1 Kɔ̀rintìyà 15:43 - Mokpwe: Bakwery (New Testament)

⁴³ È nyo ema hwi imelì, e rza ohvi mòlòŋgà ndèŋgàna e rza imbami. Lohwɛ̀ a e hvùmùlɛ̀ tɛ e ɛneya mòlòŋgà mo rzayì-rzayì ndèŋgàna e imbama.

1 Kɔ̀rintìyà 15:43 Mawu Ofanana

Matiyò 13:43

Rzìi hwatò ema hwa tɛmi ehve-ehve na Lohwɛ̀, hwa ò hvànya ndi nàa igbe ò lìkànèyà la ama Tatɛ̀ wa awu. È òkànèyà, tɔ̀ njɛnɛ ema a òhvi matò inyɛ a hweye.”

Yòwanìrzɛ̀ 8:49

Yerzù à mà hwa alàhwɛ̀ nanù ema “Nà rza òhvi tɔ̀ èlìŋgɛ̀ ya wòhwe ò nyò ya ami. Ndi na ŋgba tɛ e Tatɛ̀ wa ami èluhwe, ndi inyɔ e rza nò ŋgba èluhwe.

1 Kɔ̀rintìyà 6:14

Lohwɛ̀ à mà hvùmùlɛ̀ Rzàŋgo ò kpelì, à ò gbeyàna e ŋginyà ya eni o lì jo hvùmùlɛ̀.

2 Kɔ̀rintìyà 13:4

È hwèlì ndi e jɔ̀kɛ̀ nanù ema Krirztò nàa mòtò wa hwènàmà a rzi hwɛnɛ ŋginyà e hvonda ema hwà mà no wòmeyà o mbarza. Ndi tɔ̀ nanù a hwèlì lòŋgɛ o nàŋgɛ, ndi tɔ̀ na oma a hwèlì lòŋgɛ nanù, èhwanja Lohwɛ̀ à mà gbeyàna e ŋginyà ya eni o lì mo timbirzɛhwɛ o lòŋgɛ. Nà oma i hwèlì ndi mɔ̀kɔ na Krirztò, irzɔ hvɛ nàa hwatò hwa hwènàmà i rza imbami. Ndi irzɔ hvɛ jo ò hwɛ o lòŋgɛ na Krirztò o ŋginyà ya ama Lohwɛ̀, ndèŋgànɛlɛ jo ò e gbeyà hweyà hwe arzɛ ema i hwɛni lì e gbèeyà.

Hvìlipìyà 3:10

Nà arza lì hwiya Krirztò na o lì hwɛnɛ màyìmbi ema mɔ̀ à mà hwɛnɛ o hwehvùmuwelì hwe eni. Nà lìŋgàni nanù ema na luwe mètàkà ŋgànà hvɔ̀kɔ mɛnɛ na oma mɔ̀ hvɛ à mà me luwe. Ndeŋgànɛ̀lɛ̀ na lìŋgàni nanù ema na luwe mètàkà na oma mɔ̀ hvɛ à mà me luwe, natɛ̀ɛ hwa no oŋwe na oma hwà mà mo oŋwe mɔ̀ hvɛ.

Kòlòrzìyà 3:4

Krirztò ndi à hwèlì lòŋgɛ là arzu, ndeŋgànɛlɛ mɔ̀ à jelì tɛ ò ene rze, inyɔ hvɛ è hwɛ nà mɔ̀ ò èluhwe yà eni yà arzɛ.