1 Kɔ̀rintìyà 2:8 - Mokpwe: Bakwery (New Testament)

⁸ Ndi, e wɔ̀ hwà kànèyà ene rze hwà rzi rzɔ̀ŋgìtɛ̀nɛ̀ lìni lìhwiyè lì ndɛnɛ̀ la ama Lohwɛ̀. Hwà mà rzɔ̀ŋgìtɛ̀nɛ̀ tɛ mamɛ ema Lohwɛ̀ ama hwɛ lì gbeyà, oma hwa rzi wòmeyà e Rzàŋgo wa èluhwe o mbàrza.

1 Kɔ̀rintìyà 2:8 Mawu Ofanana

Matiyò 11:25

O èŋge hvònda Yerzù rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze ya mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò ma wunane hwàŋgà ema hwa òhvi mahwiye na hwaŋga hwatò ema hwa rzɔ̀ŋgìtɛ̀nɛ̀.

Matiyò 13:22

Ìhvɔ̀ŋgɔ̀ hvɛ ema ì undi ò tenì ya wàŋga ya hwènyɛ̀ŋgɛnyɛ̀ŋgɛ̀, ì hwèlì ndi nàa hwatò ema hwa hweyi ŋmɛ̀ndì mò ama Lohwɛ̀, ndi mètàkà me lòŋgɛ na jɔ̀ɔ̀njì ja mònàmɛ̀ mò ene rze hwe lìŋga mèèmà me awu. Ema me ma hwa gbeyɛ ema naŋgɛ rzɔ hwa rza tànɛyi lì ŋya hwèhvùma hwe gbamù.

Lukàrzɛ̀ 23:34

Yerzù à mà kànɛ̀ nanù ema, “Tatɛ̀ làkìrzɛ̀ hwanù hwatò, èhwanja hwa rzà hwi mamɛ ema hwa gbeyà.” Hwa mà òka mèrzɔ̀ɔ̀nì ò lì hwàà lìwɔti la eni.

Yòwanìrzɛ̀ 16:3

Wɔ̀ wò ò gbeyà ndi hwèŋge hweyà èhwanja, wɔ̀ hwa rzi hwi Tatɛ̀ tɔ̀ imba.

Yòwanìrzɛ̀ 7:48

È ma màà lì ɛnɛ mòtìmbèlì mɔ̀kɔ tɔ̀ Hvàlìrzàyì mɔ̀kɔ ema à mò lòkɛ̀ e? Tɔ̀ mɔ̀kɔ a rza mò lòkɛ̀.

Yòwanìrzɛ̀ 8:19

Rzìi hwa mò ijòwa nanù ema, “One e Rzàŋgò ya aŋgɔ̀ yɔ e hwèlì e?” Yerzù rzìi a hwa timbirzɛlɛlɛ nanù ema, “È rza nò hwi imba tɔ̀ Rzàŋgò wa ami. È ma nò hwiya tɛ ò mà è hwi hvɛ Rzàŋgò wà ami.”

Hwègbèèlì 13:27

Hwàtò ema hwa mà hwɛ lì lìya ò Jèrurzalɛ̀mù nà hwàtìmbèlì hwa awu hwa rzìi hwiye nanù ema, Yerzù ndi à hwèlì è Mòrzùŋgèlì. Hwa rzi rzɔ̀ŋgìtɛ̀nɛ̀ hwetilelì hwe hwà-òhwèlì hwa hwèlìŋgɛ̀ ema wɔ̀ hwa mà hwɛ lì làŋga ò tɔ̀ ima Wùnya wò lì Arzìyòlɛ. Tɔ̀ nɛ wɔ̀ hwa mà gbèye hweyà ema hwà-òhwèlì hwa hwèlìŋgɛ̀ hwa mà òhwe hwe mà òndìrzɛ̀hwɛ, nà òma hwa mà òhwe nanù ema hwa òŋwa Yerzù.

Hwègbèèlì 7:2

Rzìtehvànɛ rzìi a alàhwɛ̀ wòlìya wò mbòwa nanù ema, “Wònyamòwè na hwa tààtɛ̀, e nò òkànèyà tɛ. Lòohwà la èluhwe lì ma wurzeya rzàŋgò wa arzu Abràhamù e hvònda ema à mà hwɛ ò erzòòkà ya Mèrzòpòtemìyà ndèŋgànà mɔ̀ à e ɛ̀ndɛ ò lì lìya ò e mbòwa ya Halànì.

1 Kɔ̀rintìyà 1:20

Ò èŋgànɛ̀lɛ̀ rzɔ̀ è mòtò wà gbàŋgo, à rze enje tɔ̀ eyà. Ndèŋgànɛ̀lɛ̀ è Mòòkòlèlì wà mbenda ò Ìrzàyɛ̀lì à rze enje tɔ̀ eyà. Hwatò ema hwa kòkòwɛ̀lɛ̀ hwatò hweyà nà gbàŋgo ò ene hvonda wɔ̀ hvɛ hwa rze enje tɔ̀ eyà. È jɔ̀kɛ̀ è hwèlì ndi nanù ema Lohwɛ̀ à uŋmɛ̀lɛ̀yi nanù ema lìhwiyè là hwatò ema hwa aŋgo lì hwèlì ndi èètì.

1 Kɔ̀rintìyà 2:6

I hwèlì tɛ na hwaŋga ema hwà mà jɛ̀ɛ̀ hwàmbaki o malòkɛ̀ ma awu na Yerzù, e hwèlì tɛ ema i ohwa ndi Ŋmɛ̀ndì mò Gbamù, i mo ohwàna ndi na lìhwiyè. Liŋgi lìhwiyè lì rza enje ndi lìhwiyè ema mòtò wa ene rze a gbeyàna. Tɔ̀ e lɔ ema e wɔ̀ hwa kànèyà ene rze, ema lìkànèyà la awu ŋmanà mbɔ lì kùwa.

2 Kɔ̀rintìyà 3:14

Ndi wɔ̀ hwa rzi rzɔŋgìtɛ̀nɛ̀. Ò jɔ̀kɛ̀ lì wòteyà o eŋge hvonda lì uka natɛ̀ɛ na nàŋgɛ, hwa rza tànɛyi lì rzɔŋgìtɛ̀nɛ̀ nanù ema worzo wa ama Morzè ema wo ma hwɛ lì ɛneya kɛyi-kɛyi wo ma wɔ̀lɛ̀nɛ̀ ŋmàye mo eni. Tɔ̀ ima hvonda ema hwatò hwa hweyi tɛ mòtò a laŋga e kààtì ya yòòmbò ya koohwa hwà rza rzɔŋgìtɛ̀nɛ̀ mamɛ hwa hweyà. È gbèyi ndi nàa lìhwatu lì ma hwanda mɔ̀ŋgɛ̀lɛ̀ ma awu. È hwèlì ndi nanù ema mòtò a hwèlì tɛ oma Krirztò, ɔ̀ndi à rzɔŋgìtɛ̀nɛ̀.

Ɛ̀hvìrzìyà 1:17

Ndèŋgànɛ̀lɛ̀ nà kanɛ̀ ndi nanù ema Lòohwà là ama Rzàŋgo yà arzu Yerzù Krirztò, Tatɛ̀ yà èluhwe, à è ŋgbe Èlìŋgɛ̀ yà Wòtani nà ò lì rzɔ̀ŋgìtɛ̀nɛ̀ iŋgi wùndɛ̀ jà hweyà ema hwe utamì aŋga nanù è hwe hwiya gbamù.

Ɛ̀hvìrzìyà 4:18

Èhwanja màlùtèyà ma awu ma hwèlì ndi màlùtèyà ma wòhwe wɔ̀ hwa rza oŋgama hweyà hwa ama Lohwɛ̀. Hwa rza ohvi lòŋgɛ ema Lohwɛ̀ a ŋgbà èhwanja hwa ohvi maniya ndeŋgànɛ̀lɛ̀ hwa rza hwi e njiya ya ama Lohwɛ̀.

1 Tìmotì 1:13

A ma gbeyà nanù, tɔ̀ nɛ o hwewotelì nà mà hwɛ lì mo teŋgɛ̀nɛ na ìrzìlàkò, nà mà hwɛ o lì tàkìrzɛ̀ hvɛ hwaŋga hwatò ema hwà mà mo lòkɛ̀ na o lì mo òhwirzɛnɛ hvɛ mbɔrzi ja wòhwe. Ndi o hwene hweyà hwe arzɛ ema nà mà hwɛ lì gbeyà, Yerzù Krirztò à mà no komeya ììlì ja eni èhwanja na rzi ohve lì lòkɛ̀ ndèŋgàna na rzi hwiye mamɛ ema nà mà hwɛ lì gbeyà.

Jèmìrzì 2:1

Wònyànyàŋgo wa ami kòkò. Inyɔ nàa hwàlòkèlì hwa ama Rzàŋgo wa arzu Yerzù Krirztò, e Rzàŋgo ema èluhwe ya eni e kàrzàmi, inyɔ e rza àŋgàmɛ̀nɛ̀yi lì ɛnɛ tɔ̀ ima mòtò rzìi e mo wowa o a ɛnɛ oma a ohvi wòlìto tɔ̀ a rza ohvi wòlìto.