1 Kɔ̀rintìyà 15:9 - Mokpwe: Bakwery (New Testament)

⁹ O i àpɔ̀rzìtòlò ja arzɛ, imba ndi na hwèlì e mɔ̀ ema a rza ohvɛ wòlìtò.

1 Kɔ̀rintìyà 15:9 Mawu Ofanana

Hwègbèèlì 8:3

Ndi Rzàwòlò mɔ̀ à mà arza ndi ò lì hvaŋga ŋmèmba. À mà lìŋgòwa ndawò nà ndawò tɛ, rzìi a rzììmà hwàlòkèlì, è wɔ̀ hwa wunyanà nà è wɔ̀ hwa hwalanà. Rzìi à hwa aŋgɛ wɔ̀ hwa arzɛ ò hwèwòwà.

1 Kɔ̀rintìyà 10:32

È lìya nyayi ya ŋgàna ema e rza gbeyà mòhvùŋgu nà wònyà Yudà, hwaŋga ema hwa rza enje wònyà Yudà tɔ̀ na miitelì me ama Lohwɛ̀.

2 Kɔ̀rintìyà 11:5

Nà rza lòkɛ̀ nanù ema hwanu hwatò ema hwa a hwɛlɛ wo hwiti nanù ema hwa hwèlì ndi àpɔ̀rzìtòlò ndɛnɛ hwa na akayi o èwòlò ema wɔ hwa gbeyà na a mɛnɛnɛyi tɛ na wɔ̀.

2 Kɔ̀rintìyà 12:11

Nà ohwa ndi nàa èèti ya mòtò ndi inyɔ ndi e gbèyi ɔ̀ndeŋgàtɛ̀ na ohwa nanù. Oma inyɔ e ohwa ndi hweyà hwe gbamù o lì no hvomɛ̀nɛ̀. Tɔ̀ e hwɛ ndi nanù ema na rza enje tɔ̀ yoma, ndi hwatò ema inyɔ e hwɛlɛ i àpɔ̀rzìtòlò ndɛnɛ, i rza no akani tɔ̀ eyà.

Gàletìyà 1:13

È mà hweyà nɛ lòŋgɛ là ami lì mà lome lì hwɛ è hvonda ema na mà nɔ̀ŋgɔ ɛ̀ɛ̀mɛ̀ ya wònyà Yudà. È ma hweyà nanù ema imba nà mà hwɛ lì tàkìrzɛ̀ hwatò hwa ama Krirztò na ekɔɔni ya ami ya arzɛ. Nà ma arza lì hwa kulɛ hwa arzɛ.

Gàletìyà 1:23

Hwà mà hwiya ndi mamɛ ema hwahvɛhvɛ hwatò hwà mà hwɛ lì ohwa nanù ema, “È mòtò ema à mà hwɛ lì jo tàkirzɛ rzayi-rzayi, mɔ̀ ndi à hwèlì e mɔ̀ ema a ohweyà hwatò nàŋgɛ ema hwa lòkɛ̀yi Yerzù Krirztò, lìŋgi lìlòkɛ̀ mɛnɛ ema à mà arze lì kònirzɛ.”

Hvìlipìyà 3:6

Nà ma hwɛnɛ e nyɔ̀ŋgi rzayi-rzayi nyayi ema e ma gbeyà ema na tàkirzɛ lì arzàŋganɛ la hwatò hwa ama Yerzù Krirztò. Tɔ̀ mòtò a rzi tanɛ lì ohwa nanù ema nà mà ohva tɔ̀ lìtɔ̀tì tɔ̀ lɔ̀kɔ la wòhwe o nyo ya ami, ehwànja nà mà ika e mbenda ya arzɛ ya hwatò hwa Irzàyɛ̀lì.