1 Kɔ̀rintìyà 13:8 - Mokpwe: Bakwery (New Testament)

⁸ È ndìŋgɛ e rza kùwa. Ndi hweyohwèlì hwe ŋmɛ̀ndì mo ama Lohwɛ̀, hwe kùwa. Li ohwa la ihvɛhvɛ mbɔrzi lì ohvɛ lì kùwa. È hwɛ ndi lìhwiyè, lɔhvɛ lì kùwà.

1 Kɔ̀rintìyà 13:8 Mawu Ofanana

Lukàrzɛ̀ 22:32

Ndi nà ma ò Kanɛ̀lɛ̀lɛ̀ nanù ema lìlòkɛ̀ lì aŋgɔ̀ lì rzà kpa. È hvònda ema ò nò tìmbeyà hvɛ, ò ètirzɛ hvɛ wònyanyàŋgò hwa aŋgɔ̀.”

Hwègbèèlì 13:1

O ŋmèmba ema mò hwèlì ò Antìyɔ̀kì lòŋgò la hwà-òhwèlì hwa hwèlìŋgɛ̀ na hwà-òkòlèlì hwà mà hwɛ aŋga. Hwàŋga hwatò hwà mà hwɛ ndi Bànàbàrzì, Rzimɔ̀nì (à mà hwɛ̀lɛ̀hwɛ̀ e Ŋmindò), Lùrzìyùrzì (ema à mà uwɛ̀lɛ̀lɛ̀yi ò Rzìlènè), Manayene (ema wɔ̀ na Hɛ̀rɔ̀dì e Gɔ̀winà hwà mà òŋgɛnɛ ekì yɔ̀kɔ), na Rzàwòlò.

Hwègbèèlì 19:6

È hvònda ema Pàwolò à mà hwa hwàkɛ̀ màà mà eni ò meyòhvò me awu, Èlìŋgɛ̀ yà Wòtani rzìi e hwa rzihweyà. Rzìi hwa wòteyà lì òhwa ò i hvɛhvɛ mbɔrzi ema hwatò hwa rzi rzɔ̀ŋgìtɛ̀nɛ̀, na ò lì òhwa Ŋmɛ̀ndì mò ama Lohwɛ̀.

Hwègbèèlì 2:4

Wɔ̀ hwa arzɛ hwà mà ònda na Èlìŋgɛ̀ yà Wòtani, rzìi hwa wòteya lì òhwa imbɔrzi ja hwahvɛhvɛ hwatò ema hwa rza òkòwɛ. Èlìŋgɛ̀ yɔ ndi e ma hwa lìyɛlɛ ò lì òhwa mamɛ ema hwà mà hwɛ lì òhwa.

1 Kɔ̀rintìyà 12:10

Rzi Èlìŋgɛ̀ e ŋgbaà hvɛ mòtò mɔ̀kɔ, e ŋginyà ya lì gbeyà hweyà hwe mànyakà, rzi a ŋgbaà ɔhvɛ làhweyà la lì ohwa ŋmɛ̀ndì mo Lohwà. O ma ohvɛhvɛ mòtò, èlìŋgɛ̀ yà wòtani e ŋgba e ŋgilì ya lì rzɔ̀ŋgìtɛ̀nɛ̀ màahweyà ema mà uwɛ̀lɛ̀lɛ̀yi o èlìŋgɛ̀ yà wòtani, na e lɔ̀wu ema lì rza uwɛ̀lɛ̀lɛ̀yi o èlìŋgɛ̀ yà wòtani. Èŋge èlìŋgɛ̀ mɛnɛ e ŋgba mòtò mɔ̀kɔ lìhwiyè la lì ohwa ihvɛhvɛ mbɔrzi, e ŋgba ohvɛhvɛ mòtò lìhwiyè o lì tikowa mamɛ hwaŋga hwatò hwa ohwa.

1 Kɔ̀rintìyà 13:10

Ndi eyà ema e ondi o ŋmanyu, e jelì tɛ, e yɔ ema e rza ondɛ e nyɔ̀ŋgɔ̀.

1 Kɔ̀rintìyà 13:13

O hwèlì hweyà hweyàwò ema hwe hwèlì, ndi lì lòkɛ̀, lìhvìtà, nà e ndìŋgɛ, ndi eyɔ ema e akayi hwe arzɛ e hwèlì ndi e ndìŋgɛ.

1 Kɔ̀rintìyà 14:39

O èŋgànɛ̀lɛ̀, wònyànyàŋgò hwa ami, e hwɛnɛ̀ e nyɔ̀ŋgi ya lì ohwà ŋmɛ̀ndì mò ama Lohwɛ̀, ndèŋgànà e rzi aya hwahvɛhvɛ hwatò ò lì ohwà là ihvɛhvɛ mbɔrzi.

1 Kɔ̀rintìyà 8:2

Tɔ̀ ima mòtò ema a ɔ̀ŋgɛ̀lɛ̀ ema a hwi eyà, nanù oma mɔ̀ à rza hwi tɔ̀ eyà na oma a àŋgàmɛ̀nɛyi lì hwiya.

Gàletìyà 5:6

Ŋga wà endà mòtò tɔ̀ wà rzi mò endè eŋge è rza ohvi tɔ̀ eyà ò lì gbeyà nà lì hwɛ là arzu nà Krirztò. Mamɛ ema è hwèlì wòlìto è hwèlì ndi ò lì lòkɛ̀ Krirztò. Lìŋgi lì lòkɛ̀ lì àŋgàmɛ̀nɛ̀yi lì àwùlùhwɛ̀ ò è ndìŋgɛ ema jà à àwùŋmɛ̀lɛ̀nɛ̀ mɔ̀kɔ nà ɔ̀nɛyi.

Hibrù 8:13

Jòòhwì ema Lohwɛ̀ à ohwi lì hvomɛ̀nɛ̀ yòombò ehvènya è uŋmɛ̀lɛ̀ nanù ema à mà ohva yòòmbò yà mòlòmɛ̀ è rza gbeyàhwɛnɛ hvɛ. Ndèŋgànɛlɛ tɔ̀ yòma ema hwa rza gbeyàna hvɛ, ema è mà unɛ̀, è ò nyɔ̀ŋgɔ̀ ŋmanà mbɔ̀.