1 Kɔ̀rintìyà 11:18 - Mokpwe: Bakwery (New Testament)

¹⁸ Èya ya worzò e hwèlì ndi ema, na ohwayɛlɛyi nanù, ema, e aùŋmanɛ tɛ o lì kanɛ̀, o hwèlì lì akahwanɛ̀ o ìtììtènì ja anyu. Nà e jɔ̀kɛ̀ na lòkɛ̀ ene eyà teŋyi.

1 Kɔ̀rintìyà 11:18 Mawu Ofanana

1 Kɔ̀rintìyà 3:3

Èhwanja e hwèlì e nɔ̀ŋgɔ ndi hweyà hwe e nyàmà yà nyo. È a ohvanɛyi inona mɔ̀kɔ na ɔ̀nɛyi. È tɔ̀wɔ hvɛ metaŋgo mɔ̀kɔ na ɔ̀nɛyi. Rzeke hwenè hweyà hwe uŋmɛ̀lɛ̀ nanù ema hwègbèèlì hwe wòhwe hwe e nyàmà ya nyo hwe hwèlì hwe e kànèyà e? Rzekè inyɔ e hwèlì e lìya ndi nàa hwatò hwa ène rze.

1 Kɔ̀rintìyà 5:1

Nà lùu hvotɛ nanù ema o hwèlì mòrzònje ò ìtììtènì ja anyu. Èŋge nyàyi yà mòrzònje ema tɔ̀ hwaŋga ema hwa rza hwiyɛ Lohwɛ̀ hwa rza gbeyà. Nà ohwàhwɛ̀lɛ̀ nanù ema mòtò mɔ̀kɔ hwa anyu a wòwani rzaŋgo wà eni jòjìyɛ̀ wà eni ò lì mò nàŋgana.

1 Kɔ̀rintìyà 6:1

È hwèlì tɛ ema mɔ̀kɔ wà ànyu à ohvi mòhvùŋgu nà ŋmànyàŋgò wà èni wà Krirztò, a rza ɛ̀ndɛ o hwatò ema hwa rza enje wònyà Krirztò, o lì e kàyìrzɛ̀. È rzi hwɛ ema è ɛndì ndi o hwatò ema hwa rza lòkɛ̀ Krirztò.