1 Kɔ̀rintìyà 2:3 - Mokpwe: Bakwery (New Testament)

³ Nà mà hwɛ̀ nà inyɔ ò e mbowà ya anyu ndɛɛ̀ndɛ nà rzi tanɛ o lì gbeyà ene èwòlò, èhwanja ŋmèmà mà ami mo ma tumeya na wɔ̀ŋgɔ̀.

1 Kɔ̀rintìyà 2:3 Mawu Ofanana

Hwègbèèlì 17:1

Nà òma Pàwolò na mòndeŋge mò eni mò ma akeyà ò mambòwà mà ndɛnɛ ma Amhvipòlìrzi na Apòlonìyà rzi hwa kpèeyà ò mbòwa ya Tɛ̀rzàlònìkà. È ndawò ya màkànɛ̀ ya wònyà Yudà e ma hwɛ aŋga.

Hwègbèèlì 18:1

O mburzà hwenè hweyà hwe arzɛ, Pàwolò à mà anjiya ò mbòwa ndɛnɛ ya Atɛ̀nrzì rzi a ɛ̀ndɛ ò mbòwa ndɛnɛ ya Kɔ̀rintò.

Hwègbèèlì 18:12

È hvònda ema Kàyirza à mà lìirzɛ Galìyò ò mbòkò nàa e Gɔhwina ndɛnɛ ò erzòòkà ya Àkayiyà, hwatò hwa wònyà Yudà ò mbòwa ndɛnɛ ya Kɔ̀rintò hwà mà alatanɛ, rzìi hwa ŋgbaŋgɛ Pàwolò, rzìi hwa mò jànà ò ndawò ya hwèkàyìrzèlì.

Hwègbèèlì 18:6

Ndi wɔ̀ hwà mà hwɛ lì teŋgɛ̀nɛ̀ Pàwolò na lì mò òhwàna hweyà hwe wòhwe, à mà titòwa e rzɔ̀wɛ̀ ema e ma mò hwɛ ò mataŋgà mà eni ò lì uŋmɛ̀lɛ̀ nanù ema e kɔ̀kìrzɛ̀ ya ama Lohwɛ̀ e hwèlì lì hwa ambɛ̀lɛ̀ rzìi mɔ̀ à hwa òhweyà nanù ema, “È wɔ̀lɛ̀nɛ̀ tɛ òma inyɔ hwiti ndi e arzi. Nà rza enje e ya ami ò tenì. Li wòteya nàŋgɛ̀ na ɛ̀ndɛ ndi lì òhweyà hwaŋga hwatò ema hwa rza enje wònyà Yudà ŋmɛ̀ndì mò gbamù.”

2 Kɔ̀rintìyà 10:1

Imba Pàwolò, ema na arzihwirzɛ na ŋmɛɛ nàa Krirztò, na e rzorzomeya. Lòŋgo la hwatò hwa ohwa nanù ema na hwèlì tɛ na inyɔ na oka wɔ̀ŋgɔ̀ ndèŋgàna hwa ohwa nanù ema na rza enje tɛ na inyɔ na e tìleya kààtì ema ja ambirzɛnɛ.

2 Kɔ̀rintìyà 10:10

Imba na ohwa ndi nanù èhwanja, lòŋgo la hwatò hwa ohwa nanù ema i kààtì ema imba na e tìleya ji imbami rzayi-rzayi ndèŋgànɛlɛ jo òhvi mbɔrzi ya wòhwe o tenì. Lòŋgo la hwatò hvɛ hwa ohwa nanù ema imba na hwèlì tɛ na wɔ̀, na rza ohva tɔ̀ ŋginyà ndèŋgàna tɔ̀ mamɛ hvɛ ema na ohwa e rza ohva tɔ̀ ŋginyà tɔ̀ hvɔ̀kɔ.

2 Kɔ̀rintìyà 13:4

È hwèlì ndi e jɔ̀kɛ̀ nanù ema Krirztò nàa mòtò wa hwènàmà a rzi hwɛnɛ ŋginyà e hvonda ema hwà mà no wòmeyà o mbarza. Ndi tɔ̀ nanù a hwèlì lòŋgɛ o nàŋgɛ, ndi tɔ̀ na oma a hwèlì lòŋgɛ nanù, èhwanja Lohwɛ̀ à mà gbeyàna e ŋginyà ya eni o lì mo timbirzɛhwɛ o lòŋgɛ. Nà oma i hwèlì ndi mɔ̀kɔ na Krirztò, irzɔ hvɛ nàa hwatò hwa hwènàmà i rza imbami. Ndi irzɔ hvɛ jo ò hwɛ o lòŋgɛ na Krirztò o ŋginyà ya ama Lohwɛ̀, ndèŋgànɛlɛ jo ò e gbeyà hweyà hwe arzɛ ema i hwɛni lì e gbèeyà.

2 Kɔ̀rintìyà 13:9

Jo ò oka mɔ̀nyɛ̀ŋgì, je e ɛni tɛ na oma e gbeyà hweyà ema hwe gbeyà lì lòkɛ̀ la anyu lì andàmà, tɔ̀ e hwɛ ndi nanù ema irzɔ je ɛni nanù ema i rza imbami, èhwanja i rza ɛni tɔ̀ lìtiŋga o lì e kɔ̀kìrzɛ̀. I kanɛ̀ ndi nanù ema Lohwɛ̀ a e òŋgwànɛ̀ ɛ̀ɛ̀mɛ̀ ya anyu e hwɛ ndi e ya gbamù.

2 Kɔ̀rintìyà 4:1

Ìilì ja ama Lohwɛ̀ jɔ ndi i gbèyi ema jo òhwe mono ŋmɛ̀ndì o èŋgànɛ̀lɛ̀ i rza kpa mèèmà.

2 Kɔ̀rintìyà 4:16

Lìtìŋga lìinì ɔ̀ndeŋgàtɛ̀ i rzi tu mèèmà o lì ohwa ŋmɛ̀ndì mò gbamù. Tɔ̀ nɛ i ŋginyà ja arzu e hwèlì lì ɔ̀ndeyà, ndi Lohwɛ̀ a jo ŋgbà ŋginyà o tenì ja arzu.

2 Kɔ̀rintìyà 6:4

Ndi nàa hwàgbèelì hwa ama Lohwà, irzɔ ja awuŋmɛ̀lɛ̀ irzɔ hwiti nàa hwatò ema hwa gbeyà mamɛ ya arzɛ ema e hvomɛ̀nɛ̀. I kaka mèèmà rzayi-rzayi o tenì ya mètàkà ema i luwa, o lòŋgɛ ema la eti ema i hwèlì o tenì na i ndùtù hvɛ ema i jo ùŋmànɛ̀lɛ̀yi.

2 Kɔ̀rintìyà 7:15

Èŋge eyà e gbèyi ema ŋmèma mo eni mo hwèlì na inyɔ lì aka tɔ̀ na e hvonda ya worzo, na oma a ɔ̀ŋgɛ̀lɛ̀ nɛ inyɔ hwa arzɛ e ma hwɛnɛ ŋmèma mo lì gbeyà hweyà hwe arzɛ ema mɔ̀ à mà e ohweyà o lì gbeyà. Ŋmèma mo eni mo hwèlì hvɛ na inyɔ nanù mɛnɛ, a ɔ̀ŋgɛ̀lɛ̀ tɛ nɛ inyɔ e ma mo karzɛ na èluhwe na o lì mo òŋgòwànà hvɛ na ŋmèma mɔ̀kɔ.

2 Kɔ̀rintìyà 7:5

Nà oma i ma ùke o erzòòkà ya Màrzèdonìyà, i rzi hwɛnɛ lì Arzìyòlɛ̀. I ma luwa nyayi na nyayi ja mètàkà. Hwatò hwà mà jo kɔnɔ hvenda ndèŋgàna i ma ohva wɔ̀ŋgɔ̀ o mèèmà me arzu èhwanja i ma hwɛ lì e lùtèyà.

Ɛ̀hvìrzìyà 6:5

Inyɔ hvɛ hwàkòmì e hweyàne irzaŋgo ja anyu ja èwòlò. Ndeŋgànɛ̀lɛ̀ e hwa ŋgbe èluhwe, ndeŋga e hwa hweyàne na ŋmèma mɔ̀kɔ molemilemi na oma e hweyàna Krirztò.