1 Kɔ̀rintìyà 2:13 - Mokpwe: Bakwery (New Testament)

¹³ I rza gbeyàna ndi è mbɔrzi ema e mòtò wà hwènàmà a gbeyàna lìhwiyè là eni o lì okolɛ̀nɛ hwatò. Ndi i gbeyàna ndi mamɛ Èlìŋgɛ̀ yà Wòtani e jo lìyɛlɛ o lì ohwa. I gbeyàna ndi e mbɔrzi ema Èlìŋgɛ̀ yà Wòtani e jo òhweyà lì hvomɛ̀nɛ̀ hwèŋge hweyà.

1 Kɔ̀rintìyà 2:13 Mawu Ofanana

Lukàrzɛ̀ 12:12

Èhwanja èŋge hvònda Èlìŋgɛ̀ yà Wòtani yò òhweyà mamɛ ò hwɛnì lì òhwà.”

Hwègbèèlì 2:4

Wɔ̀ hwa arzɛ hwà mà ònda na Èlìŋgɛ̀ yà Wòtani, rzìi hwa wòteya lì òhwa imbɔrzi ja hwahvɛhvɛ hwatò ema hwa rza òkòwɛ. Èlìŋgɛ̀ yɔ ndi e ma hwa lìyɛlɛ ò lì òhwa mamɛ ema hwà mà hwɛ lì òhwa.

1 Kɔ̀rintìyà 1:17

Krirztò à rzì nò omè ò lì lùhwìrzɛ̀ hwatò. À mà nò omà ndi ò lì ohwà Ŋmɛ̀ndì mò Gbamù mò ama Lohwɛ̀. Nà rza è ohwane hvɛ nà tɔ̀ mbɔrzi yà gbàŋgò. Nà gbeyànì tɛ è mbɔrzi yà gbaŋgo, èŋge ŋgàna è hwɛ ndi ema, è kpelì yà ama Krirztò ò mbàrza è rze enje tɔ̀ eyà.

1 Kɔ̀rintìyà 14:2

Èhwanja o òhvi tɛ è ŋgìlì yà lì ohwà o ihvɛhvɛ mbɔrzi, ò wa, ò ohwìrzɛ̀nɛ̀ ndi Lohwɛ̀, rzeketɛ hwatò. Ò jɔ̀kɛ̀ tɔ̀ mòtò tɔ̀ mɔ̀kɔ a rzà tanɛ̀yi lì o rzɔŋgìtɛ̀nɛ̀. Ò wòteyà ndi lì ohwà o è ŋginyà yà èlìŋgɛ̀ yà wòtani. Iŋgi johwì ja arzɛ i hwɛ ndi johwi ja wùndɛ̀ ema hwatò hwa rza rzɔ̀ŋgìtɛ̀nɛ̀.

1 Kɔ̀rintìyà 2:1

Wònyamòwè è hvònda ema nà mà e jèeyà, ò lì e ùkirzɛ̀lɛ̀lɛ̀ ŋmɛ̀ndì mò Wòtani mo ama Lohwɛ̀, na rzì e ohwane tɔ̀ mbɔrzi e mà e mà imbama tɔ̀ lìhwìyè hvɛ ema lì mà karzama.

1 Kɔ̀rintìyà 2:14

È mɔ̀ ema a rza ohvɛɛ Èlìŋgɛ̀ yà Wòtani a rza o lùwa hweyà ema hwe uwɛ̀lɛ̀lɛ̀yi o Èlìŋgɛ̀ ya ama Lohwɛ̀. Mɔ̀ a rza tànɛyi lì rzɔ̀ŋgìtɛ̀nɛ̀ hwèŋge hweyà, hwe hwèlì ndi hweyà hwe mɔ̀lɔ̀kɔ̀rzɔ̀ na mɔ̀. A rza tanɛ lì hwe rzɔŋgìtɛ̀nɛ èhwanja Èlìŋgɛ̀ yà Wòtani yɔ ndi e òŋgòwàna hwatò ò lì rzɔ̀ŋgìtɛ̀nɛ̀ hweyà hwe ama Lohwɛ̀.

1 Kɔ̀rintìyà 2:4

Nà oma nà mà hwɛ lì e okolɛ̀, na lì ohweyà Ŋmɛ̀ndì mò Gbamù, ŋmɛ̀ndì nà mà hwɛ lì e ohweyà, mo rzi ohve tɔ̀ mbɔrzi ya lìhwiyè lì ndɛnɛ. Ndi na oma nà mà hwɛ lì e ohweyà Ŋmɛ̀ndì mò Gbamù, hweyà ema nà mà hwɛ lì ohwa, hwe uŋmɛ̀lɛ̀ ema e ŋginyà ya Èlìŋgɛ̀ yà Wòtani ema hwɛ na imba.

1 Kɔ̀rintìyà 9:11

Nà oma ima lome lì ona hweyà hwe hwèlìŋgɛ̀ hwe eyà ya Lohwà o ìtììtènì ja anyu, e hwɛ ndi wòhwe e hwèlì tɛ ema irzɔ ji ijòwa tɛ hwèèmà hwe ene rze ya mɔ̀nyɛ̀ e?

Ɛ̀hvìrzìyà 5:19

È à èmbànɛ mɛ̀rzɔ̀kɔ̀ mè Lohwà, ò lì àyètìrzɛ̀nɛ̀ mɔ̀kɔ nà ɔ̀nɛyi. È embe mɛ̀rzɔ̀kɔ̀ ema mè uwɛ̀lɛ̀lɛ̀yi ò kaàtì yà ama Lohwɛ̀ ya mɛ̀rzɔ̀kɔ̀ ndeŋgànɛ̀lɛ̀ è embe hvɛ tɔ̀ ima mɔ̀rzɔ̀kɔ̀ ema mò uwɛ̀lɛ̀lɛ̀yi ò Èlìŋgɛ̀ yà Wòtani ò lì eka Lohwɛ̀.

Kòlòrzìyà 3:16

Inyɛ̀ ŋmɛ̀ndì mò ama Krirztò mò lìya gbamù ò tenì yà mèèmà mè anyu ò ihvonda jà arzɛ. Inyɛ̀ inyɔ è gbeyàne moŋgo ŋmɛ̀ndì nà lìhwiyè lì anyu là arzɛ ò lì okòlɛ nà lì kòkòwɛ̀lɛ̀ mɔ̀kɔ nà ɔ̀nɛyi ò ihvonda ja arzɛ. Inyɔ è à èmbeyà Lohwɛ̀ mɛ̀rzɔ̀kɔ̀ ema mè hwèlì ò tenì yà è kààtì yà mɛ̀rzɔ̀kɔ̀ mè Lohwà. È èmbeyà Lohwɛ̀ mɛ̀rzɔ̀kɔ̀ ema mà eka Lohwɛ̀ nà Krirztò nà mè hvɛhvɛ mɛ̀rzɔ̀kɔ̀ ema mè è jɛ̀lɛ̀lɛ̀yì ò mèèmà mè anyu ò lì eka Lohwɛ̀. Inyɔ è mò èmbeyà ò lì mo eka nà mèèmà mè anyu mè arzɛ.

1 Pètrò 1:12

Lohwɛ̀ à mà wùluhweyà hwanù hwà-òhwèlì hwa hwèlìŋgɛ̀ nanù ema èwòlò ya awu ema hwa gbeyà, e rza o hwa lùhwìrzɛ̀ tɔ mɔ̀rzɛ̀ŋgì ndi e hwèlì ndi èwòlò ya anyu. Lohwɛ̀ à mà omeya hwatò Èlìŋgɛ̀ yà Wòtani ema e ma uwɛ̀lɛ̀lɛ̀yi o ŋmanyu yà lohwà. Èŋge Èlìŋgɛ̀ ndi e ma gbeyà ndèŋgànà loŋgo la hwatò hwa e ohwa Ŋmɛ̀ndì mò Gbamù, ema inyɔ e hweyà yawono. Hwene hweyà hweyɔ ndi Hwà-òhwèlì hwà mà ohwe. Tɔ̀ i aŋgèlì jo hwiti jo òkeya o lì hwiya hwene hweyà.

2 Pètrò 1:16

Rzeketɛ màyìtò ema hwatò hwà mà wòndɛ̀yi ndi i ma hwɛ lì e ohweyà, e hvonda ema i ma hwɛ lì ohwa nanù ema e Rzàŋgo ya arzu Yerzù Krirztò e jà hvɛ na ŋginyà. Irzɔ hwitɛ-hwitɛ je ɛnɛ ŋmàye mo eni na mìirzɔ ma arzu.