋga.

Ɛ̀hvìrzìyà 1:10

Lohwɛ̀ à mà tɛ̀yirzɛ̀ nanù ema à ò gbeyà hwene hweyà hwe arzɛ ò è hvonda yà jɔ̀kɛ̀. Ò eŋge hvonda à ò rzàŋga hwèèmà hwe arzɛ ema hwe hwèlì ò ŋmanyu yà lohwà nà ò rze yà mɔ̀nyɛ̀ rzìi hwe hwɛ ò rze yà ama Yerzù Krirztò ema mɔ̀ ndi à hwèlì mòòhvò.