1 Kɔ̀rintìyà 15:53 - Mokpwe: Bakwery (New Testament)

⁵³ È nyo ema e rzɔ̀mbɔ̀ e o jà e nyo ema e rza rzɔ̀mbɔ̀ hvɛ, ndèŋgàna i nyo ema e o ŋwɛɛ, e o jà lì hwɛ e nyo ema e rza o ŋwaa hvɛ.

1 Kɔ̀rintìyà 15:53 Mawu Ofanana

Ròmànì 1:23

Hwa hwɛmi ò lì ŋgba Lòohwà ema lì hwèlì lòŋgɛ èluhwe rzìi hwa ŋgba ndi hwèrzìrzà ema hwatò hwa wòndɛyi nà màà mà awu èluhwe. Hwene hwèmà hwe ayèkɛnɛ̀ hwema ema hwe ŋwa, ema hwe hwèlì nàa è mòtò wà hwènàmà, hwenɔ̀ni, inyàmà nà mààhwà.

Ròmànì 2:7

Hwàŋga hwatò ema hwa rza ɔ̀tɔ̀ ò lì gbeyà hweyà hwe gbamù, na lì arze èluhwe na lì kàrzɛhwɛ, hwa ò hwɛ ò lòŋgɛ ò gbìndèyà. Lohwɛ̀ a ò ŋgbà inì nyayi ja hwatò lòŋgɛ la gbìndèyà.

Gàletìyà 3:27

Nà oma è mà lùhwìrzɛ̀hwɛ̀, ò eŋgànɛ̀lɛ̀ è hwèlì ndi mɔ̀kɔ naŋgɛ nà Krirztò, ndeŋgànɛ̀lɛ̀ è hwɛni wònjà nàa mɔ̀.

Ɛ̀hvìrzìyà 4:24

Lohwɛ̀ à mà è ŋgbà ɛ̀ɛ̀mɛ̀ hvènya ema è gbèyi ndi nàa ɛ̀ɛ̀mɛ̀ ya eni, o èŋgànɛ̀lɛ rzɔ ɛ̀ɛ̀mɛ̀ ya anyu e hwɛ̀ɛ ndi nàa ɛ̀ɛ̀mɛ̀ ya eni hvènya. Ɛ̀ɛmɛ̀ ya anyu hvènya e hwèlì ndi ɛ̀ɛ̀mɛ̀ hvènya ya jɔ̀kɛ̀ na oma Lohwɛ̀ a arza ndèŋgànɛ̀lɛ e hwèlì wòtani.

1 Yòwanìrzɛ̀ 3:2

Wònyàmòwe kòkò, o naŋgɛ nanù irzɔ i hwèlì ndi hwàanà hwa ama Lohwɛ̀, ndèŋgànɛlɛ hvɛ mamɛ ema irzɔ jo ò hwɛ o e ŋmɛlɛ irzɔ i rzi e hwi. Ndì i hwi hvɛ nanù ema Krirztò a jelì tɛ, irzɔ jo ò hwɛ ndi nàa mɔ̀, ehwànja i hwɛni lì mo ɛnɛ na oma mɔ̀ à hwèlì.