1 Kɔ̀rintìyà 12:4 - Mokpwe: Bakwery (New Testament)

⁴ O hwèlì nyayi na nyayi ja màahweyà ndi molemilemi mo Èlìŋgɛ̀ mɔ̀ndi mo ma ŋgbaà ma arzɛ.

1 Kɔ̀rintìyà 12:4 Mawu Ofanana

1 Kɔ̀rintìyà 12:1

Ìi wònyàmowe, lì hvomɛ̀nɛ̀ mamɛ ema inyɔ e ma tile o lì hvomɛ̀nɛ̀ màahweyà ema mà uwɛ̀lɛ̀lɛ̀yi na Èlìŋgɛ̀ yà Wòtani, imba na rza arza ema inyɔ e hwiye e jɔ̀kɛ̀ lì hvomɛ̀nɛ̀ maŋga màhwèyà.

1 Kɔ̀rintìyà 12:28

Lohwɛ̀ à mà ŋgba hwatò hwehvɛhvɛ hwèwòlò ò tenì ya mìitelì. A ma loma lì ika lòŋgo la hwatò i Àpɔ̀rzìtòlò. O mburzà nanù, a hvɔ̀rzɔ̀ hvɛ hwà-òhwèlì hwa hwèlìŋgɛ̀. Ndèŋgana a e hvɔ̀rzɔ̀ hvɛ Hwà-òkòwèlì. Ndèŋgana a e hvɔ̀rzɔ̀ hwatò ema hwa gbeyà hweyà hwe mànyakà. Rzi a hvɔ̀rzɔ̀ hvɛ hwatò ema hwa òŋgòwàna hwanɛ̀yi hwatò. A ma hvɔ̀rzɔ̀ hwatò ema hwà mà hwɛnɛ lìhwiyè la lì tìmba hwahvɛhvɛ hwatò. Rzi a hvɔ̀rzɔ̀ hvɛ hwatò ema hwa ohwa ihvɛhvɛ mbɔrzi.

1 Kɔ̀rintìyà 12:5

O hwèlì hvɛ nyayi na nyayi ja ŋgàna o lì gbeyà e Rzàŋgo ndi, molemilemi mo Lohwà ndi i gbèeyà.

1 Kɔ̀rintìyà 7:7

Nà lìŋgànì nanù ema inyɔ hwa arzɛ e hwɛ ndi nàa imba ema na rza hwàayi. Ndi tɔ̀ ima mòtò a ohvi e ja eni jàhwèyà, ema Lohwɛ̀ a mo ŋgbelì, mɔ̀kɔ a ohvi e nyìrzɛ̀ ya lìhwà, ɔ̀nɛyi mɔ̀hvɛ a rza ohvi.

Ɛ̀hvìrzìyà 4:11

Mɔ̀ ndi à ŋgbàa hwatò màahweyà. A ma gbeyà lòŋgo la hwatò ò lì hwɛ i àpɔ̀rzìtòlò, lòŋgo hwà-òhwèlì hwa hwèlìŋgɛ̀, lòŋgo hwa-ɛndɛ̀nàmɛ̀ɛndi, lòŋgo hwàtìmbèlì hwa hwatò ema hwa lòkɛ̀yi, ndèŋgàna à mà gbèeyà lòŋgo hwà-òkòlèlì o lì okòlɛ̀ hwatò ema hwa lòkɛ̀.

Hibrù 2:4

Lohwɛ̀ mɔ̀ ŋmìti hvɛ à mà uŋmɛ̀lɛ̀ nanù ema hwene hweyà hwe hwèlì ndi e jɔ̀kɛ̀ na oma à mà gbeyàna hwahvɛhvɛ hwatò ò lì uŋmɛ̀lɛ̀ hwatò hwèmɛ̀nɛ̀nì na hwèèmbànèlì hwe mànyàka. Mɔ̀ à mà uŋmɛ̀lɛ̀ hvɛ na hweyà ema hwatò hwà mà hwɛ lì gbeyà lì akeyà na màyìmbi ma Èlìŋgɛ̀ yà Wòtani ema Lohwɛ̀ à mà hwa ŋgbe. Lohwɛ̀ à mà ŋgba hwatò Èlìŋgɛ̀ yà Wòtani na oma mɔ̀ à mà lìŋgàne.

1 Pètrò 4:10

È hwɛ hwàgbèèlì hwa gbamù ndèŋgànɛ̀lɛ̀ e gbeyàne màahweyà ma anyu o lì oŋgowàna mɔ̀kɔ na ɔ̀nɛyi.