1 Kɔ̀rintìyà 13:12 - Mokpwe: Bakwery (New Testament)

¹² Mamɛ ema jɛ̀ɛ̀ ɛnɛ̀ naŋgɛ̀ e hwèlì ndi nàa lìmbaki ndi o mburzà hvonda ja o ɛnɛ Lohwɛ̀ wòrzo na wòrzo. Tɔ̀ naŋgɛ nanù, imba na rza rzɔ̀ŋgìtɛ̀nɛ̀ Lohwɛ̀ kɔ̀yi-kɔ̀yi, Ndi o e hvonda ema e o jɛ̀ɛ̀, na o mo rzɔ̀ŋgìtɛ̀nɛ̀ na oma mɔhvɛ a no rzɔ̀ŋgìtɛ̀nɛ̀ kɔ̀yi-kɔ̀yi.

1 Kɔ̀rintìyà 13:12 Mawu Ofanana

Matiyò 18:10

“È aŋgòwe rzɔ nanù ema e rzi ndinda tɔ̀ mɔ̀kɔ hwa hwànù hwarzàlì. Nà e òhweyà nanù ema i aŋgèlì ema i hwa ɔŋgeya i hwèlì ò wòrzò wò ama Tatɛ̀ wa ami ema a hwèlì ò ŋmanyu yà lohwà.

Matiyò 5:8

Mònàmɛ̀ nà hwatò ema hwa rzàŋgi mèèmà, èhwanja wɔ̀ hwa ò ɛnɛ Lohwɛ̀.

Yòwanìrzɛ̀ 10:15

Nànù mɛnɛ ndi Tatɛ̀ wa ami a nò hwi, ndèŋgàna imba hvɛ na mò hwi. O èŋgànɛ̀lɛ̀ rzɔ na wòŋgìrzɛ̀nɛ̀yi ò lì ŋwèeyà mɛ̀lɛ̀ŋgù me ami.

Ròmànì 8:18

Imba na ɛni nanù ema mètàkà ema jò ò luwa nàŋgɛ me rza enje tɔ̀ eyà nàa èluhwe ema hwa ò jò uŋmɛ̀lɛ̀hwɛ ò e hvònda ema e ò jɛ̀ɛ̀.

1 Kɔ̀rintìyà 13:11

È hvonda nà mà hwɛ ŋmanà, nà mà ohwa ndi nàa ŋmàna, màlùtèyà ma ami ma mà hwɛ ndi nàà mà ŋmanà ndèŋgàna nà mà lùtèyà ndi nàa ŋmanà. Nàŋgɛ rzɔ ema nà mà kòkɛ nà mà hwɛmɛ hweyà hwe àrzɛ hwe ŋmanà.

1 Kɔ̀rintìyà 8:3

Ndi tɔ̀ ima mòtò ema a lìŋgàni Lohwɛ̀, òŋgo mòtò ndi Lohwɛ̀ a hwi.

2 Kɔ̀rintìyà 3:18

Irzɔ ema Lohwɛ̀ à mà ulɛ lìhwatu ema lì ma jo hwanda marzo, ɛ̀ɛ̀mɛ̀ ya arzu e ma gbèeyà ema hwatò hwa hwiye nɛ èluhwe ya ama Lohwɛ̀ e hwèlì. Wɔ̀ hwà mà ɛnɛ nanù ema i hwèlì ndi hwatò ema i gbèeyà hweyà na oma Lohwɛ̀ a àrzeyà. Èlìŋgɛ̀ ya wòtani e jo tikowa ndi i hvonda ja arzɛ o lì hwɛ nàa Yerzù, aŋga nanù hwatò hwa ɛnɛ nɛ mɔ̀ à imbami. Rzàŋgo, mɔ̀ ema a hwèlì ndi Èlìŋgɛ̀ mɔ̀ ndi à gbeyà hwene hweyà hwe arzɛ.

2 Kɔ̀rintìyà 5:7

Irzɔ i hwèlì o lòŋgɛ na nyo ja arzu èhwanja i mo lòkɛ̀ ndi rzeketɛ ema i mo ɛnɛ.

Hvìlipìyà 3:12

Nà rza ohwa nanù ema nà mà màa lì gbeyà hwene hweyà hwe arzɛ, tɔ̀ nanù ema nà mà màa lì tɛmi ehve-ehve o hweyà hwe arzɛ. Ndi na hwèlì lì keka o lì hwɛ e nyayi ya mòtò ema Yerzù Krirztò à mà arza ema na hwɛ e hvonda ema à mà no hvɔ̀rzè.

Jèmìrzì 1:23

Tɔ njɛnɛ ema a hweyi eyà ya Lohwà rzìi a rzi gbeye mamɛ ema eyà ya Lohwà e ohwa, a hwèlì ndi nàa mòtò ema a ɔŋgɔ worzo wo eni o lìyɛ̀nì.

1 Yòwanìrzɛ̀ 3:2

Wònyàmòwe kòkò, o naŋgɛ nanù irzɔ i hwèlì ndi hwàanà hwa ama Lohwɛ̀, ndèŋgànɛlɛ hvɛ mamɛ ema irzɔ jo ò hwɛ o e ŋmɛlɛ irzɔ i rzi e hwi. Ndì i hwi hvɛ nanù ema Krirztò a jelì tɛ, irzɔ jo ò hwɛ ndi nàa mɔ̀, ehwànja i hwɛni lì mo ɛnɛ na oma mɔ̀ à hwèlì.

Hwèwulùwèlì 22:4

Hwa o ɛnɛ Lohwɛ̀ worzo na worzo ndèŋgànɛ̀lɛ̀ lìinà la eni lì o hwɛ o imbɔ̀mbɔ ja awu ja meyohvo.