1 Kɔ̀rintìyà 2:10 - Mokpwe: Bakwery (New Testament)

¹⁰ Ndi, Lohwɛ̀ à mà gbeyàna Èlìŋgɛ̀ yà Wòtani o lì jò uŋmɛ̀lɛ̀, hwènè hweyà hwe arzɛ. Èlìŋgɛ̀ ya ama Lohwà è arzìrzɛ̀ hweyà hwe arzɛ, ndèŋgàna e hwi hweyà hwe arzɛ, na ìwùndɛ̀ ja ama Lohwɛ̀ ema mòtò a rza tànɛyi lì rzɔ̀ŋgìtɛ̀nɛ̀.

1 Kɔ̀rintìyà 2:10 Mawu Ofanana

Matiyò 13:11

Yerzù rzìi a hwa alàhwɛ̀ nanù ema, “Lìhwiye la è wùndɛ̀ ya Lìkànèyà la ŋmanyu yà lohwà lì e ŋgbààhwi ndì inyɔ, ndi rzeketɛ ò hwahvɛhvɛ hwatò.

Matiyò 16:17

Yerzù rzìi a mò alàhwɛ̀ nanù ema, “Mònàmɛ̀ nà ò wa Rzìmɔ̀nì è ŋmanà wà ama Jona. Rzeketɛ è mòtò wa hwènàmà ndi à òhwèlì ene eyà, ndi Tatɛ̀ wa ami ema a hwèlì ò ŋmanyu yà lohwà mɔ̀ ndi à gbèyi ema òhwe nanù.

Lukàrzɛ̀ 10:21

O èŋge hvònda, Èlìŋgɛ̀ yà Wòtani e mà lìŋgìrzɛ Yerzù rzayì-rzayì, rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze yà mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò mà wunane hwàŋgà ema hwa òhvi mahwiye nà hwaŋga hwatò ema hwa rzɔ̀ŋgìtɛ̀nɛ̀. Ɛ̀ɛ Ìi Tatɛ̀, nanù ndi ò mà àrze òma è gbeyɛ̀nɛ̀.”

Lukàrzɛ̀ 2:26

Èlìŋgɛ̀ yà Wòtani e mà mò uŋmɛ̀lɛ̀ ema a rza ŋwa, natɛ̀ɛ a ɛnɛ̀ e mɔ̀ ema Lohwɛ̀ à Ɔ̀kirzɛ̀yì.

Yòwanìrzɛ̀ 14:26

È Moòŋgòwànèlì, Èlìŋgɛ̀ yà Wòtani, ema Tatɛ̀ a e òmeya ò lìna lì ami, a ò e òkòlɛ̀ hweyà hwe arzɛ. Ndèŋgànɛ̀lɛ̀ hvɛ a ò gbeyà e ò ɔ̀ŋgɛ̀lɛ̀ hweyà hwe arzɛ ema nà mà lòmɛ lì e òhweyà.

Yòwanìrzɛ̀ 16:13

Ndi e Èlìŋgɛ̀ ya jɔ̀kɛ̀ e jelì tɛ, ye e tìmba ò lì hwiya e jɔ̀kɛ̀ ya arzɛ. Mɔ̀ a rza ò òhwa lì hvòmɛ̀nɛ̀ lìkànèyà la eni. Eyà ema hwa mò òhweyà yɔ ndi à ò òhwa, ndèŋgàna a ò e òhweyà hvɛ hweyà ema hwe ò gbèyɛ̀nɛ.

1 Kɔ̀rintìyà 14:30

È hwèlì tɛ ema mòtò mɔ̀kɔ ema a hwèlì o ŋmèmba, a lu tɛ ŋmɛ̀ndì ema Lohwɛ̀ à mà wuluhwèlì, e mòtò ema a hwèlì a ohwa, a hwɛnì lì hwɛmɛ jòòhwì ja eni.

1 Kɔ̀rintìyà 2:11

Tɔ̀ mòtò à rzà tanɛ̀yi lì hwiyà mɔ̀ŋgɛ̀lɛ̀ ma mòtò. Èlìŋgɛ̀ ema e hwèlì o tenì ya mòtò, yɔ ndi e hwi màlùtèyà ma ama òŋgo mòtò. Nànù mɛnɛ ndi tɔ̀ mòtò tɔ̀ mɔ̀kɔ à rza tànɛ lì hwìyà mɔ̀ŋgɛ̀lɛ̀ ma ama Lohwɛ̀, lì aka tɛ èlìŋgɛ̀ ya eni mɛnɛ.

Gàletìyà 1:12

Nà rzì luwe ŋmɛ̀ndì mo ami lì akeyà na tɔ̀ mòtò mɔ̀kɔ wa hwènàmà, ndèŋgàna tɔ̀ mòtò tɔ̀ mɔ̀kɔ a rzi no òkolɛ e mɔ̀. Yerzù Krirztò mɔ̀ ŋmìti ndi à mà no wuluweya e mɔ̀.

Ɛ̀hvìrzìyà 3:3

Lohwɛ̀ à mà nò ŋgba lì rzɔ̀ŋgìtɛ̀nɛ̀ là hweyà hwe wùndɛ̀, ema hwe mà nò gbeyà ò lì hwiya hweyà ema natɛ̀ɛ nà naŋgɛ tɔ̀ mòtò tɔ̀ mɔ̀kɔ à rza tànɛyi lì rzɔ̀ŋgìtɛ̀nɛ̀. Nà mà màa lì è tìleyà ŋgurzu jà hweyà lì hvomɛ̀nɛ̀ ene.

Ɛ̀hvìrzìyà 3:5

Ò mòlòmɛ̀ Lohwɛ̀ à rzi wùluhweyà hwatò hwa hwènàmà hwene hweyà ema tɔ̀ naŋgɛ tɔ̀ mòtò tɔ̀ mɔ̀kɔ à rza rzɔ̀ŋgìtɛ̀nɛ̀. Ndi ò naŋgɛ à mà gbeyàna è Èlìŋgɛ̀ yà eni ò lì uŋmɛ̀lɛ̀ hwà-òhwèlì hwa hwèlìŋgɛ̀ nà i àpɔ̀rzìtòlò ema hwa gbèeyà Lohwɛ̀ hwene hweyà.

1 Tìmotì 4:1

Èlìŋgɛ̀ yà Wòtani e telɛlɛyi nanù ema o mene mèenyà me lìrzùkù, lòŋgo la hwatò hwa o hwɛmɛ lì lòkɛ̀ la awu la jɔ̀kɛ̀ ndèŋgàna hwa o lòkɛ̀ ndi hwatò ema hwa okolɛ hwèyòkòlèlì hwe mòlàŋga. Hweyokowelì hwene ema èlìŋgɛ̀ ya wòhwe e arza nanù ema hwa lòkɛ̀.

1 Pètrò 1:12

Lohwɛ̀ à mà wùluhweyà hwanù hwà-òhwèlì hwa hwèlìŋgɛ̀ nanù ema èwòlò ya awu ema hwa gbeyà, e rza o hwa lùhwìrzɛ̀ tɔ mɔ̀rzɛ̀ŋgì ndi e hwèlì ndi èwòlò ya anyu. Lohwɛ̀ à mà omeya hwatò Èlìŋgɛ̀ yà Wòtani ema e ma uwɛ̀lɛ̀lɛ̀yi o ŋmanyu yà lohwà. Èŋge Èlìŋgɛ̀ ndi e ma gbeyà ndèŋgànà loŋgo la hwatò hwa e ohwa Ŋmɛ̀ndì mò Gbamù, ema inyɔ e hweyà yawono. Hwene hweyà hweyɔ ndi Hwà-òhwèlì hwà mà ohwe. Tɔ̀ i aŋgèlì jo hwiti jo òkeya o lì hwiya hwene hweyà.

1 Yòwanìrzɛ̀ 2:20

Ndì ò inyɔ, è Mɔ̀ ema à Ɔ̀kirzɛ̀hwɛ̀ à mà è ŋgba Èlìŋgɛ̀ yà Wòtani. Ò eŋgànɛ̀lɛ̀ rzɔ inyɔ hwa arzɛ è hwi è jɔ̀kɛ̀.

1 Yòwanìrzɛ̀ 2:27

Ndi ò inyɔ, Krirztò à mà è ondìrzɛ̀ nà Èlìŋgɛ̀ yà Wòtani ndèŋgànɛ̀lɛ̀ yɔ̀ è hwèlì ò tenì yà anyu. Ò eŋgànɛ̀lɛ̀ rzɔ, inyɔ è rza arza mòtò ò lì è okòlɛ̀ ehwànja Èlìŋgɛ̀ è mà e okòlɛ̀ hweyà hwe arzɛ, ndèŋgànɛ̀lɛ̀ hweyà ema à è okòlɛ hwe hwèlì ndi è jɔ̀kɛ̀ rzeketɛ mòlàŋga. Ò eŋgànɛ̀lɛ̀ rzɔ, nanù mɛnɛ nà Krirztò nà oma Èlìŋgɛ̀ yà Wòtani è mà è okòlɛ̀.

Hwèwulùwèlì 1:1

Ène kààtì e ohwa ndi lì hvomɛ̀nɛ̀ hweyà ema hwe o gbèyɛ̀nɛ ema Yerzù Krirztò a gbèyi ndèŋgànà hwe o e hwiyɛnɛ. Lohwɛ̀ à mà mo ŋgba hwene hweyà nanù ema hwe hwiyɛnɛ aŋga nanù mɔ̀ à uŋmɛ̀lɛ̀ hwàgbèèlì hwa eni hweyà ema hwe o gbèyɛ̀nɛ ŋmanà mbɔ. Krirztò à mà gbeyà e mògbèèlì wa eni Yòwanìrzɛ̀ o lì hwiye hwenè hweyà na oma à mà mo òmeya e aŋgèlì ya eni.

Hwèwulùwèlì 2:24

“Ndi na e ohweyà inyɔ hwatò ema e lìyelì o Tìyatìrà, inyɔ ema e rzi ika hwenè hwèokòlelì, inyɔ i rzi okowi hwèokòlelì hwe hweyà ema hwe hwɛ̀lɛ̀hwɛ̀ nanù ema, ìwùndɛ̀ ja ama Mòkarzɛ̀. Nà e ohweyà nanù ema, na rza arza lì e tàkìrzɛ̀ hvɛ.