1 Kɔ̀rintìyà 12:6 - Mokpwe: Bakwery (New Testament)

⁶ O hwèlì nyayi na nyayi ja ŋgàna o lì gbeyà hwèwòlò hwe ama Lohwɛ̀ ndi molemilemi mo Lohwɛ̀ mɔ̀ndi à jo ŋgba e ŋgilì ya lì hwe gbeyà.

1 Kɔ̀rintìyà 12:6 Mawu Ofanana

Yòwanìrzɛ̀ 5:17

Yerzù rzìi a hwa alàhwɛ̀ nanù ema, “Tatɛ̀ wa ami a gbeyà èwòlò hvònda tɛ, imbahvɛ na àŋgàmɛ̀nɛ̀yi lì gbeyà èwòlò.”

1 Kɔ̀rintìyà 12:11

Èlìŋgɛ̀ yɔ̀kɔ mɛnɛ ndi e gbeyà hwenè hwèwòlò hwe arzɛ, o màlùtèyà ma eni a lìŋgàna lì ŋgbàà tɔ̀ njɛnɛ è la eni lì ahweyà.

1 Kɔ̀rintìyà 12:5

O hwèlì hvɛ nyayi na nyayi ja ŋgàna o lì gbeyà e Rzàŋgo ndi, molemilemi mo Lohwà ndi i gbèeyà.

1 Kɔ̀rintìyà 15:28

È hvonda ema hweyà hwe arzɛ, hwe ikahwa o rze ya lìkànèyà la ama Krirztò, rzìi mɔ̀ e ŋmana wa Lohwɛ̀ a hwɛ o rze ya ama Lohwɛ̀. Lohwɛ̀ mɔ̀ndi à ikayi hweyà hwe arzɛ o rze ya eni, aŋga nanù, mɔ̀ ŋmìti a kànèyà hweyà hwe arzɛ ŋgelì hvɔ̀kɔ, o i ŋgelì ja arzɛ.

1 Kɔ̀rintìyà 3:7

È mɔ̀ ema a oni e hvɔ̀ŋgɔ̀, tɔ̀ e mɔ̀ hvɛ ema a e hvahvi malìhwa hwà rza ohvi wòlìtò. Lohwɛ̀ ndi à hwèlì wòlìtò, èhwanja Mɔ̀ ndi à gbeyà ema e hvɔ̀ŋgɔ̀ yo òŋge.

Ɛ̀hvìrzìyà 4:6

Lohwɛ̀ lɔ̀kɔ̀ ndi irzɔ hwa arzɛ i gbèeyà ndèŋgàna mɔ̀ ndi à hwèlì Tatɛ̀ hwa irzɔ hwa arzɛ. Mɔ̀ ndi à jo kànèyà irzɔ hwa arzɛ. À jò gbeyà irzɔ hwa arzɛ ò lì gbèeyà tɔ̀ mamɛ ema à arza nanù ema i gbeye, ndèŋgànà mɔ̀ à hwèlì ò tenì yà irzɔ hwa arzɛ nà èlìŋgɛ̀ yà eni yà arzɛ.

Hvìlipìyà 2:13

Inyɛ̀ e gbeye nanù, ehwànja Lohwɛ̀ a hwèlì na inyɔ o ihvonda ja arzɛ, aŋga nanù e o ohva mèèmà o lì gbeyà hweyà hwe gbamù ema mɔ̀ à arza nanù ema e gbeye, ndèŋgànɛ̀lɛ̀ e hwe gbèyi.

Kòlòrzìyà 1:29

Ò lì gbeyà ene èwòlò, imba nà atàkìrzɛ̀ rzàyi-rzàyi ò lì è gbeyà, è ŋginyà yà ama Krirztò ema è hwèlì ò tenì yà ami yɔ̀ ndi è nò ŋgba è ŋginyà è mà nà atàkìrzɛ̀nɛ̀.

Kòlòrzìyà 3:11

ò rza enje hwèkàkòwèlì ò hwatò hwa wònyà Yudà nà hwatò ema hwa rza enje wònyà Yudà, tɔ̀ mòtò ema à endàhwì tɔ̀ è mɔ̀ ema à rza endàhwɛ̀. Ò rza enje hwèkakòwèlì ŋga mòtò à hwèlì ndi ŋmɛ̀nì tɔ̀ mòtò wà hwaŋga tɔ̀ mòtò wà wònja. Krirztò ndi à hwèlì hweyà hwe arzɛ, ndèŋgànɛlɛ à hwèlì ò tenì yà inyɔ hwa arzɛ.

Hibrù 13:21

Imba nà kanɛ̀ nanù ema Lohwɛ̀ à yè gbèèyè ò lì wòŋgìrzɛ̀nɛ̀ ò lì gbeyà hweyà hwe arzɛ ema mɔ̀ à arza nanù ema è gbèèyè ndeŋgànɛ̀lɛ̀ è ohve è nyɔ̀ŋgi yà lì gbeyà hweyà ema hwe hvomɛ̀nɛ̀. Yerzù à hwèlì à è oŋgowàna ò lì gbeyà hweyà ema hwe lìŋgìrzɛ Lohwɛ̀. Èluhwe è hwɛ nà Yerzù Krirztò ò gbìndèyà nà ò gbìndèyà. Inyɛ̀ wò lìya nanù.