1 Kɔ̀rintìyà 16:11 - Mokpwe: Bakwery (New Testament)

¹¹ O èŋgànɛ̀lɛ̀ rzɔ tɔ̀ mòtò a rzi mo niya. È mo òŋgòwane a ɛ̀ndɛ o yɔ̀ndɔ̀ ya eni na ɛ̀yɔ̀lɛ̀, aŋga nanù mɔ̀ nà hwahvɛhvɛ hwatò hwa Krirztò ema na ambɛ̀lɛ hwanù ùŋmanɛlɛ anù.

1 Kɔ̀rintìyà 16:11 Mawu Ofanana

Lukàrzɛ̀ 10:16

Yerzù rzìi a òhweyà Hwà-òkòwèlì hwa eni nanù ema, “Tɔ̀ ì ma mòtò ema à è hweyàni, ò ma ìmba ndi à hweyànì. Tɔ̀ njɛnɛ hvɛ ema à è rzɔ̀rzì, ò ma ìmba ndi à rzɔ̀rzi. Tɔ̀ ima mɔ̀ hvɛ ema à nò rzɔ̀rzi, ò ma à rzɔ̀rzi ndi òŋgò ema à nò òmi.”

Hwègbèèlì 15:3

Hwàtò hwa ŋmèmba hwà mà ɛndɛ lì hwa lìyɛlɛ ò njiya. Nà òma wɔ̀ hwà mà akeyà ò hwèrzòòkà hwe Hvɔ̀nìrzìyà na Rzàmarìyà hwà mà nɔ̀ŋgeyà hwatò nɛ hwaŋga hwatò ema hwa rza enje wònyà Yudà hwà mà tikòwahwɛ ò lì timbeya Lohwɛ̀. Mònò ŋmɛ̀ndì mò ma lìŋgirzɛ hwàlòkèlì hwa arzɛ.

Hwègbèèlì 15:33

Nà òma hwà mà lìya aŋga ò ŋmanà hvòka hvònda hwàlòkèlì hwà mà ɛndɛ lì hwà lìyɛlɛ na ɛ̀yɔ̀lɛ̀ rzìi hwa timbeya hwatò ema hwà mà hwa òma.

1 Kɔ̀rintìyà 16:10

Tìmòtì a e jèlɛlɛ tɛ, e mo àŋgoweyà kɔ̀yi-kɔ̀yi èhwanja èwòlò ema a gbeyà Rzàŋgo yɔ ndi imba hvɛ na gbeyà.

1 Kɔ̀rintìyà 16:6

Hvonda hvɔ̀kɔ, na o lìya na inyɔ tɔ̀ɔ̀ lì hwɛ na inyɔ o hvonda ya màyelì, o lì arza nanù ema è ò nò òŋgòwàna ò yɔ̀ndɔ̀ ya ami tɔ̀ ima èki ema nà ɛ̀ndɛ.

2 Kɔ̀rintìyà 1:16

Nà kàkɛ̀nɛ̀yi ema nà è jèeyà, na ɛ̀ndɛ tɛ o èrzookà ya Màrzèdonìyà. Nà kàkɛ̀nɛ̀yi hvɛ ema o hwètimbelì hwe ami nà tɛ̀mɛ̀ o èki ya anyu. Àŋga nanù è nò òŋgòwànà o lì nò omà o yɔ̀ndɔ̀ ya ami ya èrzoòkà ya Jùdeyà.

1 Tɛ̀rzàlonìyà 4:8

O eŋgànɛ̀lɛ rzɔ tɔ ima mòtò ema a rzɔ̀rzi hwene hwèyòkòlèlì, a rza rzɔ̀rzi ndi e mòtò wà hwènàmà ndi à rzɔ̀rzi ndi Lohwɛ̀ ema a e ŋgbelì èlìŋgɛ̀ yà wòtani.

1 Tìmotì 4:12

O rzìi keka lì emeyà nanù ema tɔ̀ mòtò tɔ̀ mɔ̀kɔ a o ndinde èhwanja o hwèlì ndi mberza. Ndi o uŋmɛ̀lɛ̀ hwatò ema hwa lòkɛ̀yì ɛ̀ɛ̀mɛ̀ ya gbamù aŋga nanù wɔ̀ hvɛ hwa gbeyà molemilemi. Hweyohwèlì hwe aŋgɔ̀, ɛ̀ɛ̀mɛ̀ ema o òhvi, hwèlìŋgànèlì hwe aŋgɔ̀ hwe hwatò, lì lòkɛ̀ la aŋgɔ̀ na Lohwɛ̀ ndèŋgàna na oma o rza gbeyà hweyà hwe mbindo hwe hwɛni ndi lì hwɛ nàa embànèlì o hwatò ema hwa lòkɛ̀.

Tàyìtùrzì 2:15

O eŋgànɛ̀lɛ̀ rzɔ̀, o òkolɛ hwatò hwene hweyà. O embɛ nà lì kànja na lìkànèyà ema Lohwɛ̀ à mà o ŋgbɛ. O rzi keka lì emeyà nanù ema tɔ̀ mòtò tɔ̀ mɔ̀kɔ a o ndinde.

3 Yòwanìrzɛ̀ 1:6

Wɔ̀ hwa hwèlì lì ohweyà ŋmèmba ema mo hwèlì anu lì hvomɛ̀nɛ̀ e ndìŋgɛ ema o hwa hwɛnelì. Nà arza nanù ema o òŋgòwane hwanu hwatò e hwèlì tɛ ema hwaa e hwɛmi tɛ lì ɛ̀ndɛ ehvɛhvɛ èki. O gbeye nanù ehwànja nanù ndi Lohwɛ̀ a arza nanù ema o gbeye.