1 Kɔ̀rintìyà 16:16 - Mokpwe: Bakwery (New Testament)

¹⁶ e arzihwirzɛ o rze ya ini nyayi ja hwatò, ndèŋgàna ya arzihwirzɛ hvɛ o rze ya tɔ̀ ima mòtò ema a gbeyà ene tumba ya èwòlò.

1 Kɔ̀rintìyà 16:16 Mawu Ofanana

Ròmànì 16:12

È kɔmè Trìhvàyènà na Trìhvòrza, hwaŋga hwalanà ema hwa gbèeyà e Rzàŋgò èwòlò ya màyìmbì. È kɔmè Pɛ̀rzìrzì e mbunda ya ami ya màlìŋgò, òhvɛhvɛ mòlanà ema à mà gbèyɛ èwòlò rzayi-rzayi ò lìna la ama e Rzàŋgò.

Ròmànì 16:3

Inyɔ e nò kɔmèya Prìrzìlà na mòjòmɛ̀ wa eni Akwìlà, ema irzɔ na wɔ̀ i gbeyà èwòlò ya ama Yerzù Krirztò.

Ròmànì 16:6

È kɔmè Màlìyɛ̀, ema à mà gbèèyɛ̀ èwòlò rzayi-rzayi ò ìtììtènì ja anyu.

Ròmànì 16:9

È kɔmè Ubànùrzì, ema mɔ̀ hvɛ a hwèlì ndi mɔ̀kɔ wa arzu ema i gbèeyɛnɛ èwòlò ya ama Krirztò. È kɔmè hvɛ e mbunda ya ami ya ndìŋgɛ ya màlìŋgò Rztàkìrzì.

1 Kɔ̀rintìyà 12:28

Lohwɛ̀ à mà ŋgba hwatò hwehvɛhvɛ hwèwòlò ò tenì ya mìitelì. A ma loma lì ika lòŋgo la hwatò i Àpɔ̀rzìtòlò. O mburzà nanù, a hvɔ̀rzɔ̀ hvɛ hwà-òhwèlì hwa hwèlìŋgɛ̀. Ndèŋgana a e hvɔ̀rzɔ̀ hvɛ Hwà-òkòwèlì. Ndèŋgana a e hvɔ̀rzɔ̀ hwatò ema hwa gbeyà hweyà hwe mànyakà. Rzi a hvɔ̀rzɔ̀ hvɛ hwatò ema hwa òŋgòwàna hwanɛ̀yi hwatò. A ma hvɔ̀rzɔ̀ hwatò ema hwà mà hwɛnɛ lìhwiyè la lì tìmba hwahvɛhvɛ hwatò. Rzi a hvɔ̀rzɔ̀ hvɛ hwatò ema hwa ohwa ihvɛhvɛ mbɔrzi.

1 Kɔ̀rintìyà 3:9

Èhwanja irzɔ hwahwàkɛ i hwèlì ndi hwàgbèèlì hwa ama Lohwɛ̀ ema i gbeyà ndi èwòlò yɔ̀kɔ. Inyɔhvɛ ema e lòkɛ̀yi, e hwèlì ndi nàa e hvaya ya ama Lohwɛ̀. Nà tànɛyi na e wowa ndi nàa wooŋgi ema Lohwɛ̀ a hwèlì a oŋga.

Ɛ̀hvìrzìyà 5:21

È aŋgbɛ inyɔ hwiti o lì gbèeyà mɔ̀kɔ nà ɔnɛ̀i o nyòla ya èluhwe e ma i ŋgbelì Krirztò.

Hvìlipìyà 4:3

Mbunda ami kòkò, ema ì gbèyɛnɛ èwòlò, nà ò atɛ̀kɛ̀ nanù ema ò òŋgowane hwanu hwalanà hwahwàkɛ nanù ema hwa àwohvanɛ̀ mɔ̀kɔ nà ɔnɛyi ɛ̀yɔ̀lɛ̀. Hwanu hwalana hwahwàkɛ, Klɛ̀mɛ̀ntì nà hwahvɛhvɛ hwàgbèèlì hwa mà hwɛ ò toŋgoŋgo yà ami. Irzɔ nà wɔ̀ ì mà gbeyà èwòlò gbamù, aŋga nanù imba nà ò tànɛ lì ohwa ŋmɛ̀ndì mò gbamù. Mììnà mà awu mà arzɛ mà hwèlì ò tenì yà è kààtì yà lòŋgɛ.

1 Tɛ̀rzàlonìyà 1:3

Irzɔ ì kanɛ̀ tɛ Tatɛ̀ Lohwɛ̀ là arzu, jè è ɔ̀ŋgɛ̀lɛ̀nɛ̀ èwòlò ema è gbeyà ò nyòla lìlòkɛ̀ ema è hwɛni. Jò ɔ̀ŋgɛ̀lɛ̀ è ndìŋgɛ ema è hwɛ̀nèlì hwahvɛhvɛ hwatò ema è mà gbeyà inyɔ è gbeyà hweya rzayi-rzayi ò lì hwa oŋgowàna, nà oma inyɔ è ikayi mèèmà mè anyu ò hwèjèelì hwe ama è Rzàŋgo yà arzu Yerzù Krirztò. Ène eyà è gbeyà màtàŋga mà anyu mà inyàmɛ̀nɛ̀ ò rze.

1 Tɛ̀rzàlonìyà 2:9

Ìi wònyàmòwe kòkò hwa ama Krirztò, na hwi nanù ema e ɔ̀ŋgɛ̀lɛ̀ èwòlò na lì ahvahvɛ lì ndɛnɛ ema i ma gbeye. È hvonda ema i ma e ohweyà ŋmɛ̀ndì mò gbamù mo ama Lohwɛ̀, i ma hwɛ lì gbeyà èwòlò ŋmerze na wuu aŋga nanù i rza tàkirzɛ tɔ̀ mɔ̀kɔ wa anyu.

1 Tɛ̀rzàlonìyà 5:12

Ìmbunda ja arzu kòkò, je e rzorzomeya o lì ŋgba hwaŋga hwatò ema hwa e oŋgowàna èluhwe rzayi-rzayi. Wɔ̀ ndi hwa e timbaa, na o lì e okòlɛ nɛ mòŋgɛ ma anyu ma aŋgàmɛnɛ lì hwɛ nàa hwatò hwa ama Krirztò.

1 Tìmotì 5:17

Hwambaki hwa ŋmèmba ema hwa timba ŋmèmba gbamù hwa àŋgàmɛ̀nɛ̀yi lì ŋgbààhwà èluhwe na mòrzawèlì. Rzɛhvɔ̀ni hwaŋga ema hwà mà ŋgbahwɛ èwòlò ya lì ohwa na lì okolɛ ŋmɛ̀ndì mo ama Lohwɛ̀.

Hibrù 13:17

È hweyàne hwatimbelì hwa anyu. È gbeye hvɛ mamɛ ema hwa ohwi nanù ema e gbeye. Èwòlò ya awu e hwèlì ndi o lì e ɔŋgeya. Wɔ̀ hvɛ ndi hwa hwɛnì lì ohweyà Lohwà nɛ hwa e ɔŋgeya. È hwa ŋgbe ehvolo ò lì gbeyà nanù na mɔ̀nyɛ̀ŋgì rzeketɛ na hwetàtò. Hwenè hweyà hwe arzɛ hwe rzà jo jàneyà tɔ̀ mɔ̀rzɛ̀ŋgì.

Hibrù 13:24

È kɔmè hwatimbelì hwa anyu hwa arzɛ, nà hwatò hwa arzɛ hwa ama Lohwà. Hwatò hwa Lohwɛ̀ ema hwa uwɛ̀lɛ̀lɛ̀yi o Itàlì wɔ̀ hvɛ hwa e omelì ikɔ̀mi.

Hibrù 6:10

Lohwɛ̀ à mà gbeyà hweŋge hwèma o ŋgana ema e hvomɛ̀nɛ̀. Mɔ̀ a rza hvoŋga tɔ̀ èwòlò yɔ̀kɔ ema mòtò a gbeye ndèŋgànɛ̀lɛ̀ mɔ̀ à rza hvoŋga e ndìŋgɛ ema mòtò a mo uŋmɛ̀lɛ̀ na oma inyɔ e hwèlì o lì gbèeyà hwahvɛhvɛ hwatò hwa ama Lohwɛ̀.

1 Pètrò 5:5

Ŋgànà hvɔ̀kɔ hvɛ mɛnɛ, inyɔ hwatò ema e rzi rzɔ̀ mòkèka, e arzihwirzɛ o hwàmbaki hwa anyu. Inyɔ hwa arzɛ e arzìhwìrzɛ̀lɛ̀lɛ̀ mɔ̀kɔ na ɔ̀nɛyi, ehwànja e tìlahwì o e kààtì ya Lohwà nanù ema, “Lohwɛ̀ a teŋgɛ̀nɛ̀ hwatò ema hwa ohvi kumba ndi à uŋmɛ̀lɛ̀ ŋmèma mo gbamù o hwaŋga hwatò ema hwa arzihwirzɛ.”

3 Yòwanìrzɛ̀ 1:8

Irzɔ ema i hwèlì hwàlòkèlì hwa ama Krirztò rzɔ, i hwɛnì lì òŋgòwàna hwanu hwatò, aŋga nanù oma irzɔ i ma hwa lata o èwòlò ya awu ya lì ohweyà hwatò ŋmɛ̀ndì mo jɔ̀kɛ̀.

Hwèwulùwèlì 2:3

Nà hwi nanù ema o lìinà la ami e ma wɛ̀lìrzɛ̀nɛ̀ ndèŋgànɛlɛ e ma àjùlɛ̀nɛ̀ mètàkà. Ndi tɔ̀ nɛ mèèmà me anyu me eti na oma e no oŋgama.