1 Kɔ̀rintìyà 14:22 - Mokpwe: Bakwery (New Testament)

²² Ò èŋgànɛ̀lɛ̀ rzɔ, e ɛnɛ̀ nanù, ema lì ohwà la ihvɛhvɛ mbɔrzi lì hwèlì ndi embànèlì, o hwaŋga hwatò ema hwa rza lòkɛ̀ Krirztò, ndi rzeketɛ o hwaŋga hwatò ema hwa lòkɛ Krirztò. Li ohwa la ŋmɛ̀ndì mo ama Lohwɛ̀, mo hwèlì ndi embànèlì, o hwaŋga hwatò ema hwa lòkɛ rzeketɛ o hwaŋga hwatò ema hwa rza lòkɛ̀ɛ.

1 Kɔ̀rintìyà 14:22 Mawu Ofanana

Makòrzì 16:17

Hwatò ema hwa lòkɛ̀yì hwa òhva ŋginyà ò lì gbeyà hweyà hwe mànyakà: Wɔ̀ hwa ò hvaya hwèlìŋgɛ̀ hwe wòhwe ò lìna la ami, wò òhwa hvɛ imbɔrzi hvènya.

Lukàrzɛ̀ 12:46

Òŋgò mògbèèlì, rzàŋgò wà èni wa èwòlò à tìmbà ò wùnyà ema a rza mò àhvìtɛ̀, nà ò lìrzàkò ema a rzà hwiya. A mò hvaka ò ewòka rzi hwa mò ŋgba e kɔ̀kìrzɛ̀ ema e imbami na hwaŋga hwatò ema hwa hwèlì maniya.

1 Kɔ̀rintìyà 14:1

Inyɛ̀ e nyɔ̀ŋgi ya anyu e hwɛ ndi e ndìŋgɛ ya lì lìŋgana hwatò. Ndi e hwɛnì hvɛ lì ohva èŋge nyɔ̀ŋgi ya màhwèyà ema mà uwɛ̀lɛ̀lɛ̀yi o èlìŋgɛ̀ yà wòtani. Rzɛhvɔ̀ni jàhwèyà ja lì ohwà o lì wùlùwà ŋmɛ̀ndì mò ama Lohwɛ̀.

1 Tìmotì 1:9

Lohwɛ̀ a rza gbèelì ndi e mbenda o hwaŋga hwatò ema hwa tɛmi ehve-ehve. Lohwɛ̀ mɔ̀ à ika ndi e mbenda o hwaŋga hwatò ema hwa rza hweyàna e mbenda, na o hwatò ema hwa rza gbeyà mamɛ ema mɔ̀ à arza. È mbenda ya ama Lohwɛ̀, e hwèlì ndi o hwaŋga hwatò ema hwa rza ohve Èlìŋgɛ̀ ya Lohwà na o hwaŋga hwatò ema hwa gbèeyà wòhwe. È mbenda ya ama Lohwɛ̀ e hwèlì ndi o hwaŋga hwatò ema hwa rza oka Lohwɛ̀ wɔ̀ŋgɔ̀ na o hwatò hvɛ ema hwa ohwa hweyà hwe wòhwe lì teŋgɛ̀nɛ Lohwɛ̀. Lohwɛ̀ à mà gbeyà e mbenda o hwaŋga hwatò ema hwa oŋwa i tatɛ̀ na i nyàŋgo ja awu, na o hwaŋga hvɛ ema hwa oŋwa hwahvɛhvɛ hwatò.