1 Kɔ̀rintìyà 14:3 - Mokpwe: Bakwery (New Testament)

³ Ndi è mòtò ema à ohwa ŋmɛ̀ndì mo ama Lohwɛ̀, mɔ̀ à gbeyà ndi nanù o lì ètìrzɛ̀ hwahvɛhvɛ hwatò, à hwa kɔmɛ̀lɛ̀ o lòŋgɛ, na lì hwa lɔ̀kɔ hvɛ meèmà.

1 Kɔ̀rintìyà 14:3 Mawu Ofanana

Lukàrzɛ̀ 3:18

Yòwanìrzɛ̀ à mà kòkòwɛ̀lɛ̀ hwatò nà ìhvɛhvɛ mbɔrzi rzayì-rzayì, rzìi a hwa òhweyà meyàŋgò me gbamù.

Hwègbèèlì 13:15

Wɔ̀ hwà mà hweyà na òma hwà mà làŋge hwèhvàrzù hwe e kààtì ya mbenda ya ama Mòrzè na e kààtì ya hwetilelì ya hwà-òhwèlì hwa hwèlìŋgɛ̀, ò mburza hwene hwèlàŋgèlì, hwatimbelì hwa e ndawò ya màkanɛ̀ yà wònyà Yudà hwà mà òmeya Pàwolò na Bànàbàrzì ŋmɛ̀ndì nanù ema, “Wònyàmòwe, e òhvi tɛ ŋmɛ̀ndì ò lì ètìrzɛ̀ hwatò, i rzòrzòmelì e jèe e jò òhweyà.”

Hwègbèèlì 14:22

Tɔ ima èki ema hwà mà uke, hwà mà hwɛ lì òkòlɛ hwatò ema hwà mà lòkɛ̀ Yerzù na lì etìrzɛ mèèmà me awu aŋga nanù hwa ò alɛ̀mbɛ̀nɛ lì lòkɛ̀ la awu. Hwà mà hwɛ lì hwa òkòlɛ nanù ema, “I hwɛni lì akeyà rzayi-rzayi ja mètàkà ndèŋgàna je e kpèeyà ò lìkànèyà la ama Lohwɛ̀.”

Hwègbèèlì 15:32

Jùdàrzì na Rzàyìlàrzì, ema wɔ̀ hwiti hwà mà hwɛ ndi hwà-òhwèlì hwa hwèlìŋgɛ̀, hwà mà òhwa rzayi-rzayi ò lì kɔ̀mɛ̀lɛ̀ na lì embɛ hwàlòkèlì.

Hwègbèèlì 4:36

Nànù ndi Jòrzɛ̀hvù mòtò wa lìtumba la ama Lɛ̀hvì, ema à mà uwɛ̀lɛ̀lɛ̀yi ò èkòmè ya Rzàyìprɔ̀rzì à mà gbeye. I àpɔ̀rzìtòlò i ma mò hwɛlɛ ndi Bànàbàrzì (jànda ja lìni lìna lì hwèlì ndi “Mòtò ema, a Kɔ̀mɛlɛ”).

Hwègbèèlì 9:31

O èŋgànɛ̀lɛ̀ rzɔ, ò eŋge hvònda ya arzɛ hwatò ema hwà mà lòkɛ̀ Yerzù ò hwèrzòòkà hwe arzɛ hwe Yùdeyà, Galìlì na Rzàmàrìyà hwe ma luwa ɛ̀yɔ̀lɛ̀. Ndeŋgànɛ̀lɛ̀ hwà mà òhva wɔ̀ɔŋgɔ̀ wò ama Lohwɛ̀ na wɔ̀, ndèŋgànɛ̀lɛ̀ Èlìŋgɛ̀ yà Wòtani e ma gbeyà hwà mà imbama.

Ròmànì 12:8

Mòtò ema a hwɛni jàhwèyà ja lì kɔ̀mɛlɛ hwatò, inyɛ mɔ̀ à hwa kɔ̀mɛlɛ. Tɔ̀ njɛnɛ hvɛ ema a ŋgba hwatò hwema, a hwa ŋgbaane na eenji. È mɔ̀ hvɛ ema a hwɛni jàhwèyà ò lì timba hwatò, inyɛ a hwa timbe kɔ̀yi-kɔ̀yi. È mòtò hvɛ ema a òhvi jàhwèyà ja lì uŋmɛ̀lɛ̀ hwatò ììlì, inyɛ a uŋmɛ̀lɛ̀ hwatò ììlì na màlìŋgò.

Ròmànì 14:19

O èŋgànɛ̀lɛ̀ inyɛ i hwɛ ndi ò lì atàkìrzɛ̀ ò lì keka lì gbeyà mamɛ ema e jànà ɛ̀yɔ̀lɛ̀ na ema hwe jò òŋgòwànà ò lì embɛ mɔ̀kɔ na ɔ̀nɛyi.

Ròmànì 15:2

Tɔ̀ ima mɔ̀ wa arzu a àŋgàmɛ̀nɛ̀ ndi ò lì gbeyà hweyà nyayi ema hwe lìŋgirzɛ ŋmanyàŋgò wa eni aŋga nanù òma lì lòkɛ̀ la ama òŋgò ŋmanyàŋgò wa aŋgɔ̀ lì ma òŋwa.

1 Kɔ̀rintìyà 10:23

È ohwahwi nanù ema, “I hwɛnì wònjà o lì gbeyà tɔ̀ mamɛ.” Aŋga mɔ̀ e jɔ̀kɛ̀ ndi rzeketɛ hwèèmà hwe arzɛ ndi hwe lɔ̀wu. “I hwɛnì wònjà o lì gbeyà tɔ̀ mamɛ” ndi rzeke hwèèmà hwe arzɛ ndi hwe lɔ̀yìrzɛ̀.

1 Kɔ̀rintìyà 14:12

Ènè eyà yɔ hvɛ̀ e hwèlì hvɛ e jɔ̀kɛ̀ na inyɔ. Nà omà e hwɛnì e nyìrzɛ̀ yà lì hwɛnɛ̀ màhwèyà ema mà uwɛ̀lɛ̀lɛ̀yì o èlìŋgɛ̀ yà wòtani, e kèkè e hwɛ̀nɛ ndi màhwèyà ema mà gbeyà mitèlì me oŋga.

1 Kɔ̀rintìyà 14:17

Tɔ̀ o kanɛ̀ gbamù o lì eka Lohwà, e rza òŋgòwàna hwahvɛhvɛ hwatò ema hwa o òkànèyà.

1 Kɔ̀rintìyà 14:26

Ìi wònyàmowe kòkò, enè eyà ema na ohwa nanù, e hwèlì ndi ema, è arzàŋgànɛ̀yi tɛ o Ndawò yà Lohwà, mòtò mɔ̀kɔ à ohva mɔ̀rzɔ̀kɔ̀ o lì èmba, ohvɛhvɛ mòtò a ohva eyà ya lì okòlɛ̀, ohvɛhvɛ mòtò a ohvà eyà ya lì ohwà ema Lohwɛ̀ a mo wuluhwèlì, ohvɛhvɛ mòtò a ohva eyà yà lì ohwà ò ihvɛhvɛ mbɔrzi. Ohvɛhvɛ mòtò hvɛ a tikòwà mamɛ ema e ohwàhwì o ihvɛhvɛ mbɔrzi. Ndi tɔ̀ mamɛ ema e gbèyɛ̀nɛ̀, e hwɛnì ndi lì è òŋgòwànà ŋmèmba mo arzɛ.

1 Kɔ̀rintìyà 14:31

O ène ŋgàna, hwatò hwa arzɛ ema hwa ohwà ŋmɛ̀ndì mo ama Lohwà, wɔ̀ hwa àrzɛ, hwa hwɛnɛ̀ hvondà o lì ohwà, mɔ̀kɛ-mɔ̀kɛ. Aŋga nanù hwatò hwa àrzɛ hwa okowà na lì kɔmɛ̀lɛ̀hwɛ̀.

1 Kɔ̀rintìyà 8:1

Nàŋgɛ rzɔ, imba na ohwa lì hvomɛ̀nɛ̀ mòlelì ema mo ŋgbahwa hwèrzùmbu nàa jàhwèyà. Ɛ̀ɛ, i hwi nanù ema, e ohwahwi nanù ema, “Irzɔ hwa arzɛ i hwɛnì lìhwiyè.” Lini lìhwiyè rzɔ, lì jo gbeyà irzɔ hwa arzɛ i hwɛnì kumba. Ndi e ndìŋgɛ e jo ètìrzɛ̀.

2 Kɔ̀rintìyà 1:4

À jò ètirzɛ mèèmà mè arzu ò lì hvomɛ̀nɛ̀ i ndùtù ja arzu ja àrzɛ ema i lùwa. O lì àrza nanù ema irzɔhvɛ i ètirzɛ mèèmà me hwanɛ̀yi hwatò ema wɔ̀ hvɛ hwa ohvi nyayi nà nyayi ja ndùtù. Inyɛ̀ i hwa ètìrzɛ̀ mèèmà me awu, nà omà Lohwɛ̀ mɔ̀ hvɛ à jo ètìrzɛ̀, e me arzu mèèmà.

2 Kɔ̀rintìyà 2:7

O èŋgànɛ̀lɛ̀ rzɔ e mo làkìrzɛ̀ na lì mo ètìrzɛ̀ ŋmèma nàŋgɛ. Àŋga nanù e ndùtù ema a o hwɛnɛ e rza o mo lìteya.

Ɛ̀hvìrzìyà 4:29

È rzi ohwa mbɔrzi ja èèti o wàna ja anyu. È ohwe ndi hweyà ema hwe oŋgowàna hwatò ò lì oŋgà o lìlòkɛ̀ la awu. Aŋga nanù hwaŋga ema hwe e okànèyà na oma e ohwa hwà okoweya o johwi ja anyu.

Ɛ̀hvìrzìyà 6:22

Nà è òmeyà è mɔ̀ àŋga nanù mɔ̀ à è ohweyà hweyà ema hwe jò gbèyɛ̀nɛ. Nà ò lì è ètìrzɛ̀ mèèmà mè anyu.

Kòlòrzìyà 4:8

Imba nà è òmeyà è mɔ̀, ò lì è ohweyà nɛ irzɔ i hwèlì nà ò lì ètìrzɛ̀ mèèmà mè anyu.

1 Tɛ̀rzàlonìyà 2:11

Inyɔ e hwi nanù ema i ma e aŋgoweya gbamù na oma e rzàŋgo e aŋgoweya hwàanà hwa eni.

1 Tɛ̀rzàlonìyà 2:3

Èya ema i ma hwɛ lì e ohweyà nanù ema e gbeye e rzi hwɛ ndi nanù ema i ma ohva màlùtèyà ma wòhwe tɔ̀ e ma hwɛ ndi eyà ema i rzi tànɛ lì gbeyà, tɔ̀ o lì e lukɛlɛ.

1 Tɛ̀rzàlonìyà 3:2

I ma e omeya ŋmanyàŋgò wa arzu Tìmòtì. Irzɔ na mɔ̀ i gbèeyà èwòlò ya ama Lohwɛ̀ ema e hwèlì o lì ohwa ŋmɛ̀ndì mò gbamù mo ama Krirztò. I ma e omeya e mɔ̀, aŋga nanù a e embɛ na lì e kɔ̀mɛlɛ o lìlòkɛ̀ la anyu.

1 Tɛ̀rzàlonìyà 4:1

Ìi wònyamòwè kòkò, jo òhwa hvɛ nanù ema, i ma e okolɛ nɛ e àŋgàmɛ̀nɛ̀yi lì lìya o lì òkìrzɛ̀ Lohwɛ̀ mɔ̀nyɛ̀ŋgi. Ndeŋgànɛ̀lɛ̀ o jɔ̀kɛ̀ nanù ndi hwèlìyelì hwe anyu hwe hwèlì o nàŋgɛ. O nàŋgɛ nanù, je e akowana, na lì e ohweyà o lìna la ama Rzàŋgo Yerzù nanù ema, e hwɛ ndi o lì lìyàna ene nyayi ya ɛ̀ɛ̀mɛ̀.

1 Tɛ̀rzàlonìyà 4:18

O eŋgànɛ̀lɛ rzɔ̀, e gbeyàne hwene hwèyòkòlèlì o lì kɔ̀mɛlɛ mɔ̀kɔ na ɔ̀nɛyi.

2 Tɛ̀rzàlonìyà 3:12

O lìna la ama Rzàŋgo Yerzù Krirztò i kànèyà hwanu hwatò na lì hwa kòkòwɛ̀lɛ̀ nanù ema hwa lìya lòŋgɛ ema lì tɛnɛnɛ rzìi hwa gbeye èwòlò ya awu o lì luwa lì laa la wùnyà.

1 Tìmotì 1:4

È rzìi emeyà hwaŋga hwatò ò lì ohwa mɛɛndi ema me rza enje jɔ̀kɛ̀ na mɛɛndì ema me ohwa hweyà lì hvomɛ̀nɛ̀ imbamba ja awu ema mòtò a rza tanɛ lì aŋga mɔ̀rzɔ̀ŋgi. Hwa okolɛ tɛ iŋgi nyayi ja mɛɛndì, me jànà hvenda, me rza oŋgowàna hwatò ò lì lìya lòŋgɛ ema e uŋmɛ̀lɛ̀ nanù ema hwa lòkɛ̀ Lohwɛ̀.

1 Tìmotì 4:13

O keke lì gbeyà nanù ema o làŋga eyà ya Lohwà e hwèlì tɛ nanù ema hwatò hwa arzàŋganɛ o ŋmèmba. O hwa nɔ̀ŋgeyà mamɛ eŋge eyà ya Lohwà e ohwa, ndèŋgàna o hwa okolɛ natɛ̀ɛ na jà.

1 Tìmotì 6:2

Hwàŋga hwàkòmì ema hwa hwèlì o rze ya hwatò ema hwa lòkɛ̀yi Krirztò, hwa rzi keka lì lùtèyà nanù ema na oma irzàŋgo ja awu i hwèlì ndi hwatò ema hwa lòkɛ̀yi Krirztò. O eŋgànɛ̀lɛ̀ rzɔ hwa rza hwa ŋgba èluhwe. Hwa àŋgàmɛ̀nɛ̀yi lì hwa gbèeyà tɔ̀ lì aka nàa hwa gbèeyà hwatò ema hwa rza lòkɛ̀ Krirztò. Hwa àŋgàmɛ̀nɛ̀yi lì gbèeyà nanù èhwanja irzàŋgo ja awu ema wɔ̀ hwa gbèeyà, i hwèlì ndi hwàlòkèlì hwa ama Krirztò. Ndèŋgàna hwa hwèlì ndi hwatò ema hwàgbèèlì hwa awu hwa lìŋgàna. O òkolɛ hwatò hwene hweyà ndèŋgàna o ètìrzɛ̀ mèèmà me awu o lì hwe nɔ̀ŋgɔ.

2 Tìmotì 4:2

O lì ohwa ŋmɛ̀ndì mò gbamù mò ama Lohwɛ̀, tɔ̀ hwatò hwa lìŋgàna o lì mo hweyà tɔ̀ hwa rzi lìŋgàne. O hwa gbeye o lì hwiya nanù ema tɔ̀ mamɛ ema o hwa òhwèyà e hwèlì ndi è jɔ̀kɛ̀, o hwa gbeye hwa hwɛmɛ lì gbeyà wòhwe o hwa kɔ̀mɛ̀lɛ̀, ndèŋgàna o òkolɛ hwatò hwene hweyà hwe arzɛ na lì àjùlɛ̀.

Tàyìtùrzì 1:9

A àŋgàmɛ̀nɛ̀yi ndi lì hwɛ mòtò ema a ika ŋmɛ̀ndì mò gbamù kɔ̀yi-kɔ̀yi, ŋmɛ̀ndì mò gbamù ema hwatò hwa àŋgàmɛ̀nɛ̀yi lì ika mèèmà me awu aŋga ndèŋgànɛ̀lɛ̀ a lòkɛ̀yì na oma hwà mà mo òkolɛ. Ène e gbeyà nanù ema a tanɛ lì oŋgowàna hwahvɛhvɛ hwatò o lì oŋgama ŋmɛ̀ndì mò gbamù nyayi ema e hvomɛ̀nɛ̀. À ò tanɛ hvɛ lì uŋmɛ̀lɛ̀ o mòte màtònà ma hwatò ema hwa teŋgɛ̀nɛ̀ moŋgo ŋmɛ̀ndì mò gbamù.

Tàyìtùrzì 2:15

O eŋgànɛ̀lɛ̀ rzɔ̀, o òkolɛ hwatò hwene hweyà. O embɛ nà lì kànja na lìkànèyà ema Lohwɛ̀ à mà o ŋgbɛ. O rzi keka lì emeyà nanù ema tɔ̀ mòtò tɔ̀ mɔ̀kɔ a o ndinde.

Tàyìtùrzì 2:6

Ŋgànà hvɔ̀kɔ hvɛ mɛnɛ o kɔ̀mɛ̀lɛ̀ mèlekà me wunyanà wɔ̀hvɛ hwa hwiye lì alɛ̀mbɛ wɔ̀ hwiti.

Tàyìtùrzì 2:9

O òkolɛ hwàkòmì o lì hweyàna irzàŋgo ja awu ja èwòlò ò tɔ̀ ima eyà. Hwa gbeeye ndi mamɛ ema e lìŋgìrzɛ̀ irzàŋgo ja awu ja èwòlò, hwa rzi taa hvenda na irzàŋgo ja awu ja èwòlò.

Hibrù 10:25

Inyɛ̀ i rza ɔ̀tɔ̀ o lì arzàŋganɛ èki yɔ̀kɔ o i hvonda ja arzɛ na oma hwahvɛhvɛ hwatò hwa gbeyà. Ndi inyɛ ja a kɔ̀mɛ̀lɛ̀nɛ mɔ̀kɔ na ɔ̀nɛyi, rzɛ̀hvɔ̀nì nàŋgɛ ema e ɛnɛ Èyu ya ama Rzàŋgo e ma kombɛnɛ.

Hibrù 13:22

Ìi wònyànyàŋgo hwa ami, na e atɛkɛyi nanù ema, e òkànèyà manù màyòwà kɔ̀yi-kɔ̀yi. Ène kààtì ema na e tìleya e rza wahwi.

Hibrù 3:13

Ndi è àyètìrzɛ̀nɛ̀ mɔ̀kɔ nà ɔnɛyi wùnyà tɛ, na oma eyu e hwɛ̀lɛ̀hwɛ̀ nanù ema, “Yàwono,” aŋga nanù wòhwe wo rza lukɛlɛ mèèmà me anyu o lì hwɛneya Lohwɛ̀ maniya.

1 Pètrò 5:12

Rzàyilarzi ndi à nò oŋgòhwàànì ò lì è tìleya òno ŋmanà kààtì. À hwèlì ndi nàa ŋmànyàŋgo wà ami ndèŋgànɛ̀lɛ̀ nà mò lòkɛ̀yi. Nà è tìlèlì ene kààti ò lì è embɛ, nà ò lì è òhweyà nanù ema hwene hweyà ema nà è tìlèlì hwe hwèlì ndi è ndèli yà jɔ̀kɛ̀ yà ama Lohwɛ̀. Yè è tɛ̀meyà gbamù.

Judɛ 1:20

Ndi imbùnda jà ami kòkò, inyɛ lìlòkɛ̀ là wòtani ema è hwɛni lì hwɛ ndi ò lì ɔŋgɔ ò tenì yà anyu lì ɛndɛ ò worzo. È kànɛ nanù ema è ŋginyà yà Èlìŋgɛ̀ yà Wòtani yè è timbe.