1 Kɔ̀rintìyà 14:34 - Mokpwe: Bakwery (New Testament)

³⁴ Hwaalanà hwa hwɛnì lì lìya ŋmɛ̀ɛ o tenì yà màndawò ma ama Lohwà. Hwa hwɛnì ndi lì arzìhwirzɛ̀, nà omà e mbenda ya ama Morzè e ohwì.

1 Kɔ̀rintìyà 14:34 Mawu Ofanana

1 Kɔ̀rintìyà 11:13

Inyɔ hwiti e lùtèyà ene eyà kɔ̀yi-kɔ̀yi, o lɔ̀wu nanù ema mòtò wa molanà a kànɛ̀ Lohwɛ̀ o èki ya lì arzàŋganɛ la hwatò hwa Lohwɛ̀, e rzi hwɛ lì kumɛnɛ moòhvo mo eni e?

1 Kɔ̀rintìyà 11:3

Nà arza ema e rzɔ̀ŋgìtɛ̀nɛ̀ nanù ema, Krirztò a hwèlì ndi moòhvo mo kànèyà tɔ̀ ima mòtò hwa mùnyanà. È mùnyanà mɔhvɛ a hwèlì ndi moòhvo mo ama e jòjìyɛ̀ ya eni. Lohwà mɔhvɛ ndi à hwèlì moòhvo mo ama Krirztò.

1 Kɔ̀rintìyà 11:5

Ndi tɔ̀ ima molanà ema a kànɛɛ tɔ̀ lì ohwa ŋmɛ̀ndì mo ama Lohwà o èki ya màkanɛ̀ rzìi a rzi kumɛnɛ moòhvo mo eni a enyìrzɛ̀ mòjòmɛ̀ mo eni. A hwèlì ndi nyayi hvɔ̀kɔ nàa molanà ema a rzoowahwi lìhvumbu la eni là mohvo.

1 Kɔ̀rintìyà 14:21

È tìlahwì o kààti ya Lohwà ema, Rzàŋgo a ohwi nanù ema, “Nà gbeyà hwatò ema hwa ohwa ihvɛhvɛ mbɔrzi, o lì ohwìrzɛ̀nɛ̀ hwatò hwa amì. Nà gbeyà hvɛ mìyùumbù me hwàyɛ̀ni hwa hwatò ò lì ohwirzɛ̀nɛ̀ hwatò hwa ami. Ndi tɔ̀ nanù, hwa rzà o no òkànèyà.”

1 Kɔ̀rintìyà 14:35

Hwalanà hwa a rzi tɛ ò lì ijòlɛ̀lɛ̀ eyà, hwa ijowè ndi mejomè me awu, o màandà mà awu. Èhwanja e hwèlì ndi eyà ya ìrzɔnì ema molanà a ohwe eyà o tenì yà e Ndawò yà Lohwà.

Ɛ̀hvìrzìyà 5:33

O eŋgànɛ̀lɛ̀ rzɔ, tɔ̀ ima mòjòmɛ̀ à hwɛnì lì lìŋgàna e jòjìyɛ̀ yà èni nà omà a alìŋganɛ mɔ̀ ŋmìti, rzìi tɔ̀ ima jòjìyɛ̀ mɔ̀ hvɛ à hwɛnì lì ŋgbàà mòjòmɛ̀ mo eni èluhwe.

Kòlòrzìyà 3:18

Inyɔ ijòjìyɛ̀ e arzìhwìrzɛ̀lɛ̀lɛ̀ mèjòmɛ̀ me anyu. Nànù ndi hwatò ema hwa lòkɛ̀ Lohwɛ̀ hwa àŋgàmɛ̀nɛ̀yi lì gbeyà.

Tàyìtùrzì 2:5

Hwà hwa okòlɛ̀ nanù ema hwa hwɛ ijòjìyɛ̀ ja gbamù. Hwa ika ndi mèèmà me awu o mèjòmɛ̀ me awu mɛnɛ, ndèŋgànɛ̀lɛ̀ hwà hwa okòlɛ̀ nɛ hwa àŋgàmɛ̀nɛ̀yi o lì aŋgoweya indawò ja awu, nyayi ema e hwa gbeyà o lì hwɛ jòjìyɛ̀ ema ja arzìhwìrzɛ̀lɛ̀lɛ̀yì mèjòmɛ̀ me awu. È hwèlì tɛ nanù ema hwàalanà hwa gbèya hwene hweyà hwe arzɛ, hwatò hwa rza ohwa tɔ eyà ya wòhwe lì hvomɛ̀nɛ̀ ŋmɛ̀ndì ema Lohwɛ̀ à mà ŋgbe hwatò.