1 Kɔ̀rintìyà 15:42 - Mokpwe: Bakwery (New Testament)

⁴² Nànù mɛnɛ hvɛ ndi e o hwɛ̀ɛ na hwatò ema hwa o hvùmùhwɛ̀ɛ. È nyo ema e imayɛlɛhwɛ, e hwèlì ndi e nyo ema e hvaŋgeya, ndi e nyo ema Lohwɛ̀ a hvùmùlɛ̀ e ɔ̀ndi e rza hvaŋgeya hvɛ.

1 Kɔ̀rintìyà 15:42 Mawu Ofanana

Matiyò 13:43

Rzìi hwatò ema hwa tɛmi ehve-ehve na Lohwɛ̀, hwa ò hvànya ndi nàa igbe ò lìkànèyà la ama Tatɛ̀ wa awu. È òkànèyà, tɔ̀ njɛnɛ ema a òhvi matò inyɛ a hweye.”

Hwègbèèlì 2:27

Nà àrzìyòlɛ̀ ò lìhvìta èhwanja à rza ò kìnyɛ̀lɛ̀ èlìŋgɛ̀ yà ami ò èkòmè ya kpelì, ndèŋgànɛ̀lɛ̀ ò rza ò emeyà nanù ema èèmbè yà ama è mògbèèlì wà aŋgɔ̀ ema à ò gbèeyà nà ŋmèma mɔ̀kɔ ò lì rzɔ̀mbeyà ò tenì ya rzɔ̀ŋgɔ̀.

Hwègbèèlì 2:31

Dàhwitì à mà ɛnɛ̀ hvòò mamɛ Lohwɛ̀ à mà hwɛ̀nɛ̀ lì gbeyà ò wòrzò rzìi à òhwa hweyà lì hvòmɛ̀nɛ̀ hwèhvùmùwèlì hwe ama è Mɔ̀ ema à Ɔ̀kirzɛ̀hwɛ̀yi. A mà òhwa nanù ema, ‘Lohwɛ̀ a rzi emeyà nanù ema mɔ̀ à ò kìnyɛ̀lɛ̀ ò èkòmè ya kpelì, ndèŋgànɛ̀lɛ̀ èèmbè ya eni e rzi rzɔ̀mbeyà ò tenì ya rzɔ̀ŋgɔ̀.’

Ròmànì 1:23

Hwa hwɛmi ò lì ŋgba Lòohwà ema lì hwèlì lòŋgɛ èluhwe rzìi hwa ŋgba ndi hwèrzìrzà ema hwatò hwa wòndɛyi nà màà mà awu èluhwe. Hwene hwèmà hwe ayèkɛnɛ̀ hwema ema hwe ŋwa, ema hwe hwèlì nàa è mòtò wà hwènàmà, hwenɔ̀ni, inyàmà nà mààhwà.

Ròmànì 2:7

Hwàŋga hwatò ema hwa rza ɔ̀tɔ̀ ò lì gbeyà hweyà hwe gbamù, na lì arze èluhwe na lì kàrzɛhwɛ, hwa ò hwɛ ò lòŋgɛ ò gbìndèyà. Lohwɛ̀ a ò ŋgbà inì nyayi ja hwatò lòŋgɛ la gbìndèyà.

Ròmànì 8:21

mɔ̀ à ò rzòlòwa hweŋge hwema ò e ŋgɔkɔhwi ya ndùtù ema e hwe kaki nanù ema hwe rzɔmbe. Hweŋge hwema hvɛ hwe ò luwa wònja ò lì luwa nyayi hvɔ̀kɔ ya èluhwe ema Lohwɛ̀ a ŋgba hwàanà hwa eni.

1 Kɔ̀rintìyà 15:41

Igbe i ohvi e je eni mòlòŋgà, ŋmɛ̀ɛlì mɔhvɛ e mo eni mòlòŋgà rzìi i rzombe jɔ̀hvɛ i ohvi e ja awu mòlòŋgà. Nà oma i rzombe i hwèlì jɔ̀hvɛ i ohvi e ja awu mòlòŋgà nyayi na nyayi.

Gàletìyà 6:8

Tɔ̀ njɛnɛ ema a gbeyà hweyà hwe wòhwe o hweyàrzèlì hwe e nyàmà nyo, a hwiye nanù ema hweŋge hweyà hwe mo jàneyà e kpelì. Ndèŋgàna tɔ̀ njɛnɛ ema o gbèyi hweyà hwe gbamù na oma Èlìŋgɛ̀ ya ama Lohwɛ̀ e arza, mɔ̀ à hwiyè nanù ema hweŋge hweyà hwe mo gbeyà a lùwà lòŋgɛ la gbìndèyà.

1 Pètrò 1:4

Ì hwɛni hvɛ ò lì ambɛlɛlɛ mònàmɛ̀ ema Lohwɛ̀ à mà rzèkeyà hwatò hwa eni. À mà hwa uteya è mɔ̀ ò ŋmanyu yà lohwà aŋga ndi mò rza rzɔ̀mbɔ̀ nà lì hvàŋgeyà.