1 Kɔ̀rintìyà 14:1 - Mokpwe: Bakwery (New Testament)

¹ Inyɛ̀ e nyɔ̀ŋgi ya anyu e hwɛ ndi e ndìŋgɛ ya lì lìŋgana hwatò. Ndi e hwɛnì hvɛ lì ohva èŋge nyɔ̀ŋgi ya màhwèyà ema mà uwɛ̀lɛ̀lɛ̀yi o èlìŋgɛ̀ yà wòtani. Rzɛhvɔ̀ni jàhwèyà ja lì ohwà o lì wùlùwà ŋmɛ̀ndì mò ama Lohwɛ̀.

1 Kɔ̀rintìyà 14:1 Mawu Ofanana

Ròmànì 12:6

O èŋgànɛ̀lɛ̀ i hwɛni lì gbeyàna màhwèyà ma arzu ma nyayi na nyayi lì hvòmɛ̀nɛ̀ e ndèli ema Lohwɛ̀ a jò ŋgbelì. È hwèlì tɛ nanù ema Lohwɛ̀ à mà ŋgba mòtò jàhwèyà ja lì òhwa hweyà ò lìna la ama Lohwɛ̀, òŋgò mòtò a òhwa hweŋge hweyà lì hvòmɛ̀nɛ̀ lì lòkɛ̀ ema mɔ̀ à òhvi.

Ròmànì 14:19

O èŋgànɛ̀lɛ̀ inyɛ i hwɛ ndi ò lì atàkìrzɛ̀ ò lì keka lì gbeyà mamɛ ema e jànà ɛ̀yɔ̀lɛ̀ na ema hwe jò òŋgòwànà ò lì embɛ mɔ̀kɔ na ɔ̀nɛyi.

Ròmànì 9:30

Mamɛ rzɔ irzɔ i tànɛyi lì òhwa e? Èma hwatò ema hwa rza enje wònyà Yudà, hwa hwèlì ehve-ehve ò wòrzò wò ama Lohwɛ̀ lì akeyà na lì lòkɛ̀ la awu ema hwa òhvi na Krirztò, tɔ̀ nɛ hwa rzi keke ò lì hwɛ ehve-ehve ò wòrzò wò ama Lohwɛ̀.

1 Kɔ̀rintìyà 12:1

Ìi wònyàmowe, lì hvomɛ̀nɛ̀ mamɛ ema inyɔ e ma tile o lì hvomɛ̀nɛ̀ màahweyà ema mà uwɛ̀lɛ̀lɛ̀yi na Èlìŋgɛ̀ yà Wòtani, imba na rza arza ema inyɔ e hwiye e jɔ̀kɛ̀ lì hvomɛ̀nɛ̀ maŋga màhwèyà.

1 Kɔ̀rintìyà 12:31

O màhwèyà ma arzɛ ma ama Lohwɛ̀, e hvɔ̀rzè maŋga màhwèyà ema mà hwɛnì wòlìtò.

1 Kɔ̀rintìyà 13:13

O hwèlì hweyà hweyàwò ema hwe hwèlì, ndi lì lòkɛ̀, lìhvìtà, nà e ndìŋgɛ, ndi eyɔ ema e akayi hwe arzɛ e hwèlì ndi e ndìŋgɛ.

1 Kɔ̀rintìyà 13:2

Tɔ̀ na hwɛnɛ hvɛ ndi jàhwèyà ja lì ohwa ŋmɛ̀ndì mo Lohwɛ̀ nɔke-nɔke, tɔ̀ na hwɛnɛ hvɛ ndi lìhwiyè la lì rzɔ̀ŋgìtɛ̀nɛ̀ la ìwùndɛ̀ ja arzɛ. Nà tànɛyi hvɛ tɛ lì hwɛnɛ̀ lì lòkɛ̀ ema lì no gbeyà ema na ohweyà e hvàko, ema e tikowe hwetɛmelì hweni. Rzi na rzi uŋmɛ̀lɛ̀ hwatò e ndìŋgɛ, nanù oma na rza enje tɔ̀ eyà.

1 Kɔ̀rintìyà 14:22

Ò èŋgànɛ̀lɛ̀ rzɔ, e ɛnɛ̀ nanù, ema lì ohwà la ihvɛhvɛ mbɔrzi lì hwèlì ndi embànèlì, o hwaŋga hwatò ema hwa rza lòkɛ̀ Krirztò, ndi rzeketɛ o hwaŋga hwatò ema hwa lòkɛ Krirztò. Li ohwa la ŋmɛ̀ndì mo ama Lohwɛ̀, mo hwèlì ndi embànèlì, o hwaŋga hwatò ema hwa lòkɛ rzeketɛ o hwaŋga hwatò ema hwa rza lòkɛ̀ɛ.

1 Kɔ̀rintìyà 14:37

È hwèlì tɛ ema o hwèlì mòtò mɔ̀kɔ ema à ɔŋgɛ̀lɛ ema mɔ̀ à hwèlì ndi Mòòhwèlì wà Èlìŋgɛ̀ tɔ̀ mòtò ema a ŋgbàahwì jàhwèyà ema jo uwɛ̀lɛ̀lɛ̀yi o hwèlìŋgɛ̀, inyɛ a hwiye nanù ema, mamɛ ya arzɛ̀ ema na hwèlì na e tìleya nanù, hwe hwèlì ndi hweyà ema Rzàŋgo A ohwi ama e gbeye.

1 Kɔ̀rintìyà 14:39

O èŋgànɛ̀lɛ̀, wònyànyàŋgò hwa ami, e hwɛnɛ̀ e nyɔ̀ŋgi ya lì ohwà ŋmɛ̀ndì mò ama Lohwɛ̀, ndèŋgànà e rzi aya hwahvɛhvɛ hwatò ò lì ohwà là ihvɛhvɛ mbɔrzi.

1 Kɔ̀rintìyà 16:14

Tɔ̀ ima lìtumba la eyà ema e gbeyà e uŋmɛ̀lɛ̀ ema ya ohvanɛ ndìŋgɛ mɔ̀kɔ na ɔ̀nɛyi.

Ɛ̀hvìrzìyà 1:3

Inyɛ̀ je eke Lohwɛ̀. Mɔ̀ ndi à hwèlì Lòohwà la ama Rzàŋgo wa arzu Yerzù Krirztò na Tatɛ̀ ya eni. Lohwɛ̀ ndi à hwèlì e mɔ̀ ema à mà jo nàmìrzɛ̀ na menàmirzelì me arzɛ ema me uwɛ̀lɛ̀lɛ̀yi o ŋmanyu yà lohwà. A gbèyi ndi nanù èhwanja irzɔ ima hwɛ ndi mɔ̀kɔ na Krirztò.

1 Tɛ̀rzàlonìyà 5:20

È rzi rzɔ̀njɛlɛ o lì ohwa ŋmɛ̀ndì ema Lohwɛ̀ a ohwi nanù ema e ohwe.

1 Tìmotì 4:14

O rzi keka o lì tɛmirzɛ èwòlò ema Lohwɛ̀ a o ŋgbelì nàa jàhwèyà ema o gbeye, o lì ohweyà hwatò hweyà ema Lohwɛ̀ à mà ohwe nanù ema o hwa ohweyà, e hvonda ema hwatimbelì hwa ŋmèmba hwà mà o hwàkɛ̀ màà mà awu o mohvo mo aŋgɔ̀.

1 Tìmotì 5:10

Moŋgo mokurze mo molanà mo hwɛni ndi lì hwɛ molanà ema a hwiyɛnɛyi o hwègbèèlì wa eni hwe gbamù. A àŋgàmɛ̀nɛ̀yi ndi lì hwɛ molanà ema à mà màa lì woŋgohwa hwàànà gbamù, a kàrzɛ hwàyɛ̀nì gbamù o ndawò ya eni, a hwɛni lì arzìirzɛ, ema à mà gbèeyà hwatò hwa Lohwɛ̀ nyayi ema à mà hwɛ lì rzorza matàŋgà mà awu. A hwɛni hvɛ ndi lì hwɛ molanà ema à mà oŋgowanɛ hwatò ema hwà mà hwɛ o ndùtù, ndèŋgàna a hwɛni hvɛ lì aŋgbɛ ŋmìti o hwègbèèlì hwe gbamù.

1 Tìmotì 6:11

Ndi o wa Tìmòtì, mòtò wa Lohwà, o hwɛni lì tinda hweŋge hweyà hwe arzɛ hwe wòhwe. Keka o lì gbeyà nanù ema o gbèyi ndi mamɛ ema e hvomɛ̀nɛ̀ o worzo wo ama Lohwɛ̀, gbeyà ndi na oma Lohwɛ̀ a arza nanù ema o gbeye. Lòkɛ̀ Krirztò, o lìŋgàne hvɛ hwatò, o hwɛ ndi o lì àjùlɛ̀ ihvonda ja arzɛ, o arzìirzɛ̀.

2 Tìmotì 2:22

Ìi Tìmòtì, o rzi gbeyà hweyà hwe wòhwe ema imberza i gbeyà, ndi o keke ndi lì gbeyà mamɛ ema e hvomɛ̀nɛ̀, o inyàmɛnɛ lìlòkɛ̀ Krirztò o keke lì lìŋgàna hwahvɛhvɛ hwatò, o hwɛ hvɛ ndi o ɛ̀yɔ̀lɛ̀ na tɔ̀ ima mòtò. O nɔ̀ŋge hwene hweyà na hwahvɛhvɛ hwatò ema hwa kanɛ̀lɛ̀lɛ̀ Lohwɛ̀ na ŋmèma mɔ̀kɔ.

Hibrù 12:14

È keke e hwɛnɛ ɛ̀yɔ̀lɛ̀ na hwatò hwa arzɛ na lì lìya lòŋgɛ la wòtani, èhwanja hwaŋga ema hwa rza nɔ̀ŋgɔ lòŋgɛ la wòtani hwa rza o ɛnɛ e Rzàŋgo.

2 Pètrò 1:7

O ŋmanyu ya lì gbeyà hweyà ema Lohwɛ̀ a arza, inyɔ hwatò hwa ama Krirztò inyɛ e ndìŋgɛ e hwɛ o ìtììtènì ja anyu. O ŋmanyu ya e ndìŋgɛ o ìtììtènì ja anyu ja hwatò hwa ama Krirztò, e lìŋgàne tɔ̀ ima mòtò.

3 Yòwanìrzɛ̀ 1:11

È mbunda ya ami kòkò, o rza embàneyà wòhwe ema hwatò hwa gbeyà, ndi o embàneyà hweyà hwe gbamù ema hwatò hwa gbeyà. Tɔ̀ njɛnɛ ema a gbèyi gbamù e uŋmɛ̀lɛ̀ ndi nanù ema a hwèlì ndi e ŋmanà wa ama Lohwɛ̀. Tɔ̀ njɛnɛ hvɛ ema a gbeyà wòhwe, wòhwe wo eni wo uŋmɛ̀lɛ̀ ndi nanù ema mɔ̀ à rza hwi Lohwɛ̀.