1 Kɔ̀rintìyà 15:10 - Mokpwe: Bakwery (New Testament)

¹⁰ Ndi o ììlì jà amà Lohwɛ̀, imba na hwèlì ndi ema na hwèlì, rzìi ììlì ja eni ema a no ŋgbelì i rza enyi ŋgundu. Ndi imba na gbèyi èwòlò lì aka inɛyi àpɔ̀rzìtòlò jarzɛ wɔ̀ tɔ̀ nɛ rzeketɛ o e ŋginyà ya ami ndi nà mà gbeyàne ene èwòlò ndi o ììlì jà mà Lohwà ema i hwèlì na imba.

1 Kɔ̀rintìyà 15:10 Mawu Ofanana

Matiyò 10:20

È mbɔrzi ema à ò òhwɛ e rza hwɛ e ya eni ndi e uhwɛ̀lɛ̀lɛ ndi ò èlìŋgɛ̀ ya ama e Tatɛ̀ wa eni ema a òhwa ò nyòla ya eni.

Matiyò 25:16

È mògbèèlì ema à mà lùwa hwekòlì hweta hwe wòlì, à mà hwa ika ò nyòŋga rzìi à yàlɛ̀ hwehvɛhvɛ hwekòlì hweta hwe wòlì.

Ròmànì 11:1

Nàŋgɛ rzɔ na ijòwa nanù ema, Lohwɛ̀ à mà kìnyɛ̀lɛ̀ hwatò hwa eni e? Ò jɔ̀kɛ̀ jàyɛ̀! Imba hvɛ na hwèlì ndi mòtò wa Irzàyɛ̀lì ò mòtende mò ama Abràhamù. Nà uwɛ̀lɛ̀lɛ̀yi ò lìtumba la ama Bènjàmɛ̀nì.

Ròmànì 12:3

O e ndèli ya ama Lohwɛ̀ a nò ŋgbelì, na òhweyà tɔ̀ ima mɔ̀kɔ wa anyu nanù ema, tɔ̀ mòtò a rza àŋgàmɛ̀nɛ̀ lì awòwɛ̀ mɔ̀ ŋmìti lì aka mamɛ ema mɔ̀ à hwèlì. Ndi ò arzihwirzɛ ò màlùtèyà ma aŋgɔ̀. Ndeŋgànɛ̀lɛ̀ hvɛ ò àkàyìrzɛ̀ ò wà witi ò lìmɛni la lìlòkɛ̀ ema Lohwɛ̀ à mà màa lì ò ŋgbà.

1 Kɔ̀rintìyà 15:11

O eŋganɛlɛ rzɔ̀, tɔ̀ e ma hwɛ tɛ ndi nanù ema imba ndi na e ohweyà mono ŋmɛ̀ndì, tɔ̀ inɛyi àpɔ̀rzìtòlò ndi ja a e ohweyà, eyà yɔ̀kɔ ndi irzɔ hwa arzɛ jo ohwa, ndèŋgànɛlɛ yɔ ndi inyɔ e lòkɛ̀yì.

1 Kɔ̀rintìyà 15:2

È o rzùŋgàhwà nà ŋmɛ̀ndì mò gbamù, e hwèlì tɛ ema, e mo lɛmbi kɔ̀yi-kɔ̀yi, e rza enje tɛ nanù oma lìlòkɛ̀ la anyu na Krirztò lì hwèlì ndi ŋgundu.

1 Kɔ̀rintìyà 3:10

O tɛ̀ɛ̀tɛ̀ɛ Lohwɛ̀ a no ŋgbelì ììlì ja eni, o èŋgànɛ̀lɛ̀ nà mà kɔ̀kɔ̀ hvɛ mɔ̀nɔ̀ŋgɔ̀ nàa mòoŋgelì wa gbamù. Nàŋgɛ nanù, hwahvɛhvɛ hwa hwèlì hwa oŋga o mòŋgo mɔ̀nɔ̀ŋgɔ̀. Ndi tɔ̀ njɛnɛ ema a oŋga o ŋmanyu ya monò mɔ̀nɔ̀ŋgɔ̀, a hwɛnì lì aŋgòwa.

1 Kɔ̀rintìyà 3:6

Imba nà mà ona ndi e hvɔ̀ŋgɔ̀. Apòlòrzì mɔhvɛ rzìi a hvahva èŋge hvɔ̀ŋgɔ̀ malìhwa. Ndi Lohwɛ̀ Mɔ̀ndi à mà hvùmùlɛ̀ èŋge hvɔ̀ŋgɔ̀.

1 Kɔ̀rintìyà 4:7

Njɛnɛ mɔ̀ à ò kàrzàmìrzɛ̀hwɛ̀ lì aka hwanɛ̀ hwatò e? Mamɛ ema ò wà ò òhvi ema Lohwɛ̀ à rza ò ŋgbèlɛ ndi lì ŋgba e? Rzeke Lohwɛ̀ Mɔ̀ ndi à è ŋgbelì hwema hwe arzɛ ema e hwɛnì e?

2 Kɔ̀rintìyà 12:11

Nà ohwa ndi nàa èèti ya mòtò ndi inyɔ ndi e gbèyi ɔ̀ndeŋgàtɛ̀ na ohwa nanù. Oma inyɔ e ohwa ndi hweyà hwe gbamù o lì no hvomɛ̀nɛ̀. Tɔ̀ e hwɛ ndi nanù ema na rza enje tɔ̀ yoma, ndi hwatò ema inyɔ e hwɛlɛ i àpɔ̀rzìtòlò ndɛnɛ, i rza no akani tɔ̀ eyà.

2 Kɔ̀rintìyà 3:5

Irzɔ hwiti i rza tànɛyi lì ohwa nanù ema i tànɛyi o lì gbeyà ene èwòlò irzɔ hwiti i rza tànɛyi lì e gbeyà. Lohwɛ̀ ndi à gbèyi ndèŋgàtɛ̀ na tànɛyi lì e gbeyà.

2 Kɔ̀rintìyà 6:1

Nà oma i gbeyà èwòlò ya ama Lohwɛ̀ na Lohwà, je e atɛkɛ nanù ema e ndèli ya ama Lohwɛ̀ ema i luwa e rzi hwɛ o ŋgundu.

Gàletìyà 2:8

Lohwɛ̀ ema à mà hvɔ̀rzɔ̀ Pètrò o lì hwɛ e àpɔ̀rzìtòlò ya wònyà Yudà mɔ̀ mɛnɛ hvɛ ndi à mà no hvɔ̀rzɔ̀ o lì hwɛ e àpɔ̀rzìtòlò o hwaŋga hwatò ema hwa rza enje wònyà Yudà.

Hvìlipìyà 2:13

Inyɛ̀ e gbeye nanù, ehwànja Lohwɛ̀ a hwèlì na inyɔ o ihvonda ja arzɛ, aŋga nanù e o ohva mèèmà o lì gbeyà hweyà hwe gbamù ema mɔ̀ à arza nanù ema e gbeye, ndèŋgànɛ̀lɛ̀ e hwe gbèyi.

Hvìlipìyà 4:13

Nà tànɛyi lì gbeyà hweyà hwe arzɛ ema hwe no jɛlɛlɛyi o lì akeyà na e ŋginyà ema Krirztò a no ŋgbelì.

1 Tɛ̀rzàlonìyà 5:12

Ìmbunda ja arzu kòkò, je e rzorzomeya o lì ŋgba hwaŋga hwatò ema hwa e oŋgowàna èluhwe rzayi-rzayi. Wɔ̀ ndi hwa e timbaa, na o lì e okòlɛ nɛ mòŋgɛ ma anyu ma aŋgàmɛnɛ lì hwɛ nàa hwatò hwa ama Krirztò.

1 Tìmotì 4:10

O eŋgànɛ̀lɛ̀ rzɔ ɔ̀ndeŋgàtɛ̀ ja a atàkìrzɛ̀ na lì gbeyà èwòlò ema e imbami èhwanja irzɔ i ma ika lìhvìtà la arzu na Lòohwà ema lì hwèlì lòŋgɛ. Mɔ̀ ndi à ŋgbelì tɔ̀ ima mòtò lì oŋgirzɛ, rzɛhvɔ̀ni hwaŋga ema hwa mo lòkɛ̀yi.