1 Kɔ̀rintìyà 10:4 - Mokpwe: Bakwery (New Testament)

⁴ Hwa mà nyɔ hvɛ ndi malìhwa mɔ̀kɔ me èlìŋgɛ̀. Hwà mà nyɔ ndi malìhwa ema Lohwɛ̀ à mà gbeye ma mà wurza o èkɔ̀kɔ̀ ya lìŋyàyi. Èŋge èkɔ̀kɔ̀ ya lìŋyàyi e ma hwɛ na wɔ̀ o hwèki hwe arzɛ ema hwà mà ɛ̀ndɛ, e ma hwɛ ndi Krirztò ŋmitɛ-ŋmitɛ.

1 Kɔ̀rintìyà 10:4 Mawu Ofanana

Yòwanìrzɛ̀ 4:10

Yerzù rzìi a mò alàhwɛ̀ nanù ema, “O hwìiyàyì tɛ jàhwèyà ja ama Lohwɛ̀, rzìi ò hwiya hvɛ njɛnɛ ema a òhweyà à mà ò nò ŋgbe malìhwà mà lì nyɔ, ò ma ò wa ò nò ijò malìhwa. Ndèŋgàna ò ma imba na ò ŋgbèelì malìhwa ema mà ŋgba lòŋgɛ.”

Yòwanìrzɛ̀ 4:14

Ndi tɔ̀ njɛnɛ ema a nyɔ̀lì malìhwa ema imba na mò ŋgba, a rza ò hwɛnɛ ahwɛ̀nɛ̀ nyìrzɛ hvɛ. Maŋga malìhwa ema imba na mò ŋgba, ma hwɛ ndi ò tenì ya eni nàa itùŋgu ema i rza hwànja. Maŋga malìhwà mà mò ŋgba lòŋgɛ la gbìndèyà.”

Yòwanìrzɛ̀ 7:37

Wùnyà wò lìrzukù wò e ndèma ema wò ma hwɛ wùnyà wò menya wò ma uka. Yerzù à mà tɛ̀mɛ̀nɛ ò ŋmanyu rzìi a òhwa na lìlò lì karzami nanù ema, “Tɔ̀ ima mɔ̀ ema a hwèya e nyìrzɛ̀ ya malìhwa, a nò jèeya a nyɔ.

Gàletìyà 4:25

Haga à hwèlì ndi nàa yòòmbò ema Lohwɛ̀ à mà ààtɛ̀ nà Morzè ò hvàko yà Rzìnàyì ò èkòmè ya Arèbìyà. Hwatò hwa Jèrurzalɛ̀mù wɔ̀ hvɛ hwa gbèyi ndi nàa Haga èhwanja wɔ̀ hwa arzɛ hwa hwèlì ndi hwàkomè.

Kòlòrzìyà 2:17

Iŋgi mbenda jà arzɛ ì mà hwɛ ndi nàa èlìŋgɛ̀ ema è uŋmɛ̀lɛ̀ hwèèmà hwe gbamù ema Lohwɛ̀ à àŋgàmɛ̀nɛ̀yi lì oma. Ndeŋgànɛlɛ Krirztò ndi à ondìrzɛ̀ hweŋge hwèèmà hwe arzɛ.

Hibrù 10:1

Imbenda ema Lohwɛ̀ à mà ŋgbe wònyà Yudà, i rzi hwɛ tɔ̀ eyà lì ayèkɛnɛ̀ hweyà hwe gbamù ema hwe o jɛ̀ɛ̀ o worzo. Iŋgi mbenda i rza tanɛ lì jo uŋmɛ̀lɛ̀ nɛ hwèŋge hweyà hwe o hwɛ. Ŋma tɛ ipilìrzi i ŋgbà Lohwɛ̀ màahweyà. Nɛ rzɔ iŋgi tumba ja mbenda ema i ŋgbà iŋgi tumba ja màahweyà i tànɛyi lì gbeyà hwatò ema hwa kombɛnɛ Lohwɛ̀ o lì hwɛ wòtani e? I rza tànɛyi.

Hwèwulùwèlì 22:17

Èlìŋgɛ̀ ya ama Lohwɛ̀ nà Mɔ̀ɔmbì hwa ohwa nanù ema, “Jà.” Tɔ̀ njɛnɛ ema a hweyi ene eyà mɔ̀ hvɛ a ohwa nanù ema, “Jà.” Tɔ̀ njɛnɛ ema a hwɛni nyìrzɛ ya malìhwa inyɛ a jèe a nyɔ malìhwa emà mà gbeyà hwatò hwa hwɛ o lòŋgɛ natɛ̀ɛ na o gbìndèyà. Tɔ̀ njɛnɛ ema a arzi manù malìhwa à mà luwa ŋgundu.