1 Kɔ̀rintìyà 3:15 - Mokpwe: Bakwery (New Testament)

¹⁵ Ndi èŋge èwòlò ema è mògbèèlì à gbèyi è rzèèlì tɛ ò mùnya, oma è mògbèèlì wà èŋge èwòlò à ò lùwa mbɔ̀lɔ̀nì ndɛnɛ ema à rza ò lùwa tɔ̀ jàhwèyà. È mògbèèlì à rzùŋgahwa, ndi nàa mòtò ema a hwaŋgi lì hwaŋgi o lì anjiya o tenì ya mùnya.

1 Kɔ̀rintìyà 3:15 Mawu Ofanana

Hwègbèèlì 27:21

O mburza ya hvònda ema e wawi ema hwatò hwa rzi lɛɛ tɔ mòlelì, Pàwolò rzi a tɛ̀mɛ̀ ò ìtììtènì ja hwaŋga hwatò hwa arzɛ rzìi a òhwa nanù ema, “Ìi wònyàmòwe kòkò, e ma kànɛyi lì nò hweyàna e hvònda nà mà òhwe nanù ema e rza anjiya ò Klɛti. È ma nò hweyàna tɛ ò ma i rza luu mònò mòtàkà na ene mbɔ̀lɔ̀ni ema i ma luwɛ nàŋgɛ.

Hwègbèèlì 27:44

Rzìi à òhweyà hvɛ hwànɛ̀yi hwatò ema hwa lɛmbɛ hwèrzùŋgù hwe hwèhwàmbò tɔ̀ hwehvɛhvɛ hwèmà ema hwe ma kɛrzeya ò melì me ŋmànja ò lì hwa òŋgàma o mburza. Ndèŋgànɛlɛ nanù ndi irzɔ hwa arzɛ i ma gbèyi ò lì uka ò rzàawà ema tɔ̀ eyà e rzi jò gbèyɛ̀nɛ.

1 Pètrò 4:18

Nà oma e tìlahwì o kààtì ya Lohwà nanù ema, “È hwèlì tɛ nanù ema e ambi ema hwatò ema hwa tɛmi ehve-ehve hwa rzùŋgàhwè, nɛ rzɔ yo ò hwɛ̀ɛ na hwaŋga hwatò ema hwa gbeyà wòhwe na hwaŋga ema hwa rza lòkɛ̀ Lohwɛ̀ e?”

2 Yòwanìrzɛ̀ 1:8

È hwɛ rzɔ ndi ò lì aŋgòwa, è rzi jà lì hwɛ ema è wɔ̀lɛ̀nɛ̀ mamɛ yà arzɛ ema è mà tàkeyà. Ndi è hwɛnì lì lùwa etàŋgì yà anyu yà arzɛ.

Judɛ 1:23

È rzùŋge mòŋgɛ ma hwahvɛhvɛ hwatò ò lì hwa rzìima kàrzi-kàrzi lì anjiya o mùnya ema mo rza lìma. È uŋmɛ̀lɛ̀ ììlì o hwahvɛhvɛ hwatò, ndi o tɔ̀ nanù e àŋgàmɛ̀nɛ̀yi lì hwa oŋgowàna. È kɔɔ tɔ̀ màatù ma awu ema mà hwèlì ndi nàa hweyàrzèlì hwe hweyà hwe wòhwe hwe e nyàma nyo ya awu ndi e ma kɔ̀yirzɛ̀.

Hwèwulùwèlì 3:18

Nà e kòkòwɛ̀lɛ̀ o lì no àndana e gòòlù ema e ma akɛlɛhwɛ o tenì ya mùnya, aŋga nanù e timba hwèwàŋgì. Nà e kòkòwɛ̀lɛ̀ o lì no àndana lìhwatu la mbɔ̀mi ema e wɔ̀tɔ̀, aŋga nanù irzɔ̀ni ema morzombo mo anyu mo jànà mo rza o ɛnɛhwɛ. Ndeŋgànɛ̀lɛ̀ e no àndane lìyɔ̀ki ema e tuka o mìrzɔ ma anyu aŋga nanù e ɛnɛ.