1 Kɔ̀rintìyà 2:12 - Mokpwe: Bakwery (New Testament)

¹² I rzà ohvì ndi èlìŋgɛ̀ ya ene rze, i ohvi ndi èlìŋgɛ̀ yà wòtani ema Lohwɛ̀ a jo ŋgbèli, oma i ma rzɔ̀ŋgìtɛ̀nɛ̀ hweyà hwe arzɛ ema hwe jo ŋgbààhwì nà Mɔ̀, ò ŋgùndù.

1 Kɔ̀rintìyà 2:12 Mawu Ofanana

Ròmànì 8:1

O nàŋgɛ, Lohwɛ̀ a rza tùulɛ̀ mòtò ema a hwèlì na Yerzù Krirztò ŋmàŋgò.

Ròmànì 8:32

Jàyɛ̀, na òma Lohwɛ̀ a rzi utɛ tɔ̀ Ŋmanà wa eni. A ma mò wòwa rzìi a mò ŋgbà ema a jò ŋwèeyà. Èŋge ŋgàna e hwèlì ndi nanù ema mɔ̀ à rza ò jò ŋgba hvɛ tɔ̀ mamɛ ema i mò ijòwi e?

1 Kɔ̀rintìyà 1:27

Ndi, Lohwɛ̀ à hvɔ̀rzì hweyà ema hwatò hwa anù rze yà mɔ̀nyɛ̀ hwà ɛ̀nɛ nà hweyà hwe ŋgundu, ò lì enyìrzɛ̀ hwatò ema hwa ɔ̀ŋgɛ̀lɛ̀ nanù ema hwa hwɛnì màhwiyè, à hvɔ̀rzì mamɛ ema hwatò hwa anù rze hwà ɛnɛ̀ ema è rza ohvi ŋginyà, ò lì enyìrzɛ hwatò ema hwa ɔ̀ŋgɛ̀lɛ̀ nanù ema wɔ̀ hwa ohvi ŋginyà.

1 Kɔ̀rintìyà 2:6

I hwèlì tɛ na hwaŋga ema hwà mà jɛ̀ɛ̀ hwàmbaki o malòkɛ̀ ma awu na Yerzù, e hwèlì tɛ ema i ohwa ndi Ŋmɛ̀ndì mò Gbamù, i mo ohwàna ndi na lìhwiyè. Liŋgi lìhwiyè lì rza enje ndi lìhwiyè ema mòtò wa ene rze a gbeyàna. Tɔ̀ e lɔ ema e wɔ̀ hwa kànèyà ene rze, ema lìkànèyà la awu ŋmanà mbɔ lì kùwa.

1 Kɔ̀rintìyà 3:22

Lohwɛ̀ a no òmi imba, Apòlòrzì, na Pètrò, o lì e òŋgòwàna. Hweema hwe arzɛ ema Lohwɛ̀ a wèki o rze, a e ŋgbelì ndi e hweyɔ ema, e hwe gbeyàne. Tɔ̀ e ŋwa, tɔ̀ e hwɛ o lòŋgɛ, Lohwɛ̀ à mà e gbeyà ndi nanù o gbamù wa anyu. Hweya ema hwe e gbèyɛ̀nɛ naŋgɛ, na o e hvonda ema e o jɛ̀ɛ̀, hwe hwèlì ndi o gbamù wa anyu. Hwanù hwatò hwa arzɛ, na hwenè hwema hwe arzɛ Lohwɛ̀ a e ŋgbelì e hweyɔ.

2 Kɔ̀rintìyà 4:4

Mòkarzɛ̀, e mòkànèlì wa ene rze mɔ̀ ndi à kànèyà màlùtèyà ma hwatò ema hwa rza lòkɛ̀yì Krirztò. Wɔ̀ hwa rza tànɛyi lì rzɔ̀ŋgìtɛ̀nɛ̀ nanù ema ŋmɛ̀ndì mò gbamù e uŋmɛ̀lɛ̀ nɛ Krirztò a hwɛni wòlìto. Krirztò mɔ̀ ŋmìti a hwèlì ndi nàa Lohwɛ̀.

Ɛ̀hvìrzìyà 2:2

Ò eŋge hvonda è mà nɔ̀ŋgɔ̀ hweyà hwe wòhwe hwe hwatò hwa ene rze. È mà hwɛ lì hweyàna è mòkànèlì ema à kànèyà hwèlìŋgɛ̀ hwe wòhwe ema hwe hwèlì ò yululì. Nàtɛ̀ɛ nà yàwònò, eŋge èlìŋgɛ̀ è hwèlì è kànèyà hwatò ema hwa gbeyà mamɛ ema Lohwɛ̀ à ohwi nanù ema hwa rza gbeyà.

Jèmìrzì 4:5

È ɔ̀ŋgɛ̀lɛ nanù ema o ŋgundu ndi e tìlahwì o kààtì ya Lohwà nanù ema, “Èlìŋgɛ̀ ema Lohwɛ̀ a jo ikà o mèèmà me arzu e hwèlì ndi e ya eni, ndeŋgànɛlɛ mɔ̀ à nòneyà eŋge Èlìŋgɛ̀.”

1 Yòwanìrzɛ̀ 2:20

Ndì ò inyɔ, è Mɔ̀ ema à Ɔ̀kirzɛ̀hwɛ̀ à mà è ŋgba Èlìŋgɛ̀ yà Wòtani. Ò eŋgànɛ̀lɛ̀ rzɔ inyɔ hwa arzɛ è hwi è jɔ̀kɛ̀.

1 Yòwanìrzɛ̀ 2:27

Ndi ò inyɔ, Krirztò à mà è ondìrzɛ̀ nà Èlìŋgɛ̀ yà Wòtani ndèŋgànɛ̀lɛ̀ yɔ̀ è hwèlì ò tenì yà anyu. Ò eŋgànɛ̀lɛ̀ rzɔ, inyɔ è rza arza mòtò ò lì è okòlɛ̀ ehwànja Èlìŋgɛ̀ è mà e okòlɛ̀ hweyà hwe arzɛ, ndèŋgànɛ̀lɛ̀ hweyà ema à è okòlɛ hwe hwèlì ndi è jɔ̀kɛ̀ rzeketɛ mòlàŋga. Ò eŋgànɛ̀lɛ̀ rzɔ, nanù mɛnɛ nà Krirztò nà oma Èlìŋgɛ̀ yà Wòtani è mà è okòlɛ̀.

Hwèwulùwèlì 12:9

Aŋga ndi hwa a hvimba eŋge dragɔ̀ni ndɛnɛ o rze ya mɔ̀nyɛ̀. Èŋge dragɔ̀ni e ma hwɛ ndi nàa gbàahwà wo e hvonda ya kòwàa ema wo ma hwɛ̀lɛ̀hwɛ̀ Dɛhvùlì tɔ̀ Mòkarzɛ̀, ema a eŋgìrzɛ̀ e rze ya mɔ̀nyɛ̀ ya arzɛ. Ndeŋgànɛ̀lɛ̀ hwà mà hvimba iŋgi aŋgèlì ja eni ja arzɛ na mɔ̀ o e rze ya mɔ̀nyɛ̀.

Hwèwulùwèlì 22:6

È aŋgèlì rzìi e no òhweyà nanù ema, “Hwene hweyà ema na o ohweyà hwe hwèlì ndi e jɔ̀kɛ̀ o eŋgànɛlɛ e àŋgàmɛ̀nɛ̀ lì hwe lòkɛ̀. È Rzàŋgo, Lohwɛ̀ ema a ŋgbàà hwà-òhwèlì hwa hwèlìŋgɛ̀ elìŋgɛ̀ ya eni, aŋga nanù hwa ohwa ŋmɛ̀ndì mo eni, mɔ̀ à mà oma e aŋgèlì ya eni o lì uŋmɛ̀lɛ̀ hwàgbèèlì hwa eni hweyà ema hwe o gbèyɛ̀nɛ ŋmanà mbɔ̀.”