1 Kɔ̀rintìyà 13:6 - Mokpwe: Bakwery (New Testament)

⁶ È mòtò ema a uŋmɛ̀lɛ̀ hwatò e ndìŋgɛ, e rza oka mɔ̀nyɛ̀ŋgì o hweyà hwe wòhwe ndi à okana hweyà hwe jɔ̀kɛ̀ mɔ̀nyɛ̀ŋgì.

1 Kɔ̀rintìyà 13:6 Mawu Ofanana

Matiyò 18:13

Nà è òhweyà ndi è jɔ̀kɛ̀ nanù ema à mò lù tɛ à òhva mɔ̀nyɛ̀ŋgì mò jɔ̀ɔ̀-jɔ̀ɔ̀ nà eŋge ehvòwà yà mɔ̀lɛ̀ŋgù lì aka mènìlùùwà nà lùùwà ema mè rza wɔ̀.

Lukàrzɛ̀ 22:5

Hwa mà òka mɔ̀nyɛ̀ŋgì hwa àrzɛ hwà mà imanɛlɛ. Rzìi hwa òhweyà Jùdàrzì ema hwa mò taŋgeyà.

Ròmànì 1:32

Wɔ̀ hwa hwi nanù ema Lohwɛ̀ à mà òhwa nanù ema, hwatò ema hwa gbeyà iŋgi nyayi jà hweyà hwa àŋgàmɛ̀nɛ̀yi lì ŋwa, ndi tɔ̀ nanù hwa lìmelì ndi ò lì gbeyà hweŋge hweyà. Ndèŋgàna rzeketɛ hvɛ tɔ̀ nanù wɔ̀ hwa eka hwatò ema hwa gbeyà iŋgi nyayi ja hweyà.

Ròmànì 12:9

Tɔ̀ ima mòtò a hwɛni lì hwɛnɛ e ndìŋgɛ na hwatò na e jɔ̀kɛ̀. È kɔ̀ mamɛ ema e hwèlì wòhwe. È akakumɛnɛ ò lì gbeyà mamɛ ema e hwèlì gbamù.

Hvìlipìyà 1:18

Ndi ene ŋgànà e rza enje tɔ eyà. O hwene hwègbèèlì hwe arzɛ, ŋmɛ̀ndì mò gbamù mo ama Krirztò mɔ̀ ndi hwa hwèlì hwa ohwa, tɔ e hwɛ ndi nanù ema hwa gbeyànì màlùtèyà ma gbamù tɔ̀ ma wòhwe. O eŋgànɛ̀lɛ̀ rzɔ, o nyòla ya ene eyà, imba na o oka mɔ̀nyɛ̀ŋgì.

Hvìlipìyà 1:4

Nà oka mɔ̀nyɛ̀ŋgì tɔ̀ ima hvonda ema nà è kanɛ̀lɛ̀lɛ̀ inyɔ hwa arzɛ.

Hvìlipìyà 3:18

Nà oma na yɔki lì e ohweyà, o naŋgɛ nanù na e ohweyà hvɛ na mìirzɔ̀lì, lì hvomɛ̀nɛ rzayi-rzayi ja hwatò ema ɛ̀ɛ̀mɛ̀ ya awu e uŋmɛ̀lɛ̀ ndi nanù ema hwa hwèlì ndi hwàkɔ̀yèlì lì hvomɛ̀nɛ̀ ŋmɛ̀ndì ema mo ohwa nanù ema Krirztò à mà ŋwèeyà o mbàrza.

2 Tɛ̀rzàlonìyà 2:12

È mbàko e o hwɛ ndi nanù ema, hwatò hwa arzɛ ema hwa rzi lòkɛ̀yi e jɔ̀kɛ̀, ndi hwa tɛ̀yirzɛ̀ o lì gbeyà hweyà hwe wòhwe, Lohwɛ̀ a o hwa kɔ̀kìrzɛ̀.

2 Yòwanìrzɛ̀ 1:4

Nà ma oka mɔ̀nyɛ̀ŋgì rzayi, o lì hwiya nanù ema lòŋgo la aŋgɔ la hwàna hwa lìya lòŋgɛ ema lì kànɛyi na e jɔ̀kɛ̀, na oma Lohwɛ̀ Tatɛ̀ wa arzu à mà jo kànèyà nanù ema i gbeye.