1 Kɔ̀rintìyà 13:2 - Mokpwe: Bakwery (New Testament)

² Tɔ̀ na hwɛnɛ hvɛ ndi jàhwèyà ja lì ohwa ŋmɛ̀ndì mo Lohwɛ̀ nɔke-nɔke, tɔ̀ na hwɛnɛ hvɛ ndi lìhwiyè la lì rzɔ̀ŋgìtɛ̀nɛ̀ la ìwùndɛ̀ ja arzɛ. Nà tànɛyi hvɛ tɛ lì hwɛnɛ̀ lì lòkɛ̀ ema lì no gbeyà ema na ohweyà e hvàko, ema e tikowe hwetɛmelì hweni. Rzi na rzi uŋmɛ̀lɛ̀ hwatò e ndìŋgɛ, nanù oma na rza enje tɔ̀ eyà.

1 Kɔ̀rintìyà 13:2 Mawu Ofanana

Matiyò 13:11

Yerzù rzìi a hwa alàhwɛ̀ nanù ema, “Lìhwiye la è wùndɛ̀ ya Lìkànèyà la ŋmanyu yà lohwà lì e ŋgbààhwi ndì inyɔ, ndi rzeketɛ ò hwahvɛhvɛ hwatò.

Matiyò 17:20

Yerzù rzìi a hwa alàhwɛ̀ nanù ema, “Inyɔ e rzi tànɛyi lì hvaya eŋge èlìŋgɛ̀ èhwanja lìlòkɛ̀ la anyu lì rza òlò. È hwɛni tɛ lìlòkɛ ema lì òlò ndi nàa ŋmanà hvɔ̀ŋgɔ̀ wa wòrzaŋgò, e tànɛyi e kànèyà mònò mòoli nanù ema, ‘Anjiya anu, ò ɛ̀ndɛ ɔnɛyi!’ Ndèŋgànà mò ɛndɛ. È tànɛyi lì gbeyà tɔ̀ mamɛ.”

Matiyò 21:19

Nà òma à mà hwɛ lì ɛndɛ, rzìi a ɛnɛ gbèe ema wò ma hwɛ̀lɛ̀hwɛ̀ hvigi ò tòŋgòŋgò ya njiya, à mà ɛ̀ndɛ aŋga. Ndi a rzi ùŋmanɛlɛ tɔ̀ ehvùma yɔ̀kɔ aŋga, lì aka tɛ hwèyalì mɛnɛ. Yerzù rzìi a òhwirzɛnɛ wòŋgò gbèe nanù ema, “O rza ò ŋya hvɛ tɔ̀ ehvùma” ò lìwòkimɛnɛ wòŋgò gbèe rzìi wò rzɔnjɔ.

Matiyò 21:21

Yerzù à mà hwa alàhwɛ̀ nanù ema, “Nà e òhweyà ndi e jɔ̀kɛ̀, e òhvi tɛ lì lòkɛ̀ rzi e rzi tame, inyɔ hvɛ e tànɛyi lì gbeyà mamɛ ema na gbeyànì wònò gbee. Rzeke hvɛ tɔ̀ ene mɛnɛ, e tànɛyi hvɛ lì òhweyà ene hvàko nanù ema, ‘Anjiya anu òma, ò ɛndɛ ò ahvimbɛ ò wà witi ò tenì ya ŋmànja’ e gbèyɛ̀nɛ nanù.

Hwègbèèlì 13:1

O ŋmèmba ema mò hwèlì ò Antìyɔ̀kì lòŋgò la hwà-òhwèlì hwa hwèlìŋgɛ̀ na hwà-òkòlèlì hwà mà hwɛ aŋga. Hwàŋga hwatò hwà mà hwɛ ndi Bànàbàrzì, Rzimɔ̀nì (à mà hwɛ̀lɛ̀hwɛ̀ e Ŋmindò), Lùrzìyùrzì (ema à mà uwɛ̀lɛ̀lɛ̀yi ò Rzìlènè), Manayene (ema wɔ̀ na Hɛ̀rɔ̀dì e Gɔ̀winà hwà mà òŋgɛnɛ ekì yɔ̀kɔ), na Rzàwòlò.

Ròmànì 11:25

Ìi wònyànyàŋgò wa ami kòkò, na arza nanù ema e rzɔ̀ŋgìtɛ̀nɛ̀ eyà ema natɛ̀ɛ na nàŋgɛ tɔ̀ mòtò a rzi rzɔ̀ŋgìtɛ̀nɛ̀, aŋga nanù e rzi lùteyà nanù ema e òhvi lìhwiyè rzayi-rzayi. Nà arza nanù ema e rzɔ̀ŋgìtɛ̀nɛ̀ nanù ema, maniyà mà lòŋgò la hwatò hwa Irzàyɛ̀lì ma ò hwɛ natɛ̀ɛ na ò hwaŋga hwatò hwa arzɛ ema hwa rza enje wònyà Yudà ema hwa rza lòkɛ̀ hwa ò lòkɛ̀.

Ròmànì 15:14

Wònyàmòwe kòkò imba mbiti ò tɛ̀ɛ̀tɛ̀ɛ na hwi nanù ema inyɔ hwiti e òhvi mèèmà me gbamù ò lì gbeyà hweyà ema Lohwɛ̀ a arza nanù ema e gbeye, e rzɔ̀ŋgìtɛ̀nɛ̀ hweyà gbamù, ndeŋgànɛ̀lɛ̀ e tànɛyi lì àwòkòlɛ̀nɛ̀ mɔ̀kɔ na ɔ̀nɛyi.

Ròmànì 16:25

Inyɛ̀ i ŋgbe Lohwɛ̀ èluhwe èhwanja a òhvi màyìmbì ma lì ètìrzɛ̀ lìlòkɛ̀ la anyu. Ndeŋgànɛ̀lɛ̀ nanù ndi nà mà e òhweyà e hvònda ema nà mà e òhweyà Ŋmɛ̀ndì mò Gbamù mò ama Yerzù Krirztò. Mòŋgò Ŋmɛ̀ndì mò hwèlì ndi e jɔ̀kɛ̀ ema Lohwɛ̀ à mà ute natɛ̀ɛ na e hvònda kòòhwa, ema a rzi uŋmɛ̀lɛ̀ hwatò.

1 Kɔ̀rintìyà 11:4

Tɔ̀ ima mùnyanà ema a kànɛɛ tɔ̀ lì ohwa eyà ya Lohwà na moòhvo ema mo kumɛnɛhwɛyi, a enyìrzɛ̀ ndi Krirztò.

1 Kɔ̀rintìyà 12:28

Lohwɛ̀ à mà ŋgba hwatò hwehvɛhvɛ hwèwòlò ò tenì ya mìitelì. A ma loma lì ika lòŋgo la hwatò i Àpɔ̀rzìtòlò. O mburzà nanù, a hvɔ̀rzɔ̀ hvɛ hwà-òhwèlì hwa hwèlìŋgɛ̀. Ndèŋgana a e hvɔ̀rzɔ̀ hvɛ Hwà-òkòwèlì. Ndèŋgana a e hvɔ̀rzɔ̀ hwatò ema hwa gbeyà hweyà hwe mànyakà. Rzi a hvɔ̀rzɔ̀ hvɛ hwatò ema hwa òŋgòwàna hwanɛ̀yi hwatò. A ma hvɔ̀rzɔ̀ hwatò ema hwà mà hwɛnɛ lìhwiyè la lì tìmba hwahvɛhvɛ hwatò. Rzi a hvɔ̀rzɔ̀ hvɛ hwatò ema hwa ohwa ihvɛhvɛ mbɔrzi.

1 Kɔ̀rintìyà 13:1

Nà tànɛyi tɛ lì ohwa i mbɔrzi jarzɛ ja hwatò hwa hwènàmà anù rze na e jɔ jà i aŋgèlì rzìi na rzì ohve ndìŋgɛ e mbɔrzi ya amì è hwɛ ndi nàa èhwèlèlè ya mokèŋge ema e gbeyà mɔ̀tɔ̀wù mo ŋgundu, tɔ̀ ŋgɛ̀ŋgi e ma yo òkahwa.

1 Kɔ̀rintìyà 13:3

Nà tànɛyi tɛ lì ŋgbà hwatò hwema hwe ami hwe arzɛ ema na hwɛnì rzìi na hwɛ̀meyà hvɛ hwatò e nyo ya ami ema hwa è rzɛ̀lɛ̀ rzi na rzi uŋmɛ̀lɛ̀ hwatò e ndìŋgɛ. Ima gbamù ene eyà e no gbèeyà e?

1 Kɔ̀rintìyà 13:8

È ndìŋgɛ e rza kùwa. Ndi hweyohwèlì hwe ŋmɛ̀ndì mo ama Lohwɛ̀, hwe kùwa. Li ohwa la ihvɛhvɛ mbɔrzi lì ohvɛ lì kùwa. È hwɛ ndi lìhwiyè, lɔhvɛ lì kùwà.

1 Kɔ̀rintìyà 14:29

È hwèlì tɛ ema hwatò hwàhwàkɛ̀ tɔ̀ Hwàyàwò hwa ohwa tɛ ŋmɛ̀ndì mo ama Lohwɛ̀, inyɛ hwanɛ̀yi hwatò hwa arzɛ hwa okànèyà kɔ̀yi-kɔ̀yi, o lì hwiya ŋga mamɛ ema hwa ohwà e hvomɛ̀nɛ̀yi.

1 Kɔ̀rintìyà 14:39

O èŋgànɛ̀lɛ̀, wònyànyàŋgò hwa ami, e hwɛnɛ̀ e nyɔ̀ŋgi ya lì ohwà ŋmɛ̀ndì mò ama Lohwɛ̀, ndèŋgànà e rzi aya hwahvɛhvɛ hwatò ò lì ohwà là ihvɛhvɛ mbɔrzi.

1 Kɔ̀rintìyà 14:4

È mòtò ema à ohwa ihvɛhvɛ mbɔrzi, a àyètìrzɛ̀ ndi mɔ̀ ŋmìti. Ndì è mɔ̀ ema à ohwa ŋmɛ̀ndì mo ama Lohwɛ̀, à ètìrzɛ̀ ndi wolìya wo mitèlì me àrzɛ.

1 Kɔ̀rintìyà 15:51

È okànèyà na e ohweyà hweyà ema hwatò hwa rza hwiyɛ. Irzɔ hwa arzɛ i rza o ŋwa, ndi Lohwɛ̀ a jo tikowa i rzɔ hwa arzɛ

1 Kɔ̀rintìyà 16:22

Tɔ̀ jɛ̀ɛ̀ ema à rza lìŋgànɛ Rzàŋgo èwoma e hwɛ na mɔ̀. Rzàŋgo wa arzu, jà!

1 Kɔ̀rintìyà 4:1

È aŋgàmɛ̀nɛ̀yi lì jo lùtèyà nàa hwàgbèèlì hwa ama Krirztò, ema Mɔ̀ a ikayi o lì telɛlɛ hwatò e wùndɛ̀ ya ama Lohwɛ̀ ya jɔ̀kɛ̀ ema e utami.

1 Kɔ̀rintìyà 7:19

O lì endàhwa o rza uŋmɛ̀lɛ̀ tɔ̀ eyà, o rza endàhwì hvɛ tɛ o rza uŋmɛ̀lɛ̀ tɔ̀ eyà. Èya ema e hwèlì wòlìtò e hwèlì ndi o lì ika i mbenda ja ama Lohwɛ̀.

1 Kɔ̀rintìyà 8:4

O èŋgànɛ̀lɛ̀, inyɛ na ohwe lì hvomɛ̀nɛ̀ lì làa la mòlelì ema mo ŋgbàahwì nàa jàhwèyà o hwèrzùmbu. Irzɔ hwa arzɛ i hwi nà è jɔ̀kɛ̀ nanù ema, hweŋge hwèrzùmbu hwe rza enje ndi Lohwɛ̀, ndeŋga nanù hvɛ ema, ò rza enje lìhvɛ̀hvɛ̀ Lohwà lì aka tɛ Lohwà lɔ̀kɔ lìti mɛnɛ.

2 Kɔ̀rintìyà 12:11

Nà ohwa ndi nàa èèti ya mòtò ndi inyɔ ndi e gbèyi ɔ̀ndeŋgàtɛ̀ na ohwa nanù. Oma inyɔ e ohwa ndi hweyà hwe gbamù o lì no hvomɛ̀nɛ̀. Tɔ̀ e hwɛ ndi nanù ema na rza enje tɔ̀ yoma, ndi hwatò ema inyɔ e hwɛlɛ i àpɔ̀rzìtòlò ndɛnɛ, i rza no akani tɔ̀ eyà.

Gàletìyà 5:16

Mamɛ ema na ohwa e hwèlì ndi ema, inyɛ Èlìŋgɛ̀ ya ama Lohwɛ̀ e kànèyà mòŋgɛ ma anyu. Ène ye e gbeyà ema e rza gbeyà hweyà hwe wòhwe na oma e nyàmà nyo e arza.

Gàletìyà 5:22

Ndi Èlìŋgɛ̀ yà Wòtani e hwèlì tɛ o tenì yà mòtò, e mò gbeyà nanù ema a gbèyè hweyà na e ndìŋgɛ, na mɔ̀nyɛ̀ŋgì, na ɛ̀yɔ̀lɛ̀, na la àjùlɛ̀nɛ̀, na ŋmèma mo gbàamù, na ɛ̀ɛ̀mɛ̀ ya gbamù, a hwɛ hvɛ ndi mòtò ema hwatò hwa tànɛyi lì ika mèèmà me awu.

Gàletìyà 6:3

Tɔ̀ ima mòtò ema a lùtèyà nanù ema mɔ̀ ndi à hveti, a à lukɛlɛ ndi mɔ̀ ŋmìti. Èŋge tumba mòtò e rza enje tɔ̀ mòtò.

Ɛ̀hvìrzìyà 3:4

È laŋgi tɛ hweyà ema nà mà tìlɛ̀, è ò àyèmbɛ̀ lì rzɔ̀ŋgìtɛ̀nɛ̀ là ami ò hweyà ema natɛ̀ɛ nà naŋgɛ tɔ̀ mòtò tɔ̀ mɔ̀kɔ à rzi rzɔ̀ŋgìtɛ̀nɛ̀ lì hvomɛ̀nɛ̀ Krirztò.

Ɛ̀hvìrzìyà 6:19

È no kànɛ̀lɛlɛ imba hvɛ, ema tɔ̀ ima hvonda ema na ohwa Èya ya ama Krirztò, Lohwɛ̀ a no ŋgba e mbɔrzi ema e hvomɛ̀nɛ̀yi. Aŋga nanù, na o tànɛyi lì ohweyà hwatò Ŋmɛ̀ndì mò Gbamù ema hwa rza rzɔ̀ŋgìtɛ̀nɛ̀ e rzìi hwɛ lì oka tɔ̀ wɔ̀ŋgɔ̀.

Kòlòrzìyà 1:26

Ò mòlòmɛ̀ ŋmɛ̀ndì mò eni mò mà hwɛ ndi eyà ema hwatò hwa rzi rzɔ̀ŋgìtɛ̀nɛ̀, ndi ò nàŋgɛ mɔ̀ à mà gbeyà hwatò wà eni ò lì mò hwiya.

1 Tìmotì 3:16

Lohwɛ̀ à mà jo gbeyà o lì hwiya nanù ema ŋmɛ̀ndì mo eni mo hwɛni wòlìto rzayi-rzayi. Nànù ndi mo hwèlì: Krirztò à mà jà, ndèŋgàna mɔ̀ à mà hwɛ ndi mòtò wa hwènàmà, Èlìŋgɛ̀ yà Wòtani e ma jo uŋmɛ̀lɛ̀ nanù ema a hwèlì ndi è Ŋmanà wà Mùnyanà wa ama Lohwɛ̀, ndeŋgànɛ̀lɛ̀ i aŋgèlì i ma mo ɛnɛ. Hwà mà ohweyà hwatò hwa arzɛ hwa ene rze ya mɔ̀nyɛ̀ ndèŋgànɛ̀lɛ̀ hwà mà mo lòkɛ̀. Lohwɛ̀ à mà mo hvùmùlɛ̀, à mà ɛndɛ o ŋmanyu ya Lohwà o tenì ya ŋmàye.

1 Yòwanìrzɛ̀ 4:8

Tɔ̀ ima mòtò ema à rza lìŋgànɛ hwatò nanù oma à rza hwi Lohwɛ̀, ehwànja tɔ̀ mamɛ ema Lohwɛ̀ à gbeyà à uŋmɛ̀lɛ̀ è ndìŋgɛ ema à hwɛ̀nèlì hwatò.