1 Kɔ̀rintìyà 16:12 - Mokpwe: Bakwery (New Testament)

¹² Lì hvomɛ̀nɛ̀ ŋmanyàŋgò hwa arzu Apòlòrzì nà mà màa lì mò kɔmɛ̀lɛ̀ nanù ema a jè mojeŋga o mba anyu ŋmèmba na hwanɛ̀yi hwatò hwa Krirztò ndi à rza ohvi ŋmèma o lì jà naŋgɛ mɛnɛ. È hvonda ema a o luwɛ ŋmàna hvonda a o ja òŋgo.

1 Kɔ̀rintìyà 16:12 Mawu Ofanana

Makòrzì 6:21

Ò lìrzukù, Hɛ̀ròdìyàrzì à mà lùwa e njiya ema ama arze. Wòŋgò wùnyà ndi wò ma hwɛ e ndèma ya lì ɔ̀ŋgɛ̀lɛ̀ hwèŋyàyèlì hwe ama Hɛ̀rɔ̀dì. À ma yòhwɛ hwatò hwa ndɛnɛ hwa Gɔ̀mɛ̀ndì na hwàkànèlì hwa ndɛnɛ hwa hwàànà njùma, na hwèwàŋgì hwe erzòòkà ya Galìlì.

Hwègbèèlì 18:24

O èŋge hvònda mòtò mɔ̀kɔ wà Yudà ema à mà hwɛ̀lɛ̀hwɛ̀ Apòlòrzì, ema à mà ŋyahwɛlɛ ò mbòwà ndɛnɛ ya Alɛ̀rzàndrìyà, à mà jà ò Ɛ̀hvɛ̀rzɔ̀rzì. A ma hwɛ ndi mòtò ema à mà hwiya lì òhwa jòhwi ja gbamù, ndèŋgànɛlɛ à mà rzɔŋgɔ lì rzɔ̀ŋgìtɛ̀nɛ̀ la e kaàtì ya ama Lohwà.

Hwègbèèlì 19:1

Nà òma Apòlòrzì à mà hwɛ ò mbòwa ndɛnɛ ya Kɔ̀rintò, Pàwolò à mà akeyà ò tenì ya eŋge erzòòkà rzi a uka ò mbòwa ndɛnɛ ya Ɛ̀hvɛ̀rzɔ̀rzì. A ma ùŋmànɛ̀lɛ̀ ŋgurzu ja hwatò ema hwa lòkɛ̀ Yerzù aŋga.

Hwègbèèlì 24:25

Ndi na òma Pàwolò à mà hwɛ lì òhwa lì hvòmɛ̀nɛ̀ lì tɛ̀mɛ̀ la ehve-ehve ò wòrzò wò ama Lohwɛ̀, lì alɛ̀mbɛ, na Wùùnyà wò hwèkàyìrzèlì ema wò hwɛnì lì jà. Hvɛlìkrzi à mà òka wɔ̀ŋgɔ̀. Hvɛlìkrzi rzìi a òhwa nanù ema, “Inyɛ̀ i hwɛmɛ ene mbɔrzi nanù. O tanɛyi ò ɛndɛ. Nà lu tɛ ehvòlò na ò hwɛlɛ hvɛ.”

1 Kɔ̀rintìyà 1:12

Nà ohwa ndi nanù èhwanja, lòŋgò là anyù è hwèlì è ohwà naŋgɛ̀ nanù ema, “Nà hwèlì ndi mɔ̀nɔ̀ŋgèlì wà hwèyòkòwèlì hwe amà Pàwolò.” Hwanɛ̀yì wɔ̀ hvɛ̀ hwa hwèlì hwa ohwà nanù ema, “Nà oŋgama ndì hwèyòkòwèlì wà ama Apòlòrzì.” Tɔ̀ “Nà oŋgamà ndi hwèyòkòwèlì hwe ama Pètrò,” tɔ̀ “Nà oŋgamà ndi hwèyòkòwèlì hwe ama Krirztò.”

1 Kɔ̀rintìyà 3:22

Lohwɛ̀ a no òmi imba, Apòlòrzì, na Pètrò, o lì e òŋgòwàna. Hweema hwe arzɛ ema Lohwɛ̀ a wèki o rze, a e ŋgbelì ndi e hweyɔ ema, e hwe gbeyàne. Tɔ̀ e ŋwa, tɔ̀ e hwɛ o lòŋgɛ, Lohwɛ̀ à mà e gbeyà ndi nanù o gbamù wa anyu. Hweya ema hwe e gbèyɛ̀nɛ naŋgɛ, na o e hvonda ema e o jɛ̀ɛ̀, hwe hwèlì ndi o gbamù wa anyu. Hwanù hwatò hwa arzɛ, na hwenè hwema hwe arzɛ Lohwɛ̀ a e ŋgbelì e hweyɔ.

1 Kɔ̀rintìyà 3:5

Nàŋgɛ rzɔ, njɛnɛ a hwèlì Apòlòrzì e? Njɛnɛ a hwèlì Pàwolò e? Irzɔ i hwèlì ndi hwàgbèèlì hwa ama Lohwɛ̀ ema i ma e òŋgòwàna o lì lòkɛ̀ Krirztò. Tɔ̀ ima mɔ̀ wa arzu à mà gbeyà ndi èwòlò ema Rzàŋgo à mà jo ŋgbe.

Tàyìtùrzì 3:13

È keke natɛ̀ɛ e oŋgòwànè Rzɛ̀nàrzì ema a hwèlì e mòtò wa mbenda na Apòlòrzì na oma hwa wòteyà yɔ̀ndɔ̀ ya awu. O ɛnɛ nanù ema o hwa oŋgòwànè o lì luwa hwèemà hwe arzɛ ema wɔ̀ hwa arza lì hvomɛ̀nɛ̀ yɔ̀ndɔ̀ ya awu.

Tàyìtùrzì 3:4

Ndi Lohwɛ̀, è Mòrzùŋgèlì hwa arzu, à mà jo uŋmɛ̀lɛ̀ ŋmèma mo eni mo ììlì na e ndìŋgɛ ya eni.