1 Kɔ̀rintìyà 11:2 - Mokpwe: Bakwery (New Testament)

² I wònyàmowe, imba na e èki rzayì-rzayì nanù ema inyɔ e no ika o màlùtèyà ma anyu i hvonda ja arzɛ rzìi e nɔ̀ŋgɔ hvɛ hwèyòkòwèlì hwe ama Krirztò na oma imba hvɛ nà mà e okolɛ̀.

1 Kɔ̀rintìyà 11:2 Mawu Ofanana

Lukàrzɛ̀ 1:6

Lòŋgɛ là ama Rzàkàriyà nà Èlìrzabɛ̀tì lì mà hwɛ gbamù ò wòrzò wò ama Lohwɛ̀. Wɔ̀ hwa mà ika imbenda ja ama e Rzàŋgò ndèŋgàna wɔ̀ hwa mà gbeyà mamɛ ema è ma lɔ̀wu.

1 Kɔ̀rintìyà 11:17

O naŋgɛ na ohwi tɛ hwènɛ̀ɛ̀yi hweyà ema na hwɛnì lì e ohweyà, na rza tanɛ lì e eka, èhwanja e ndoŋgamɛni ya anyu ya lì aùŋmanɛ o lì kanɛ̀ Lohwà e gbeyà inyɔ e gbeyà wòhwe lì aka gbamù.

1 Kɔ̀rintìyà 11:22

È rza ohvi ma ndawò ma anyu o lì laa na lì nyɔ̀èya e? Ŋga e arza ndi lì enyìrzɛ̀ miitelì me ama Lohwà, na lì enyìrzɛ̀ hwaŋga hwatò ema hwa rza ohva mòlelì e? Mamɛ e arza ema imba na e ohweyà lì hvomɛ̀nɛ̀ ene eyà e? È arza ema na e eke e? Nà rza tànɛyi lì e eka!

1 Kɔ̀rintìyà 15:2

È o rzùŋgàhwà nà ŋmɛ̀ndì mò gbamù, e hwèlì tɛ ema, e mo lɛmbi kɔ̀yi-kɔ̀yi, e rza enje tɛ nanù oma lìlòkɛ̀ la anyu na Krirztò lì hwèlì ndi ŋgundu.

1 Kɔ̀rintìyà 4:17

Ène ŋgàna ndeŋgatɛ imba, na e omeya Tìmòtì. Mɔ̀ ema a hwèlì ndi nàa e ŋmanà wa ami, wa ndìŋgɛ ya màlìŋgò o lìnà la ama Rzàŋgo. Mɔ̀ a gbeyà ndi mamɛ ya arzɛ ema e hwɛnì lì gbeyàhwa. Mɔ̀ a e ɔ̀ŋgɛ̀lɛ̀nɛ hwɛ̀ɛndèli hwe ami, hwe lòŋgɛ là ami na Yerzù Krirztò. Èŋge tumba lòŋgɛ e ɛ̀ndɛ̀nèlì na mamɛ ema imba na okolɛ̀ o ndawò ja mitelì.

1 Kɔ̀rintìyà 7:17

Tɔ̀ ima mɔ̀ hwa arzu, a lìiya hvɛ ndi o hwètɛ̀yìrzèlèlì hwe ama Rzàŋgo Yerzù na oma i ma hwɛ, o lìrzako ema Lohwɛ̀ a mà lome lì jo hwɛ̀lɛ. Èya ya ami ene ema imba na okolɛ̀ o mìitelì me arzɛ.

1 Tɛ̀rzàlonìyà 1:6

Ò inyɔ è mà oŋgama ɛ̀ɛ̀mɛ̀ yà gbamù ema ì mà hwɛ̀nɛ̀ ndèŋgànɛ̀lɛ̀ inyɔ è mà oŋgama ɛ̀ɛ̀mɛ̀ yà ama è Rzàŋgo. Èlìŋgɛ̀ yà wòtani è mà è gbeyà ò lì oka mɔ̀nyɛ̀ŋgì nà oma è mà lùwè ŋmɛ̀ndì mò gbamù ema ì mà è jàneyà.

1 Tɛ̀rzàlonìyà 3:6

Ndi o nàŋgɛ nanù Tìmòtì ema à mà jà lì ehvɛhvɛ à mà jo timbeya, mɔ̀ à jo jànelì ŋmɛ̀ndì mò gbamù nanù ema, inyɔ e lòkɛ̀ Krirztò nanù mɛnɛ ndèŋgànɛ̀lɛ̀ inyɔ e alìŋgànɛ mɔ̀kɔ na ɔ̀nɛyi nanù mɛnɛ. A ma jo òhweyà hvɛ nanù ema e jo ohvanì mɔ̀ŋgɛ̀lɛ̀ ma gbamù, ndèŋgànɛ̀lɛ̀ e okelì hvɛ o lì jo ɛnɛ nyayi hvɔ̀kɔ mɛnɛ na oma irzɔ hvɛ ja okeya o lì e ɛnɛ.

2 Tɛ̀rzàlonìyà 2:15

Ò eŋgànɛlɛ rzɔ, ìi wònyàmòwe kòkò, è àyètìrzɛ̀nɛ̀ ò lì oŋgàma hwèyòkòlèlì ema irzɔ i lùù ndèŋgàna jè è okòlɛ. Irzɔ ì mà hwɛ lì è okòlɛ̀ ò hwèohwèlì hwe ŋmɛ̀ndì mò gbamù nà ò lì è tìleyà ò kààti.

2 Tɛ̀rzàlonìyà 3:6

Ìi wònyàmòwe kòkò, o lìna la ama Rzàŋgo wa arzu Yerzù Krirztò je e kànèyà o lì ahvɔ̀tɛ o mondeŋge mo hwàlòkèlì ema mo hwèlì rzìŋgà ndèŋgànɛ̀lɛ̀ ema hwa rza lìya lì hvomɛ̀nɛ̀ hwèokòlelì ema inyɔ e ma jo luwàne.