1 Kɔ̀rintìyà 11:34 - Mokpwe: Bakwery (New Testament)

³⁴ Tɔ̀ ima mòtò ema a hweyàa e njàwò, a lee o ndawò ya eni aŋga nanù a rza gbeyà eyà ema Lohwɛ̀ a e kàyìrzɛ̀ e arzàŋganɛ tɛ. Ndi lì hvomɛ̀nɛ̀ hwenɛyi hweyà, na jelì tɛ na e ohweyà nɛ e hwɛnì lì hwe gbèeyà.

1 Kɔ̀rintìyà 11:34 Mawu Ofanana

1 Kɔ̀rintìyà 11:33

O èŋgànɛ̀lɛ̀ hwa ŋmanyàŋgò wa ami, e arzàŋganɛ tɛ o lì làa lì laa la rzaŋgo, e ambɛlɛlɛ mɔ̀kɔ na ɔ̀nɛyi.

1 Kɔ̀rintìyà 16:1

Nàŋgɛ nanù, inyɛ nɛ ohweyà lì hvomɛ̀nɛ̀ wolì ema e ma rzaŋge o lì òŋgòwàna hwatò hwa Lohwɛ̀. Nà oma nà mà òhwèyà ŋmèmba mo hwatò hwa Gàlerzìyà ema hwa gbeye inyɔ hvɛ e hwɛnì ndi lì gbeyà nanù mɛnɛ.

1 Kɔ̀rintìyà 16:2

Tɔ̀ ima eyu ya Màrzo Lìrzàmba tɔ̀ ima mɔ̀ wa anyu a ulɛ ŋmanà wolì a ute. Wono wolì wo hwɛ ndi o mamɛ ema tɔ̀ ima mòtò a lu. È gbèyi tɛ nanù o rza hwɛ hvɛ mòrzàŋgèlì mo wòlì nà jelì tɛ.

1 Kɔ̀rintìyà 16:5

Imba na jà o lì ehvɛhvɛ e hvonda ema na kulɛ o lì akeyà o erzòòkà ya Màrzèdonìyà èhwanja imba na ikayi o ŋmèma ema na akeyà ndi èŋge èhvarzù ya Màrzèdonìyà.

1 Kɔ̀rintìyà 4:17

Ène ŋgàna ndeŋgatɛ imba, na e omeya Tìmòtì. Mɔ̀ ema a hwèlì ndi nàa e ŋmanà wa ami, wa ndìŋgɛ ya màlìŋgò o lìnà la ama Rzàŋgo. Mɔ̀ a gbeyà ndi mamɛ ya arzɛ ema e hwɛnì lì gbeyàhwa. Mɔ̀ a e ɔ̀ŋgɛ̀lɛ̀nɛ hwɛ̀ɛndèli hwe ami, hwe lòŋgɛ là ami na Yerzù Krirztò. Èŋge tumba lòŋgɛ e ɛ̀ndɛ̀nèlì na mamɛ ema imba na okolɛ̀ o ndawò ja mitelì.

1 Kɔ̀rintìyà 4:19

Ndi na o jà, na akɛlɛ hvɛ lì jà, e hwèlì tɛ nanù ema Rzàŋgo a emelì. Nà jelì tɛ o ma nà mà hwiya mamɛ hwanù hwatò hwa kumba hwa gbeyàna e jɔ̀kɛ̀ ndèŋgàna na hwiya hvɛ ŋga hwa gbeyàna ndi e ŋginyà ema e uwɛ̀lɛ̀lɛ̀yi na Lohwɛ̀, ŋga hwa kɛ ndi wàna ja ŋgundu.

1 Kɔ̀rintìyà 7:17

Tɔ̀ ima mɔ̀ hwa arzu, a lìiya hvɛ ndi o hwètɛ̀yìrzèlèlì hwe ama Rzàŋgo Yerzù na oma i ma hwɛ, o lìrzako ema Lohwɛ̀ a mà lome lì jo hwɛ̀lɛ. Èya ya ami ene ema imba na okolɛ̀ o mìitelì me arzɛ.

Tàyìtùrzì 1:5

Ìi Tàyìtùrzì, nà mà ò lììya ò mbowà yà Krɛ̀tɛ aŋga nanù ò wà ò tànɛ lì tɛ̀yirzɛ mamɛ ema è rzi kulɛ̀hwɛ ò lì gbeyàhwa, ndèŋganɛlɛ ò lì hvɔ̀rzɔ̀ hwàtìmbèlì hwa mèèmbà ò tɔ̀ ima mbowà. Ò rzi hvoŋga ò lì gbeyà nà oma imba nà mà ò ohweyà ò lì gbeyà.