1 Kɔ̀rintìyà 2:6 - Mokpwe: Bakwery (New Testament)

⁶ I hwèlì tɛ na hwaŋga ema hwà mà jɛ̀ɛ̀ hwàmbaki o malòkɛ̀ ma awu na Yerzù, e hwèlì tɛ ema i ohwa ndi Ŋmɛ̀ndì mò Gbamù, i mo ohwàna ndi na lìhwiyè. Liŋgi lìhwiyè lì rza enje ndi lìhwiyè ema mòtò wa ene rze a gbeyàna. Tɔ̀ e lɔ ema e wɔ̀ hwa kànèyà ene rze, ema lìkànèyà la awu ŋmanà mbɔ lì kùwa.

1 Kɔ̀rintìyà 2:6 Mawu Ofanana

Matiyò 13:22

Ìhvɔ̀ŋgɔ̀ hvɛ ema ì undi ò tenì ya wàŋga ya hwènyɛ̀ŋgɛnyɛ̀ŋgɛ̀, ì hwèlì ndi nàa hwatò ema hwa hweyi ŋmɛ̀ndì mò ama Lohwɛ̀, ndi mètàkà me lòŋgɛ na jɔ̀ɔ̀njì ja mònàmɛ̀ mò ene rze hwe lìŋga mèèmà me awu. Ema me ma hwa gbeyɛ ema naŋgɛ rzɔ hwa rza tànɛyi lì ŋya hwèhvùma hwe gbamù.

Matiyò 19:21

Yerzù rzìi a mò alàhwɛ̀ hvɛ nanù ema, “O arza tɛ lì hwɛ ema ò rza òhvɛ njɔ̀mì, ɛ̀ndɛ ò àhwirzɛ̀ lìrzàŋgò la aŋgɔ̀ la arzɛ ò ŋgbe mèlìrza me hwatò wòŋgò wòlì. O gbe tɛ nanù, ò luwa mònàmɛ̀ ò ŋmanyu yà lohwà. Eŋge hvònda ndi ò nò nɔ̀ŋgɔ.”

Matiyò 5:48

È gbèèyè ndi hweyà hwe gbamù, nà òmà Tatɛ̀ wa anyu wa ŋmanyu yà lohwà mɔ̀hvɛ à hwe gbeyà.”

Lukàrzɛ̀ 16:8

Èŋge èhwàŋgì ya mòtò e mà hweye nanù, rzìi a eka òŋgò mògbèèlì wà èni wà wòhwe a òhwa nanù ema, ‘À gbeyànì lìhwiyè la gbamù.’” Yerzù rzìi a òhwa hvɛ nanù ema, “Nànù ndi hwatò ema hwa òŋgama hweyà hwe ène rze, hwa gbeyànà mahwiye ma awu, ò lì ɔ̀njɔ hwanɛ̀yi hwatò, ò lì gbeyà hweyà hwe awu lì akà è wɔ̀ ema hwa òŋgama ŋmàye mò ama Lohwɛ̀.”

1 Kɔ̀rintìyà 1:28

Lohwɛ̀ à mà hvɔ̀rzɔ̀ ndi mamɛ ema hwatò hwa anù rze yà mɔ̀nyɛ̀ hwa ɛnɛ ema è hwèlì ndi ŋgundu, ndeŋga hwa rzɔnjɛ̀lɛ̀. À mà gbeyà ndi nanù ò lì hvaŋga mamɛ ema hwatò hwa anù rze, hwa ɛnɛ̀ nà eyà yà wòlìtò.

1 Kɔ̀rintìyà 12:8

Èlìŋgɛ̀ yà Wòtani e lìyɛlɛ mòtò mɔ̀kɔ o lì ohwa hweyà hwe lìhwiyè, èŋge èlìŋgɛ̀ yà wòtani mɛnɛ e lìyɛlɛ o hvɛhvɛ mòtò o lì okolɛ̀ hwatò na lìhwiyè.

1 Kɔ̀rintìyà 14:20

Ìi wònyàmowe kòkò, e rzi hwɛ̀nɛ̀ hvɛ màlùtèyà ma hwàna. È hwɛ ndi nàa jùma hwàna ema hwa rza hwiyɛ wòhwe. Ndi o màlùtèyà ma anyu e hwɛ ndi nàa hwàmbaki hwa hwatò.

1 Kɔ̀rintìyà 2:1

Wònyamòwè è hvònda ema nà mà e jèeyà, ò lì e ùkirzɛ̀lɛ̀lɛ̀ ŋmɛ̀ndì mò Wòtani mo ama Lohwɛ̀, na rzì e ohwane tɔ̀ mbɔrzi e mà e mà imbama tɔ̀ lìhwìyè hvɛ ema lì mà karzama.

1 Kɔ̀rintìyà 2:13

I rza gbeyàna ndi è mbɔrzi ema e mòtò wà hwènàmà a gbeyàna lìhwiyè là eni o lì okolɛ̀nɛ hwatò. Ndi i gbeyàna ndi mamɛ Èlìŋgɛ̀ yà Wòtani e jo lìyɛlɛ o lì ohwa. I gbeyàna ndi e mbɔrzi ema Èlìŋgɛ̀ yà Wòtani e jo òhweyà lì hvomɛ̀nɛ̀ hwèŋge hweyà.

1 Kɔ̀rintìyà 2:8

Ndi, e wɔ̀ hwà kànèyà ene rze hwà rzi rzɔ̀ŋgìtɛ̀nɛ̀ lìni lìhwiyè lì ndɛnɛ̀ la ama Lohwɛ̀. Hwà mà rzɔ̀ŋgìtɛ̀nɛ̀ tɛ mamɛ ema Lohwɛ̀ ama hwɛ lì gbeyà, oma hwa rzi wòmeyà e Rzàŋgo wa èluhwe o mbàrza.

1 Kɔ̀rintìyà 3:1

Ìi wònyànyàŋgo hwa ami na hwa ndomɛ hwa ami, na rzi tanɛ lì e ohwìrzɛ̀nɛ̀ na oma nà mà tànɛyi lì e ohwìrzɛ̀nɛ̀ hwatò ema hwa ohvi Èlìŋgɛ̀ yà Lohwà. Nà ma hwɛnɛ ndi lì e ohwìrzɛ̀nɛ̀ nàa hwatò ema e hwèlì o ene rze. Tɔ̀ na e hwèlì ndi jùma hwàna ema hwà mà wòteyà lì hwɛ mɔ̀kɔ nà Krirztò.

2 Kɔ̀rintìyà 1:12

Mamɛ ya arzɛ ema e gbèyɛ̀nɛ̀yi, e jò ŋgbelì kumba. I tànɛyi lì ohwà na mèèmà me rzaŋgi ema o hwɛ̀ɛ̀mɛ̀ hwɛ arzu hwe arzɛ anù rze, rzɛ̀hvɔ̀nì na oma i hwèlì na inyɔ na mèèmà me wòtani, na e jɔ̀kɛ̀ ya arzu. Nànù ndi Lohwɛ̀ a mà tɛ̀yirzɛ ema e hwɛ. Rzeketɛ o lìhwiyè la arzù la mòtò wa hwènàmà, ììlì ja ama Lohwɛ̀.

2 Kɔ̀rintìyà 13:11

O lì umba ene kààtì, wònyamòwè kòkò, e oke mɔ̀nyɛ̀ŋgì. Nà e ohweyà ndi nanù ema e tikowe, ɛ̀ɛ̀mɛ̀ ya anyu e hwɛni lì lɔ̀wu, na arza nanù ema e òkànèyà mayowà mà ami. È hwɛnɛ ndi lì lùtèyà lɔ̀kɔ. È hwɛ o ɛ̀yɔ̀lɛ̀ mɔ̀kɔ na ɔ̀nɛyi. È gbèyi tɛ hwene hweyà hwe arzɛ, Lohwɛ̀ ema a e gbèyi ema e alìŋgànɛ na lì hwɛ o ɛ̀yɔ̀lɛ̀ mɔ̀kɔ na ɔ̀nɛyi, a o e nàmìrzɛ̀.

2 Kɔ̀rintìyà 4:3

È hwèlì tɛ ema ŋmɛ̀ndì mo Lohwà mo gbamù ema jo òhwa mo rza kpèelì o mèèmà me lòŋgo la hwatò, e hwɛ rzɔ ndi nanù èhwanja hwaŋga hwatò hwa rza e lòkɛ̀yi. Nà oma hwa rza lòkɛ̀yi Lohwɛ̀, hwa rza o hwɛ na mɔ̀.

2 Kɔ̀rintìyà 4:4

Mòkarzɛ̀, e mòkànèlì wa ene rze mɔ̀ ndi à kànèyà màlùtèyà ma hwatò ema hwa rza lòkɛ̀yì Krirztò. Wɔ̀ hwa rza tànɛyi lì rzɔ̀ŋgìtɛ̀nɛ̀ nanù ema ŋmɛ̀ndì mò gbamù e uŋmɛ̀lɛ̀ nɛ Krirztò a hwɛni wòlìto. Krirztò mɔ̀ ŋmìti a hwèlì ndi nàa Lohwɛ̀.

Ɛ̀hvìrzìyà 2:2

Ò eŋge hvonda è mà nɔ̀ŋgɔ̀ hweyà hwe wòhwe hwe hwatò hwa ene rze. È mà hwɛ lì hweyàna è mòkànèlì ema à kànèyà hwèlìŋgɛ̀ hwe wòhwe ema hwe hwèlì ò yululì. Nàtɛ̀ɛ nà yàwònò, eŋge èlìŋgɛ̀ è hwèlì è kànèyà hwatò ema hwa gbeyà mamɛ ema Lohwɛ̀ à ohwi nanù ema hwa rza gbeyà.

Kòlòrzìyà 1:28

Ɔndèŋgàtɛ̀ irzɔ jò òhweyà hwatò lì hvomɛ̀nɛ̀ Krirztò tɔ̀ ima èki ema jè ɛndɛ. I hwa kòkòwɛ̀lɛ̀, nà lì hwa okòlɛ nà lìhwiyè là arzɛ ema Lohwɛ̀ à mà jò ŋgbɛ. Irzɔ i gbeyà ndi nanù ehwànja ja arza ndi nanù ema wɔ̀ hwa èmàyɛ̀lɛ̀ ò worzo wò ama Lohwɛ̀ nàa hwatò ema màtàŋga mà awu ma mà màa lì imbami ò tenì yà lì lòkɛ̀.

Kòlòrzìyà 4:12

Èpàhvràrzì mɔ̀ hvɛ a e omelì ikɔ̀mi. Mɔ̀ hvɛ a hwèlì ndi mòtò ema a uwɛ̀lɛ̀lɛ̀yi o mbowà ndɛnɛ ya anyu ndeŋgànɛlɛ a hwèlì ndi mògbèèlì wa ama Yerzù Krirztò. Mɔ̀ a e kànɛlɛlɛ ihvonda ja arzɛ. Inyɛ̀ Lohwɛ̀ mɔ̀ ŋmitɛ-ŋmitɛ a gbeeye na e jɔ̀kɛ̀ eyà ema mɔ̀ à arza nanù ema inyɔ e gbeye. Ndèŋgana inyɔ e àŋgàmɛ̀nɛ̀yi lì e gbeye.

Hibrù 5:14

Molelì ema mo eti mo hwèlì ndi o hwatò ema hwà mà kòkɛ. Mòtò ema à mà kòkɛ rzɔ̀ a hwèlì ndi mòtò ema a ma okowɛ ndèŋgànɛ̀lɛ̀ a hwi hweyà ema hwe hvomɛ̀nɛ̀ na e hweyɔ ema hwe rza hvomɛ̀nɛ̀.

Hibrù 6:1

O eŋgànɛ̀lɛ̀ rzɔ, inyɛ je ɛ̀ndɛ̀nɛ̀ lìlòkɛ̀ la arzu o worzo, nàa hwatò ema hwà mà màa lì hwiya eyà. I rza àŋgàmɛ̀nɛ̀ o lì wowa hvonda hvɛ o lì okowa hweyà ema hwà mà jo okolɛ̀ lì hvomɛ̀nɛ̀ Krirztò o hwèwòtelì. I ma màa lì okowa, ndèŋgànɛ̀lɛ̀ irzɔ i hwi nanù ema hwatò hwa àŋgàmɛ̀nɛ̀ lì àyèŋgowɛ̀ o lì hwɛmɛ lì gbeyà hweyà hwe wòhwe ema hwe jànà e kpelì. Ndeŋgànɛ̀lɛ̀ i ma màa lì hwiya nanù ema hwa àŋgàmɛ̀nɛ̀yi lì lòkɛ̀ Lohwɛ̀.

Jèmìrzì 3:15

Ène nyayi ya lìhwiyè e rza uwɛ̀lɛ̀lɛ̀ ndi o ŋmanyu yà lohwà. Lì hwèlì ndi lìhwiyè ema lì uwɛ̀lɛ̀lɛ̀yi o hwatò hwa e rze ya mɔ̀nyɛ̀. È hwèlì ndi lìhwiyè ema lì uwɛ̀lɛ̀lɛ̀yì oma hwatò ema hwa rza hwɛnɛ èlìŋgɛ̀ ya ama Lohwɛ̀, lìhwiyè la èlìŋgɛ̀ ya wòhwe.

Jèmìrzì 3:2

Irzɔ hwa arzɛ i yɔ̀ki lì gbeyà màtona o jòòhwì. È mòtò ema a rza gbeyà tɔ̀ lìtona a hwèlì ndi mòtò ema a tɛmi ehve-ehve a tànɛyi hvɛ lì kànèyà e nyo ya eni ya arzɛ aŋga nanù a rza gbeyà lìtona.

1 Pètrò 5:10

È takà ndi meŋge mètàkà me rza inda. O mburza nanù, Lohwɛ̀ ema a ŋgba e ndèli ya arzɛ, mɔ̀ ŋmìti a e ŋgba tɔ̀ mamɛ ema e wɔ̀lɛnɛ. A gbeye ema a e ètìrzɛ̀ na lì e tɛmirzɛ gbamù. A hwèlì ndi Lohwɛ̀ ema e ndèli ya eni e lòŋgamɛnɛ tɔ̀ ima mòtò ndèŋgànɛ̀lɛ̀ eŋge ndèli e hwèlì o ihvonda ja arzɛ. Mɔ̀ ndi à e hvɔ̀rzì o lì luwa èluhwe ya eni ema e rza kuwa. Ndeŋgànɛ̀lɛ̀ ye e luwa ehwànja e hwèlì na Krirztò.