1 Kɔ̀rintìyà 10:27 - Mokpwe: Bakwery (New Testament)

²⁷ O yohwɛhwɛ tɛ na mòtò ema à rza hwiyɛ Yerzù o lì làa mòlelì rzi o kàmanɛlɛ nanù ema ò ɛ̀ndɛ̀, làa tɔ̀ mamɛ ema e o rzèkahwɛlɛ e rzi hwɛ miijowelì lì hvomɛ̀nɛ̀ mòlelì, aŋga nanù o rza tàkirzɛ mèèmà mo aŋgɔ.

1 Kɔ̀rintìyà 10:27 Mawu Ofanana

Lukàrzɛ̀ 15:23

È ɛ̀ndɛ e jànè mònànì mò nyàkà. È òŋwe, ì gbèye ndèma, ja òkè mɔ̀nyɛ̀ŋgì.

Lukàrzɛ̀ 19:7

Hwatò hwa àrzɛ hwa mà ɛ̀nɛ nanù, rzìi hwa wòteya lì arzàrzòhwɛ̀ nanù ema, “Yerzù à ɛ̀ndi ndi lì kpèeyà ò ndawò yà àma è mòtò wà wòhwɛ.”

1 Kɔ̀rintìyà 10:25

È hwɛnì wònja o lì làa tɔ̀ mamɛ ema ya ahwìrzɛ̀hwɛ o e lùwa e rzi hwɛ lì ijòwa mìijowelì ema me o jàneyà mètàkìrzɛ̀nɛ o ŋmèma, lì hvomɛ̀nɛ̀ mamɛ o andi.

2 Kɔ̀rintìyà 1:13

Mamɛ ya arzɛ ema je e tilelì, e hwèlì ndi mamɛ e tànɛyi lì laŋga nà lì rzɔ̀ŋgìtɛ̀nɛ̀. Nà àhvìtɛ̀ ema e rzɔ̀ŋgìtɛ̀nɛ̀ hwenè hweyà hwe arzɛ i hvonda ja arzɛ.

2 Kɔ̀rintìyà 4:2

I rzɔnjɛ̀lɛ̀ hwègbèèlì hwe arzu hwe wùndɛ̀ ja wòhwe, na hweyà ema hwe jànà ìrzɔnì. I rza e lùkɛ̀lɛ̀ na jòòhwì ja arzu ja wàna tɔ̀ lì tìkòwà e mbɔrzi ya Lohwà o lì e ɔnjɔ. Ndi jo òkolɛ hwatò Eyà ya Lohwɛ̀ nyayi ema hwa e rzɔŋgìtɛ̀nɛ̀. Nà oma jo òkolɛ Èya yà Lohwà na ŋmèma mɔ̀kɔ, tɔ̀ mòtò a rza tànɛyi lì ohwa o ŋmèma mo eni nanù ema i mo lukɛlɛ ndi lì lukɛlɛ. Irzɔ i hwi nanù ema Lohwɛ̀ a hwi tɔ̀ mamɛ ema i gbeyà.

2 Kɔ̀rintìyà 5:11

Nà oma i hwi nanù ema e Rzàŋgo e o kàyìrzɛ̀ hwatò, ndèŋgànɛlɛ hvɛ na oma i mo ŋgba èluhwe, i keka o lì gbeyà nanù ema hwatò hwa hwiye nanù ema ŋmɛ̀ndì i hwa ohweyà mo hwèlì ndi e jɔ̀kɛ̀. Lohwɛ̀ a hwi i nyayi ja hwatò ema irzɔ i hwèlì, imba hvɛ na hwi nanù ema inyɔ hvɛ e hwi i nyayi ja hwatò ema irzɔ hvɛ i hwèlì, na lòkɛ̀yi hvɛ nanù ema inyɔ e hwi nanù ema, jo òhwa ndi e jɔ̀kɛ̀.