1 Kɔ̀rintìyà 3:14 - Mokpwe: Bakwery (New Testament)

¹⁴ È hwèlì tɛ ema, èwòlò ema, è mògbèèlì à gbèyi, è ò karzòlɛ̀ mòŋgo mùnya, è mògbèèlì à ò lùwa jàhwèyà.

1 Kɔ̀rintìyà 3:14 Mawu Ofanana

1 Kɔ̀rintìyà 3:8

È mòtò ema a ona na e mɔ̀ ema a hvahva malìhwa hwà gbeyà ndi èwòlò yɔ̀kɔ mɛnɛ. Lohwɛ̀ a o hwa teŋgɛ̀nɛ̀ o èwòlò ya awu ema hwa gbèyi.

1 Kɔ̀rintìyà 4:5

O èŋgànɛ̀lɛ̀ rzɔ, o rza akɛlɛ hwèkàyìrzèlì o tɔ̀ ima mòtò, natɛ̀ɛ e hvonda ya jɔ̀kɛ̀ e uka. Hwèkàyìrzèlèlì hwe o jà, e hvonda e ma e Rzàŋgo Yerzù Krirztò a o jɛ̀ɛ̀. A jelì tɛ, a jànà o ŋmàye hwèŋge hwema ema hwe e utami o jììtìtì, rzi a hvulùwa hvɛ màlùtèyà ema mà utami o mèèmà me hwatò. O èŋge hvonda ndi Lohwɛ̀ a eka tɔ̀ ima mòtò o mamɛ ema a gbèyi.

1 Kɔ̀rintìyà 9:17

Èma hwɛ tɛ nanù ema imba ndi nà mà ahvɔ̀rzɛ̀ o lì gbeyà ene èwòlò, o ma na lùwa mòrzàhwèlì. Ndi na rza e hvɔ̀rzì, Lohwɛ̀ mɛnɛ ndi à no ŋgbelì ene èwòlò ò lì gbeyà.

Gàletìyà 6:4

Tɔ̀ ima mɔ̀ wa anyu àkàyìrzɛ̀ hwègbèèlì hwe eni mɛnɛ. Mòtò a gbèyi tɛ eyà ema e lɔ̀wu, mɔ̀ ŋmìti a oka mɔ̀nyɛ̀ŋgì. Ndèŋgana a rza a kitirzɛnɛ mɔ̀ ŋmìti na hwahvɛhvɛ hwàtò.

1 Tɛ̀rzàlonìyà 2:19

Lì aka hweyà hwe arzɛ, inyɔ ndi e gbèyi rzi jo òhvi lìhvìtà. Inyɔ ndi e gbèyi ndèŋgànà jo òki mɔ̀nyɛ̀ŋgì, ndèŋgànɛ̀lɛ̀ inyɔ ndi e gbèyi ndèŋgànà i kumba lìyà o ŋgeŋge, ehwànja mòrzàhwèlì ema je ɛnɛ nanù ema jo ò luwa o worzo e hvonda ema Rzàŋgo Yerzù Krirztò a o jɛ̀ɛ̀.

2 Tìmotì 4:7

Nàa e mògbèèlì hwa ama Krirztò nà mà ana e njuma gbamù, nà mà kulɛ èwòlò ema Krirztò à mà no ŋgbe ema nà mò gbèeyà. Ndèŋgàna na nɔ̀ŋgɔ lì lòkɛ̀ hwènɔ̀ŋgèlì hwe gbamù.

1 Pètrò 5:1

Imba nàa mòtìmbèlì mɔ̀kɔ wa anyu, na lìŋgàna lì ŋgba màyòwà o hwatò ema hwa e kànèyà. Nà hwèlì ndi mɔ̀kɔ ema nà mà ukeya o motàkà mo ama Krirztò. Èluhwe ema Lohwɛ̀ à mà uŋmɛ̀lɛ̀ Krirztò e no ukeya imba hvɛ. Nà e kòkòwɛ̀lɛ̀ nanù ema,

1 Pètrò 5:4

Aŋga nanù, e kìŋgɛ ya Hwà-ɔ̀ŋgèlì hwa mɛ̀lɛ̀ŋgù e jelì tɛ mɔ̀ à e ŋgba mòrzawèlì ema mo tuti. Moŋgo mòrzawèlì mo ò hwɛ natɛ̀ɛ na o mòlìkɛ̀.