1 Kɔ̀rintìyà 15:20 - Mokpwe: Bakwery (New Testament)

²⁰ Ndi e jɔ̀kɛ̀ e hwèlì ndi nanù ema, Lohwɛ̀ ama hvùmùlɛ̀ Krirztò o kpelì. Krirztò ndi à hwèlì e mòtò wa worzò o lì hvùmùwà o kpelì, o tenì ya hwatò hwa arzɛ e ma hwà mà ŋwɛɛ.

1 Kɔ̀rintìyà 15:20 Mawu Ofanana

Hwègbèèlì 2:24

Ndi tɔ̀ nanù Lohwɛ̀ à mà mò hvùmùlɛ̀ ò kpelì, a mò rzòlohwà hvɛ ò mòrziyò mò kpelì èhwanja e ma ambana e kpelì ò lì mò lɛmbɛ nàa mòtò wa hwèwòwà.

Hwègbèèlì 26:23

Wɔ̀ hwà mà òhwa nanù ema è Mɔ̀ ema à Ɔ̀kirzɛ̀hwɛ̀yi a hwɛnì lì taka rzìi a hwɛ e mòtò hwa wòrzò ò lì hvùmùwà ò kpelì. A ò òhweyà hwatò nanù ema ŋmàye mò hvànyeya hwatò hwa wònyà Yudà na ò hwaŋga hwatò ema hwa rza enje wònyà Yudà nàŋgɛ.”

Ròmànì 8:11

È hwèlì tɛ nanù ema, Èlìŋgɛ̀ ya ama Lohwɛ̀ ema e ma hvùmùlɛ̀ Yerzù ò kpelì e hwèlì tɛ ò tenì ya anyu, nanù òma tɔ̀ e nyàmà nyò ya anyu ema e hwɛni lì ŋwa e ma màa tɛ lì ŋwa, nanù òma Lohwɛ̀ ema à mà hvùmùlɛ̀ Krirztò ò kpelì a hwɛni lì e hvùmùlɛ̀ yɔ hvɛ. A gbeyà ene na e ŋginyà ya Èlìŋgɛ̀ ema e hwèlì ò tenì ya anyu.

1 Kɔ̀rintìyà 15:23

Ndi tɔ̀ ima mòtò a hvùmùlɛ̀hwɛ ndi o e ya eni hvonda. Krirztò ema a hwèlì e wa worzò o lì hvùmùwà, e hvonda ema a o jɛ̀ɛ̀ hvɛ hwaŋga hwatò ema hwa hwèlì e hwa eni, wɔhvɛ hwa hvùmùwà.

1 Kɔ̀rintìyà 15:6

Rzìi à mà wurzeya hvɛ lì aka hwègbe hweta hwe hwatò ema hwà mà hwe lì mo nɔ̀ŋgɔ o ŋgelì hvɔ̀kɔ. Lòŋgò la hwaŋga hwatò hwe e hwèlì lòŋgɛ, lòŋgo hvɛ hwà mà ŋwa.

Kòlòrzìyà 1:18

Mɔ̀ ndi à hwèlì mòòhvò mò hwatò ema hwa mò lòkɛ̀yì, ndèŋgànɛlɛ wɔ̀ hwa hwèlì ndi nàa è nyo yà eni. Mɔ̀ ndi à ŋgba hwaŋga hwatò lòŋgɛ ehwànja mɔ̀ ndi à hwèlì è mòtò wà worzo ema Lohwɛ̀ à hvùmùlɛ̀yi ò kpelì, ndèŋganɛlɛ ema mɔ̀ ndi à ò hwɛ natɛ̀ɛ nà ò gbìndèyà. Ène eyà è mà gbèyɛ̀nɛ̀ ndi nanù aŋga nanù mɔ̀ à hwɛ ò lì kànèyà hweyà hwe arzɛ.

1 Tɛ̀rzàlonìyà 4:16

Rzàŋgo Yerzù mɔ̀ ŋmìti à ò rzihwa o ŋmanyu yà lohwà ndèŋganɛlɛ hwatò hwa o hweyà mòrzeyà mo ndɛnɛ, ndèŋgànɛ̀lɛ̀ hwatò hwa o hweyà na oma e aŋgèlì ema e kànèyà e ohwa na lìlo lì kàrzàmi, ndèŋgànɛ̀lɛ̀ hwatò hwa o hweyà na oma e aŋgèlì e o tòŋgɛ lìyɔ̀mi la ama Lohwɛ̀. Rzìi eyà ya worzo e o hwɛ ndi nanù ema hwaŋga hwàlòkèlì hwa ama Krirztò ema hwà mà ŋwɛɛ hwa o hvùmùwà.

1 Pètrò 1:3

Jèka ì hwɛ nà Lohwɛ̀ è Tatɛ̀ yà ama è Rzàŋgo wà arzu Yerzù Krirztò. À mà hvùmùlɛ̀ Yerzù Krirztò ò kpelì. Ò eŋgànɛ̀lɛ̀ i mà luwa lòŋgɛ lì hvènya. Nà oma mɔ̀ à gbèyi nanù, à mà jò ŋgba lìhvìta là lòŋgɛ là gbìndèyà.

Hwèwulùwèlì 1:5

Yerzù Krirztò mɔ̀ hvɛ à è omelì è ndèli nà ɛ̀yɔ̀lɛ̀. Mɔ̀ ndi à hwèlì è mɔ̀ ema à ohwa è jɔ̀kɛ̀ lì hvomɛ̀nɛ Lohwɛ̀ nyayi ema ì hwi nanù ema è hwèlì è jɔ̀kɛ̀. Mɔ̀ ndi à hwèlì è mòtò wà worzo ema à lomi lì hvùmùlɛ, ndèŋgànɛ̀lɛ̀ mɔ̀ ndi à hwèlì è mòkànèlì hwa ikìŋgɛ jà ene rze. À jò lìŋgàni, ndèŋganɛlɛ mɔ̀ à mà gbeyà wòhwe wò rza jò kànèyà hvɛ nà oma mɔ̀ à jo ŋwèlɛ̀lɛ̀yì ò mèyohvo mè arzu.

Hwèwulùwèlì 14:13

Rzìi nà hweyà lìlo lì uwɛ̀lɛ̀lɛ̀yi ò ŋmanyu yà lohwà lì ohwa nanù ema, “Tìla ò rze nanù ema, ò lì wòteyà nàŋgɛ, mònàmɛ̀ nà hwatò ema hwa ŋwelì, ehwànja hwa lòkɛ̀yì è Rzàŋgo.” Èlìŋgɛ̀ yà wòtani è ohwi nanù ema, “Ɛ̀ɛ̀, wɔ̀ hwa ò lùwa lì arzìyòlɛ̀ ò nyòla èwòlò ema hwa mà gbeyɛ, ndèŋgànɛ̀lɛ̀ hwa ò lùwa mòrzàhwèlì ò nyòla hwèwòlò hwe gbamù ema hwa mà gbèyɛ.”