1 Kɔ̀rintìyà 16:13 - Mokpwe: Bakwery (New Testament)

¹³ È aŋgòwà e tɛ̀mɛ̀ ehve-ehve o lì lòkɛ̀. È ètìrzɛ̀ mèèmà, e hwɛnɛ̀ hvɛ màyìmbì.

1 Kɔ̀rintìyà 16:13 Mawu Ofanana

Matiyò 25:13

Yerzù rzìi à umba mònò ŋmàna ò lì òhwa nanù ema, “È wòwe hvònda, èhwanja è rza hwi wùùnya tɔ̀ è hvònda ema è Ŋmanà wà è Mòtò wà Hwènàmà à ò jɛ̀ɛ.”

Matiyò 26:41

Lìya èhvɛnyɛ, kanɛ̀ aŋga nanù Lohwɛ̀ a rza emeyà ema màkèkìrzɛ̀nɛ̀ mò ò jèeya. Ŋmèma mò lìŋgàni, ndi e nyàmà ya nyò e ɔ̀tɔ̀.”

Lukàrzɛ̀ 21:36

È aŋgòhweyà ì hvònda ja arzɛ. È kanɛ̀ ema e hwɛnɛ è ŋginyà ema è ò karzòlɛ̀ hwenè hweyà ema hwe gbeyɛ̀nɛ̀, aŋga nanù e tanɛ lì tɛmeyà ò wòrzò wò è Ŋmanà wà è Mòtò wà Hwènàmà.”

1 Kɔ̀rintìyà 14:20

Ìi wònyàmowe kòkò, e rzi hwɛ̀nɛ̀ hvɛ màlùtèyà ma hwàna. È hwɛ ndi nàa jùma hwàna ema hwa rza hwiyɛ wòhwe. Ndi o màlùtèyà ma anyu e hwɛ ndi nàa hwàmbaki hwa hwatò.

1 Kɔ̀rintìyà 15:58

O èŋgànɛ̀lɛ̀ ìi wònyamòwè kòkò, e tɛ̀mɛ̀ gbamù, e rza anyìŋgìrzɛ̀nɛ̀. È hwɛ ndi o lì gbèeyà Rzàŋgo. È hwi nanù ema èwòlò ema e gbèeyà Rzàŋgo tɔ̀ yɔ̀kɔ e rza hwɛ ya ŋgundu.

2 Kɔ̀rintìyà 1:24

I rza arza ema e hwɛ ndi nàa hwanɛyi ema, je imbɛ o lì lòkɛ̀ hweyà. Ndi irzɔ i gbèyɛ̀nɛ na inyɔ, aŋga nanù e oka mɔ̀nyɛ̀ŋgì èhwanja e tɛmi ehve-ehve o malòkɛ̀ ma anyu.

Gàletìyà 5:1

O eŋgànɛ̀lɛ̀ Krirztò à mà jo rzolowa aŋga nanù i rza hwɛ nàa hwàkòmì hvɛ. O eŋgànɛ̀lɛ̀ e ètìrzɛ̀ mataŋgà mà anyu o rze, e rzi keka lì emeyà nanù ema mòtò a e kaka o tenì ya ŋgɔkɔhwi ya hwàkòmì hvɛ.

Ɛ̀hvìrzìyà 3:16

Nà oma à è utelì mònàmɛ̀ mò hvèyi nà kànɛ̀ nanù ema èlìŋgɛ̀ yà eni yè è ŋgbè ŋginyà aŋga nanù mèèmà mè anyu mè eta ò kòkò.

Ɛ̀hvìrzìyà 6:10

Ò lì umba ene mbɔrzi rzɔ, inyɛ nà è òhweyà hwene hweyà, è hwɛ ndi nanù mɛnɛ nà è Rzàŋgo, aŋga nanù è ŋginyà yà eni ndɛnɛ è ètirzɛ̀ mèèmà mè anyu ò kòkò.

Hvìlipìyà 1:27

O nàŋgɛ, ɛ̀ɛ̀mɛ̀ ya anyu e àŋgàmɛ̀nɛ̀ ndi lì hwɛ na oma Krirztò o ŋmɛ̀ndì mò gbamù mo eni a ohwi. Ène eyà e gbeyà nanù ema tɔ̀ imba na jà o lì e ɛnɛ tɔ̀ na rzi e ɛnɛ, na hwiya nanù ema inyɔ e tɛmi gbamù nàa mòtò mɔ̀kɔ, ndèŋgànɛ̀lɛ̀ e hwɛni hvɛ ndi mɔ̀ŋgɛ̀lɛ mɔ̀kɔ o lì ana lì kombɛ mamɛ ema inyɔ e lòkɛ̀.

Hvìlipìyà 4:1

O eŋgànɛ̀lɛ̀ rzɔ wònyàmòwe kòkò, inyɔ ema na lìŋgàni na lì okeya o lì ɛnɛ, inyɔ ndi e hwèlì màlìŋgo na iitàŋgi ja ami o nyòla èwòlò ema imba nà mà gbeyɛ. Imbunda ja ami kòkò, o lì wowàna hweyà hwe arzɛ ema nà mà e ohweyà, e tɛmeya lìlòkɛ̀ la anyu o ma e Rzàŋgo kɔ̀yi-kɔ̀yi.

Hvìlipìyà 4:13

Nà tànɛyi lì gbeyà hweyà hwe arzɛ ema hwe no jɛlɛlɛyi o lì akeyà na e ŋginyà ema Krirztò a no ŋgbelì.

Kòlòrzìyà 1:23

Inyɛ̀ è hwɛ ndi nanù ema lì lòkɛ̀ là anyu lì àŋgàmɛ̀nɛ̀yi lì imbama, è inyàmɛ̀nɛ̀ hwètɛ̀mèlì hwe matàŋga mà anyu ò mɔ̀nyɛ̀, ndèŋgànɛ̀lɛ̀ è ika mèèmà mè anyu ò ŋmɛ̀ndì mò gbamù ema è mà hwèyɛ. Moŋgo ŋmɛ̀ndì mò gbamù ema inyɔ è mà màa lì hweyà, mò hwèlì ndi ŋmɛ̀ndì mò gbamù ema mò mà nyàlɛ̀ ò è rze yà arzɛ, ndeŋgànɛlɛ mɔ̀ ndi imba Pàwolò nà atìmbìrzɛ̀yi è mògbèèlì wà ama Lohwɛ̀ ò lì gbeyà.

Kòlòrzìyà 4:12

Èpàhvràrzì mɔ̀ hvɛ a e omelì ikɔ̀mi. Mɔ̀ hvɛ a hwèlì ndi mòtò ema a uwɛ̀lɛ̀lɛ̀yi o mbowà ndɛnɛ ya anyu ndeŋgànɛlɛ a hwèlì ndi mògbèèlì wa ama Yerzù Krirztò. Mɔ̀ a e kànɛlɛlɛ ihvonda ja arzɛ. Inyɛ̀ Lohwɛ̀ mɔ̀ ŋmitɛ-ŋmitɛ a gbeeye na e jɔ̀kɛ̀ eyà ema mɔ̀ à arza nanù ema inyɔ e gbeye. Ndèŋgana inyɔ e àŋgàmɛ̀nɛ̀yi lì e gbeye.

Kòlòrzìyà 4:2

È inyàmɛnɛ o màkanɛ̀. Ndèŋgànɛlɛ e kànɛ tɛ e rzɛŋgɛnɛ mèèmà me anyu o tɔ̀ mamɛ ema e arzana Lohwɛ̀, ndèŋgànɛlɛ e a mo eka.

1 Tɛ̀rzàlonìyà 3:8

O nàŋgɛ irzɔ i tɛ̀yirzɛ̀ o lì hwɛ o lòŋgɛ hvɛ, kànatɛ irzɔ i hwi nanù ema màtàŋgà mà anyu ma mà imbama o rze o nyòla lìlòkɛ̀ ema inyɔ e hwɛnelì Rzàŋgo Yerzù.

1 Tɛ̀rzàlonìyà 5:6

Ò eŋgànɛ̀lɛ rzɔ, inyɛ i rzi hwɛ nàa hwatò ema hwa gbèyi ndi nàa hwa hwèlì ò ijɔ. Ndi inyɛ i wòwe hvonda nà ò lì àwòhvɛ̀ irzɔ hwiti gbamù.

2 Tɛ̀rzàlonìyà 2:15

Ò eŋgànɛlɛ rzɔ, ìi wònyàmòwe kòkò, è àyètìrzɛ̀nɛ̀ ò lì oŋgàma hwèyòkòlèlì ema irzɔ i lùù ndèŋgàna jè è okòlɛ. Irzɔ ì mà hwɛ lì è okòlɛ̀ ò hwèohwèlì hwe ŋmɛ̀ndì mò gbamù nà ò lì è tìleyà ò kààti.

1 Tìmotì 6:12

O àjùlɛ̀ o lì atàkìrzɛ̀ lì ika ŋmèma mo aŋgɔ̀ na Lohwɛ̀ na o lì mo gbèeyà. Lòŋgɛ la gbìndèyà ema Lohwɛ̀ à mà o ŋgbɛ o lì lɛmbɛ gbamù. Lohwɛ̀ à mà o ŋgba lìŋgi lòŋgɛ lìrzako ema o ma ohwe o marzo ma hwatò rzayi-rzayi nanù ema o lòkɛ̀ Krirztò.

2 Tìmotì 2:1

Ìi Tìmòtì kòkò, e ndèli ema Yerzù Krirztò a o ŋgbelì e hwɛ ndi nanù mɛnɛ o lì o ètìrzɛ̀.

2 Tìmotì 4:5

Ndi o wa Tìmòtì, o hwɛni lì hwiya lì àwòhvɛ̀lɛ̀ la aŋgɔ̀ ihvonda ja arzɛ. O ajùlɛ̀nɛ̀ mòtàkà, o gbèyè èwòlò ya e mòtò ema a ohweyà hwatò Ŋmɛ̀ndì mò Gbamù mò ama Lohwɛ̀, ndèŋgàna o gbeye hvɛ èwòlò ya arzɛ ema Lohwɛ̀ à mà o òhweyà à mà o gbeye.

2 Tìmotì 4:7

Nàa e mògbèèlì hwa ama Krirztò nà mà ana e njuma gbamù, nà mà kulɛ èwòlò ema Krirztò à mà no ŋgbe ema nà mò gbèeyà. Ndèŋgàna na nɔ̀ŋgɔ lì lòkɛ̀ hwènɔ̀ŋgèlì hwe gbamù.

1 Pètrò 4:7

Lirzuku la hweyà hwe arzɛ lì ma kombɛnɛ. È hwɛni lì àwòhvɛ̀lɛ̀, na lì aŋgowa, aŋga nanù e tànɛ lì kànɛ.

1 Pètrò 5:8

Ya aŋgowe, e wowe hvonda. Mòkarzɛ̀ e mɔ̀kɔ̀yèlì wa anyu a hwèlì a ahwa ndi nàa njila ema e rzìŋga o lì arza njɛnɛ ema a tàawa.

Hwèwulùwèlì 16:15

Yerzù à ohwi nanù ema, “È okànèyà, nà ò jà ò wùnyà ema tɔ̀ mòtò à rza ò hwiyɛ nàa ŋmìhwɛ̀ à jà. Mònàmɛ̀ nà oŋgo mòtò ema à ò lìya ehvɛ̀nyɛ̀, ndèŋgànɛ̀lɛ̀ à ò ohvɛ mààtù mà eni, aŋga nanù mɔ̀ à rza ò ɛndɛ̀nɛ̀ morzombo ò lì luwa erzàmbo ò marzo mà hwatò.”