1 Kɔ̀rintìyà 10:7 - Mokpwe: Bakwery (New Testament)

⁷ È rzì keka hvɛ tɔ̀ lìkanɛ̀lɛ̀lɛ̀ hwèrzùmbù na omà lòŋgò la awu hwà mà gbèye. È kààtì ya Lohwà e ohwi nanù ema, “hwaŋga hwatò hwà mà lìya o rze o lì làa na lì nyɔ o ndèma ema è ma tìmba ndi ya lì gbeyà hweyà hwe ndɔ̀ki o worzò wo erzumbu.”

1 Kɔ̀rintìyà 10:7 Mawu Ofanana

Hwègbèèlì 15:20

Eyà ema irzɔ i hwɛni ò lì gbeyà e hwèlì ndi ò lì hwa tìleyà kààtì nanù ema, hwa rzi làa tɔ̀ mòlèlì ema mò ŋgbààhwà nàa màhwèyà ò hwèrzùmbù èhwanja mòŋgò mòlèlì mò rza rzàŋgi, hwa kiye mòrzònje, hwa kìye ò lì làa hwèembè ema hwe ŋwelì mòtìmà, ndèŋgànɛ̀lɛ̀ hwa rzi laa hvɛ màyija.

1 Kɔ̀rintìyà 10:14

Ò èŋgànɛ̀lɛ̀ rzɔ wònyamòwè kòkò e rzi keka lì kànɛlɛlɛ hwèrzùmbu.

1 Kɔ̀rintìyà 5:11

È mòtò ema nà mà e tìleya nanù ema e rzi lata ŋmèmba na mɔ̀, a hwèlì ndi mòtò ema a ahwɛlɛ mɔ̀ ŋmìti e mòlòkèlì ndi à hwèlì ndɔ̀ki, njɔ̀ŋgu, a kànɛ̀lɛ̀lɛ̀ lòohwà là mòlàŋgà, a hwèlì mèhvìlì, a nyɔ mìimbà a woma tɔ̀ a hwèlì ndi ŋmìhwɛ̀. O rzi keka hvɛ tɔ̀ lì lìya o rze o lì làa tɔ̀ mòlelì na ene nyayi ya mòtò.

1 Kɔ̀rintìyà 6:9

Ò jɔ̀kɛ̀-jɔ̀kɛ̀ è hwi nanù ema hwatò ema hwa gbeyà wòhwe hwa rzà o hwɛ ò lìkànèyà là ama Lohwɛ̀. È rzà alùkɛ̀lɛ̀nɛ̀, hwaŋga hwatò ema hwa gbeyà mòrzònje. Hwàto ema hwa kanɛ̀ mòohwà ema mà wèkàhwì nà è mòto wà hwènàmà, hwatò hwa mòrzònje mò lìhwà, nà wunyanà ema hwa naŋgànà hwahvɛhvɛ wunyànà, hwanù hwatò hwa arzɛ hwa rza ò hwɛ ò Likànèyà là ama Lohwɛ̀.

1 Kɔ̀rintìyà 8:7

Ndi tɔ̀ nanù, rzeketɛ hwatò hwa arzɛ ndi hwa hwi ene jɔ̀kɛ̀. Lòŋgò la hwàlòkèlì hwa ama Krirztò ema hwà mà nyàmɛ̀lɛ lì kànɛ hwèrzùmbu, hwa hwèlì hwa lùtèyà natɛ̀ɛ na naŋgɛ ema hwa lelì tɛ iŋgi nyayi ja melelì, nanù oma wɔ̀ hwa hwèlì ndi o lì kànɛ hweŋga hwèrzùmbu. Mèemà me awu me rza imbami o èŋgànɛ̀lɛ̀ hwa ɔ̀ŋgɛ̀lɛ̀ ndi ema mòŋgo mòlelì mo ma hwa rzɔ̀kɔ̀.

1 Yòwanìrzɛ̀ 5:21

Ò eŋgànɛ̀lɛ rzɔ hwàànà hwa ami kòkò, è rza ohva tɔ̀ eyà ò lì gbeyànà mòohwà mà mòlàŋga.