1 Kɔ̀rintìyà 15:57 - Mokpwe: Bakwery (New Testament)

⁵⁷ Ndi je èki tɛ Lohwɛ̀ ema a jo gbèyi ema i kpirzɛ wòhwe lì akeyà na Rzàŋgo wà arzu Yerzù Krirztò.

1 Kɔ̀rintìyà 15:57 Mawu Ofanana

Yòwanìrzɛ̀ 16:33

Nà e òhwèlì hwene hweyà, aŋga nanù, e hwɛnɛ ɛ̀yɔ̀lɛ̀ na òma e hwèlì na imba. Anu rze e hwɛnɛ ndi ndùtù. Ndi e kake mèèmà! Imba nà mà màa lì aka e rze ya mɔ̀nyɛ̀.”

Hwègbèèlì 27:35

Nà òma Pàwolò à mà kulɛ lì òhwa nanù, rzi a wòwa èhvòòtò, a ŋgbàà Lohwɛ̀ jeka ò wòrzò wò wɔ̀ hwa arzɛ, à mà e kanda, rzi a wòteyà lì laa.

Ròmànì 7:25

Nà èki Lohwɛ̀. A nò rzùŋgi lòŋgɛ la ami lì akeyà na Ŋmanà wa eni Yerzù Krirztò e Rzàŋgò ya arzu. O èŋgànɛ̀lɛ̀ rzɔ imba mbiti na hwèlì hwèhvàrzù hwehwakɛ, ŋmèma mò ami mò nò òhweyà ò lì òŋgama e mbenda ya ama Lohwɛ̀ ndi e nyò ya ami ya mòtò wa hwènàmà e òŋgama ndi wòhwe ema wò hwèlì ò tenì ya ami.

Ròmànì 8:37

Jàyɛ̀, ò hwenè hweyà hwe arzɛ irzɔ i rzùù hvɔ̀mbɔ̀wɔ̀ lì akeyà nà Krirztò mɔ̀ ema à jò lìŋgàni, ndèŋgànɛlɛ à jò òŋgòwànà.

1 Kɔ̀rintìyà 15:51

È okànèyà na e ohweyà hweyà ema hwatò hwa rza hwiyɛ. Irzɔ hwa arzɛ i rza o ŋwa, ndi Lohwɛ̀ a jo tikowa i rzɔ hwa arzɛ

2 Kɔ̀rintìyà 1:11

Lohwɛ̀ à jò rzùŋgà èhwanja è hwèlì è jò kànɛ̀lɛ̀lɛ̀. Rzayì-rzayì ja hwatò hwa jo kànɛlɛ̀lɛ̀ ndèŋgàna Lohwɛ̀ a jo nàmìrzɛ̀yi. Ène eyà e gbeyà rzayì-rzayì ja hwatò hwa eka Lohwà, èhwanja mɔ̀ à jo rzùŋgi.

2 Kɔ̀rintìyà 2:14

Ndi na ekì Lohwɛ̀ ema a jò gbeyà ema jo ohwe ŋmɛ̀ndì mò eni. Nà oma i hwèlì mòndeŋgè na Krirztò, à mà jo gbeyà ima timba ndi nà hwatò ema Lohwɛ̀ à mà imanɛlɛ na lì timba o lì ɛnɛ jo ohwa ŋmɛ̀ndì mò gbamu ò hweki hwe arzɛ. Lohwɛ̀ à hwèlì lì gbeyà hwatò ò lì hwiya Yerzù Krirztò èhwanja ò ŋmɛ̀ndì mò eni ema i hwèlì lì ohwa. Moŋgo ŋmɛ̀ndì mò àyinɛ̀lɛ̀ o ìtììtènì ja hwatò, nàa erzunju ya gbamù ya hvɛ̀ɛ̀hvɛ̀.

2 Kɔ̀rintìyà 9:15

Inyɛ̀ je ekè Lohwɛ̀ ò è ndèli ya eni ema e rza mɛnɛhwɛ.

Ɛ̀hvìrzìyà 5:20

È eke Lohwɛ̀ Tatɛ̀ yà arzu ò ihvonda ja arzɛ ò tɔ̀ mamɛ ema è hwɛni lì gbèyɛ̀nɛ. È mò eke ò lìinà là ama Rzàŋgo yà àrzu Yerzù Krirztò.

Hibrù 2:14

Nà oma e hwèlì ema hwanu hwànà hwa ama Lohwɛ̀ hwa ohvi e nyàmà ya nyo na màyija, ɔ̀ndeŋgàtɛ̀ Yerzù mɔ̀hvɛ à mà wòwa e nyo ya e mòtò wa hwènàmà nàa wɔ̀. À ma gbeyà ndi nanù, aŋga nanù e kpelì ema mɔ̀ à mà ŋwe e tìtòwà màyimbì ma ama Mòkarzɛ̀, ema a gbèyi ndeŋgàtɛ hwatò hwa ŋwa.

Hwèwulùwèlì 12:11

Màyìja ma ama e Ŋguma ya Mɔ̀lɛ̀ŋgù na imboŋgi ja jɔ̀kɛ̀ ema hwà mà tɛ̀mɛ̀, i ma gbeyà hwà mà rzùùwanà Mòkarzɛ̀. Wɔ hwà mà emeyà tɔ̀ e kpelì o lì ohwa tɔ̀ eyà ya ama Lohwɛ̀ ehwànja ŋmɛ̀ndì ema hwà mà hwɛ lì ohwa mo ma hwɛ ndi e jɔ̀kɛ̀.

Hwèwulùwèlì 21:4

A o hwa titowa tɔ̀ ima mirzɔ̀lì o mìrzɔ ma awu. O rza o hwɛ hvɛ tɔ̀ kpelì, tɔ̀ lì ehwɛ, tɔ̀ luwa, tɔ̀ mòrziyò. È o hwɛ ndi nanù ehwànja hweyà hwe mbolowa hwe ma aka.”