1 Kɔ̀rintìyà 13:7 - Mokpwe: Bakwery (New Testament)

⁷ È mòtò ema a uŋmɛ̀lɛ̀ hwatò e ndìŋgɛ, a rza kìnyɛ̀lɛ̀, a ohvi lì lòkɛ̀ ihvonda ja arzɛ. A hwɛnì lìhvìtà ihvonda ja arzɛ, a kakànà hvɛ hwèèmà hwe arzɛ mèèmà ihvonda ja arzɛ.

1 Kɔ̀rintìyà 13:7 Mawu Ofanana

Matiyò 10:22

Hwatò hwa àrzɛ hwa ò e kɔ̀ ò nyòla lìinà la ami. Ndi hwatò ema hwa ò nò kakana mèèmà natɛ̀ɛ nà ò lìrzukù hwa ò rzùŋgàhwà.

Makòrzì 9:23

Yerzù rzìi a mò timbìrzɛ̀lɛ̀lɛ̀ nanù ema, “O ma nà tànɛyi tɛ lì gbeyà eyà e? Mòtò a òhvi tɛ lìlòkɛ̀, tɔ̀ ima eyà e tànɛyi lì gbèyɛ̀nɛ.”

Ròmànì 15:1

Irzɔ ema jò imbami ò lìlòkɛ̀ inyɛ jò òŋgòwane e wɔ̀ ema hwa rza imbamɛ ò màlòkɛ̀ ma awu. I rza alìŋgìrzɛ irzɔ hwiti.

Ròmànì 8:24

Kanatɛ i ma luwe lìrzùŋgàhwà la arzu ja àhvìtɛ̀ nanù ema i luwa mamɛ ema Lohwɛ̀ à mà kàkɛ̀nɛ̀ nanù ema a gbeyà. Ndi je ɛnɛ tɛ yòma ema ja ikayi mèèmà me arzu nanù ema i luwa, nanù òma rzeketɛ lìhvìtà là jɔ̀kɛ̀. Njɛnɛ a tànɛyi ò lì ika ŋmèma mò eni ò lì luwa yòma ema à mà màa lì luwa e?

1 Kɔ̀rintìyà 13:4

È mòtò ema a uŋmɛ̀lɛ̀ hwatò e ndìŋgɛ, a ohvi lì àjùlɛ̀, a enji, a rza ohvi inona, a rza ayèkirzɛ.

1 Kɔ̀rintìyà 9:12

È hwèlì tɛ ema lòŋgo la hwatò hwa hwɛnì wònjà ya lì e ijòwa hwèèmà, rzeke irzɔ i hwɛnì wònjà rzayì-rzayì o lì e ijòwa hwèèmà lì hwa aka e? Ndi irzɔ i rzi gbeyànì a gbeyàna enè wònjà tɔ̀ wùnyà. Irzɔ ima àjùlɛ̀nɛ̀ mètàkà me arzɛ aŋga nanù, ene e rza hwɛ ndi ekèkànì na oma jo òhwa Ŋmɛ̀ndì mò Gbamù lì hvomɛ̀nɛ̀ Krirztò.

Gàletìyà 6:2

È a oŋgowanɛ mɔ̀kɔ na ɔnɛ̀yi o lì anjiya o tenì ya ndùtù. È gbèyi tɛ nanù, o ma e ma ika imbenda ja ama Krirztò.

2 Tɛ̀rzàlonìyà 1:4

Ò eŋgànɛ̀lɛ rzɔ̀, ò ìtììtènì jà ŋmèmba mò hwatò hwa ama Lohwɛ̀, irzɔ jè è gbàànà kumba ò nyòla lì ajùlɛ nà lìlòkɛ̀ ema è hwɛni, nà oma hwatò hwa è tàkirzɛ nà mètàkà mè arzɛ ema è hvomɛ̀nɛ̀.

2 Tìmotì 2:24

Nàa e mògbèèlì wa ama Lohwɛ̀ o rza hwɛni lì tɔ̀wɔ, ndi o hwɛni lì hwɛ eenji na tɔ̀ ima mòtò, o hwɛni lì okolɛ hwatò gbamù, na lì ajùlɛ̀nɛ̀ hwatò kɔ̀yi-kɔ̀yi.

2 Tìmotì 3:11

O hwi nɛ hwatò hwa no tàkìrzɛ̀, ndèŋgàna o hwi mètàkà ema imba na lu o tenì ya moŋgo motaka. O hwi lìtumba la hweyà ema hwe ma no gbèyɛ̀nɛ o tenì ya màmbowà mà Antìyɔ̀kì, Ikònìyùmì na Lìrzìtìrà. O hwi nɛ nà mà kake ŋmèma o mètàkà ema nà mà luwe aŋga. Ndi Rzàŋgo Yerzù à mà no rzùŋga o tenì ya meŋge mètàkà me arzɛ.

2 Tìmotì 4:5

Ndi o wa Tìmòtì, o hwɛni lì hwiya lì àwòhvɛ̀lɛ̀ la aŋgɔ̀ ihvonda ja arzɛ. O ajùlɛ̀nɛ̀ mòtàkà, o gbèyè èwòlò ya e mòtò ema a ohweyà hwatò Ŋmɛ̀ndì mò Gbamù mò ama Lohwɛ̀, ndèŋgàna o gbeye hvɛ èwòlò ya arzɛ ema Lohwɛ̀ à mà o òhweyà à mà o gbeye.

Hibrù 13:13

Irzɔ hvɛ rzɔ i hwɛnì lì mò ɛndeya o èwoka ya hwèlìyelì aŋga nanù irzɔ i hwɛnɛ erzambo ema à mà luwe.

Jèmìrzì 1:12

Mònàmɛ̀ mo hwɛ nà tɔ̀ ima mòtò ema à àjùlɛ̀ o tenì ya màkèkirzɛnɛ, ehwànja a kulɛ tɛ lì aka màŋga makèkirzɛ, Lohwɛ̀ a mo rzaweya morzawelì ema mo hwèlì ndi lòŋgɛ ema mɔ̀ à ohwi nanù ema a ŋgba hwatò ema hwa mo lìŋgàni.

1 Pètrò 2:24

Krirztò mɔ̀ ŋmìti à mà hwanɛ wòhwe wo arzu o e nyo ya eni o mbàrza, aŋga nanù irzɔ, i hwɛmɛ lì gbeyà hweyà hwe wòhwe, ndèŋgànɛ̀lɛ̀ o lì a ayèŋgowɛ̀ lì lìya lòŋgɛ la ehve-ehve. O lì akeyà na hwèhwàŋgù hwe eni inyɔ e ma wɔ̀wìrzɛ̀hwɛ.

1 Pètrò 4:8

O lì aka hweyà hwe arzɛ, ya alìŋgànɛ mɔ̀kɔ na ɔ̀nɛyi kɔ̀yi-kɔ̀yi, ehwànja e ndìŋgɛ e hwànda wòhwe rzayi-rzayi.