1 Kɔ̀rintìyà 14:13 - Mokpwe: Bakwery (New Testament)

¹³ Ò èŋgànɛ̀lɛ̀, tɔ̀ ima mòtò ema a ohwa o ihvɛhvɛ mbɔrzi, a kanɛ̀ hvɛ nanù ema, Lohwɛ̀ a mo ŋgbe e ŋgilì yà lì tikòweyà mamɛ ya arzɛ ema a hwèlì a ohwa.

1 Kɔ̀rintìyà 14:13 Mawu Ofanana

Makòrzì 11:24

Nà è òhweyà ema tɔ̀ mamɛ ema è ìjòwahwi Lohwɛ̀ ò màkanɛ̀, è lòkɛ̀ tɛ nanù ema è e lùwà, e ò gbèyɛ̀nɛ̀.

Hwègbèèlì 1:14

Wɔ̀ hwa arzɛ, nà hwàalanà nà Màlìyɛ̀ è nyàŋgò yà ama Yerzù, nà Yerzù wònyanyàŋgò hwa eni hwa mà hwɛ lì arzàŋgànɛ̀ hvònda tɛ ò màkanɛ̀.

Hwègbèèlì 8:15

È hvònda ema wɔ̀ hwà mà uke aŋga, hwà mà kanɛ̀lɛ̀lɛ̀ hwàlòkèlì hwa hvènya nanù ema hwa luwe Èlìŋgɛ̀ yà Wòtani.

1 Kɔ̀rintìyà 12:10

Rzi Èlìŋgɛ̀ e ŋgbaà hvɛ mòtò mɔ̀kɔ, e ŋginyà ya lì gbeyà hweyà hwe mànyakà, rzi a ŋgbaà ɔhvɛ làhweyà la lì ohwa ŋmɛ̀ndì mo Lohwà. O ma ohvɛhvɛ mòtò, èlìŋgɛ̀ yà wòtani e ŋgba e ŋgilì ya lì rzɔ̀ŋgìtɛ̀nɛ̀ màahweyà ema mà uwɛ̀lɛ̀lɛ̀yi o èlìŋgɛ̀ yà wòtani, na e lɔ̀wu ema lì rza uwɛ̀lɛ̀lɛ̀yi o èlìŋgɛ̀ yà wòtani. Èŋge èlìŋgɛ̀ mɛnɛ e ŋgba mòtò mɔ̀kɔ lìhwiyè la lì ohwa ihvɛhvɛ mbɔrzi, e ŋgba ohvɛhvɛ mòtò lìhwiyè o lì tikowa mamɛ hwaŋga hwatò hwa ohwa.

1 Kɔ̀rintìyà 12:30

Rzeketɛ hwatò hwa arzɛ ndi Lohwà a ŋgbelì e ŋginyà ya lì wɔ̀wìrzɛ̀ hwatò i nyàmbɛ. Rzeketɛ hwatò hwa arzɛ ndi hwa ohwa ihvɛhvɛ mbɔrzi. Rzeketɛ hwatò hwa arzɛ ndi hwa hwèlì e wɔ̀ ema hwa tikowa ihvɛhvɛ mbɔrzi.

1 Kɔ̀rintìyà 14:12

Ènè eyà yɔ hvɛ̀ e hwèlì hvɛ e jɔ̀kɛ̀ na inyɔ. Nà omà e hwɛnì e nyìrzɛ̀ yà lì hwɛnɛ̀ màhwèyà ema mà uwɛ̀lɛ̀lɛ̀yì o èlìŋgɛ̀ yà wòtani, e kèkè e hwɛ̀nɛ ndi màhwèyà ema mà gbeyà mitèlì me oŋga.

1 Kɔ̀rintìyà 14:14

È hwèlì tɛ ema na kanɛ̀ nà ihvɛhvɛ mbɔrzi, èlìŋgɛ̀ ya ami ndi e hwèlì e kanɛ̀, ndi na rza rzɔ̀ŋgìtɛ̀nɛ̀ mamɛ na ohwa.

1 Kɔ̀rintìyà 14:26

Ìi wònyàmowe kòkò, enè eyà ema na ohwa nanù, e hwèlì ndi ema, è arzàŋgànɛ̀yi tɛ o Ndawò yà Lohwà, mòtò mɔ̀kɔ à ohva mɔ̀rzɔ̀kɔ̀ o lì èmba, ohvɛhvɛ mòtò a ohva eyà ya lì okòlɛ̀, ohvɛhvɛ mòtò a ohvà eyà ya lì ohwà ema Lohwɛ̀ a mo wuluhwèlì, ohvɛhvɛ mòtò a ohva eyà yà lì ohwà ò ihvɛhvɛ mbɔrzi. Ohvɛhvɛ mòtò hvɛ a tikòwà mamɛ ema e ohwàhwì o ihvɛhvɛ mbɔrzi. Ndi tɔ̀ mamɛ ema e gbèyɛ̀nɛ̀, e hwɛnì ndi lì è òŋgòwànà ŋmèmba mo arzɛ.