1 Kɔ̀rintìyà 15:32 - Mokpwe: Bakwery (New Testament)

³² Nà ɔ̀ŋgɔnìtɛ̀ na mirzɔ̀ ma mòtò wa hwènàmà, mamɛ e hwèlì mɔrzɛŋgi mo ami nà mà ana tɛ na nyàmà ja wàŋga o e mbowà ya Ɛ̀hvɛ̀rzɔ̀rzì. O èŋgànɛ̀lɛ̀ hwatò ema hwa ŋwelì hwa rza o hvùmùwà tɛ o lòŋgɛ nanù oma, i ohwa ndi nanù ema, “I hwɛ ndi o lì laa na lì nyɔ èhwanja ŋmɛlɛ oma i ma ŋwa.”

1 Kɔ̀rintìyà 15:32 Mawu Ofanana

Lukàrzɛ̀ 12:19

Aŋgà ndi na òhwalɛnɛ̀ imba mbiti nanù ema, nà arzàŋgɛ̀lɛ̀ hwèèmà hwe mala hwe gbamù, na ò gbeyàna ò ŋma nà ŋma. Nà arzɛ̀kɛ̀lɛ̀ naŋgɛ, nà làa, nà nyɔ, rzìi na òkà hvɛ lòŋgɛ la amì.’

Lukàrzɛ̀ 9:25

Mamɛ mòtò à tànɛyi lì yàlɛ̀, à lù tɛ mɔ̀rzɛ̀ŋgì mò arzɛ mò rze, rzi à wɔlɛ̀nɛ̀ hwe arzɛ, tɔ̀ èlìŋgɛ̀ yà eni e?

Hwègbèèlì 18:19

Hwà mà uka ò mbòwà ndɛnɛ ya Ɛ̀hvɛ̀rzɔ̀rzì. Nà òma hwà mà uke aŋga Pàwolò à mà lìiya Prìrzìlà na Akwìlà, rzìi a ɛ̀ndɛ ò ndawò ya màkanɛ̀ ya wònyà Yudà ò lì kòhwa na wònyà Yudà.

Hwègbèèlì 18:21

Ndi ò hwɛndèli hwe eni à mà hwa òhweyà nanù ema, “È hwèlì tɛ lì emeyà la ama Lohwɛ̀ na ò e timbeya.” A ma kpèeyà ò melì me ŋmànja rzìi a anjiya ò mbòwa ndɛnɛ ya Ɛ̀hvɛ̀rzɔ̀rzì.

Hwègbèèlì 19:1

Nà òma Apòlòrzì à mà hwɛ ò mbòwa ndɛnɛ ya Kɔ̀rintò, Pàwolò à mà akeyà ò tenì ya eŋge erzòòkà rzi a uka ò mbòwa ndɛnɛ ya Ɛ̀hvɛ̀rzɔ̀rzì. A ma ùŋmànɛ̀lɛ̀ ŋgurzu ja hwatò ema hwa lòkɛ̀ Yerzù aŋga.

Ròmànì 3:5

Ndi e hwèlì tɛ nanù ema hwegbèèlì hwe arzu hwe wòhwe hwe uŋmɛ̀lɛ̀ gbamù nanù ema Lohwɛ̀ a rza timbana tɔ̀ mòtò mburza, mamɛ irzɔ i tànɛyi ò lì òhwa e? Irzɔ i tànɛyi rzɔ ò lì òhwa nanù ema Lohwɛ̀ a gbèyi lùurzè, ò lì jò kɔ̀kìrzɛ̀ ò wòhwe ema i ma gbeyɛ e? (Nà gbeyàna ndi màlùtèyà mà è mòtò wa hwènàmà ò lì òhwa nanù.)

Ròmànì 6:19

Nà òhwa ndi hwene hweyà hwe arzɛ nanù, ò hwèhwɛ̀ɛlì nàa e mòtò wa hwènàmà èhwanja inyɔ nàa hwatò hwa hwènàmà, lì rzɔ̀ŋgìtɛ̀nɛ̀ la anyu lì rza imbami. O mòlòmɛ̀ e ma aŋgbɛ inyɔ hwiti nàa hwàkòmì ò lì gbeyà hweyà hwe mbindò na e hwe wòhwe. È ma lìmeya ndi ò lì gbeyà hweyà hwe wòhwe nanù mɛnɛ. Nàŋgɛ e àŋgàmɛ̀nɛyi lì aŋgbɛ inyɔ hwiti nàa hwàkòmì, ò lì gbeyà hweyà na òma Lohwɛ̀ a hwe àrzeyà. Ène eyà ndi e gbeyà mòŋgɛ ma anyu ò lì hwɛ wòtani.

1 Kɔ̀rintìyà 16:8

Ndi na lìya anù o Ɛ̀hvɛ̀rzɔ̀rzì natɛ̀ɛ na eyu ya e ndèma ya Pɛ̀ntìkɔ̀rzì.

Gàletìyà 3:15

Nà arza lì wòwa ɛ̀mɛ̀nɛ̀nì yà hweyà ema hwe gbèyɛ̀nɛ wùnyà tɛ. Hwatò hwahwakɛ hwa emelì tɛ eyà rzìi hwa tɛ̀yirzɛ̀ hwa uka hwètɛ̀yìrzèlì, tɔ̀ mòtò à rza tànɛyi lì hvàŋga hweŋge hwètɛ̀yìrzèlì.

2 Pètrò 2:12

Ndi hwaŋga hwà-òkòlèlì hwa mòlaŋgà, hwa gbeyà ndi hweyà ò màlùtèyà mà awu, nàa nyàmà jà waŋga. Iŋgi nyàmà ja waŋga ì ŋyàhwɛlɛyì ndi ò lì lɛ̀mbɛ̀hwɛ̀ nà lì oŋwahwa. Hwàŋga hwà-òkòlèlì hwa mòlaŋgà wɔ̀ hwa ohwa ndi hweyà hwe wòhwe ò tɔ̀ ima eyà ema hwa rzɔ̀ŋgìtɛ̀nɛ̀. Ò eŋgànɛ̀lɛ̀ rzɔ, Lohwɛ̀ à hwa nyɔ̀ŋgìrzɛ̀ nà oma hwatò hwa oŋwa iŋgi nyàmà jà waŋga.

Judɛ 1:10

Ndi hwaŋga hwatò ema hwa mà è kpèeyà ò ìtììtènì yà anyu, hwa ohwa wòhwe lì hvomɛ̀nɛ̀ hweyà ema hwa rza rzɔ̀ŋgìtɛ̀nɛ̀. Tɔ̀ mamɛ ema è hwa jɛ̀lɛ̀lɛ̀yi ò màlùtèyà mà awu, ɔndi hwa gbeyà. Wɔ̀ hwa gbeyà ndi hweyà nàa nyàmà ja waŋga. Hwèŋge hweyà mɛnɛ ndi hwe hwa jàneyà e kpelì.