1 Kɔ̀rintìyà 10:14 - Mokpwe: Bakwery (New Testament)

¹⁴ Ò èŋgànɛ̀lɛ̀ rzɔ wònyamòwè kòkò e rzi keka lì kànɛlɛlɛ hwèrzùmbu.

1 Kɔ̀rintìyà 10:14 Mawu Ofanana

Hwègbèèlì 15:20

Eyà ema irzɔ i hwɛni ò lì gbeyà e hwèlì ndi ò lì hwa tìleyà kààtì nanù ema, hwa rzi làa tɔ̀ mòlèlì ema mò ŋgbààhwà nàa màhwèyà ò hwèrzùmbù èhwanja mòŋgò mòlèlì mò rza rzàŋgi, hwa kiye mòrzònje, hwa kìye ò lì làa hwèembè ema hwe ŋwelì mòtìmà, ndèŋgànɛ̀lɛ̀ hwa rzi laa hvɛ màyija.

Ròmànì 12:19

Ìi wònyamòwè kòkò, e hwèlì tɛ nanù ema mòtò a e gbèyi tɛ eyà ya wòhwe, inyɛ inyɔ e rzi keka ò lì mò timbirzɛlɛlɛ. È hwɛmɛ Lohwɛ̀ mɔ̀ ŋmìti a mò kɔ̀kìrzɛ̀. È tìlahwì ò e kààtì ya Lohwɛ̀ nanù ema, “Lohwɛ̀ a òhwi nanù ema, ‘Imba ndi na timbirzɛlɛlɛ wòhwe ema tɔ̀ ima mòtò a gbèyi. Imba e Rzaŋgò ndi na òhwi.’”

1 Kɔ̀rintìyà 10:15

Imba na e ohwìrzɛ̀nɛ̀ ndi nàa hwatò ema e hwi wotumba e àkàyìrzɛ̀ inyɔ hwiti o mamɛ ema Nà è ohweyà.

1 Kɔ̀rintìyà 10:19

È ɔ̀ŋgɛ̀lɛ̀ rzɔ nanù ema nà ohwa ndi ema hwèrzùmbù tɔ̀ mòlelì mò hwèrzùmbù mò hwèlì ndi eyà e?

1 Kɔ̀rintìyà 10:7

È rzì keka hvɛ tɔ̀ lìkanɛ̀lɛ̀lɛ̀ hwèrzùmbù na omà lòŋgò la awu hwà mà gbèye. È kààtì ya Lohwà e ohwi nanù ema, “hwaŋga hwatò hwà mà lìya o rze o lì làa na lì nyɔ o ndèma ema è ma tìmba ndi ya lì gbeyà hweyà hwe ndɔ̀ki o worzò wo erzumbu.”

1 Kɔ̀rintìyà 5:11

È mòtò ema nà mà e tìleya nanù ema e rzi lata ŋmèmba na mɔ̀, a hwèlì ndi mòtò ema a ahwɛlɛ mɔ̀ ŋmìti e mòlòkèlì ndi à hwèlì ndɔ̀ki, njɔ̀ŋgu, a kànɛ̀lɛ̀lɛ̀ lòohwà là mòlàŋgà, a hwèlì mèhvìlì, a nyɔ mìimbà a woma tɔ̀ a hwèlì ndi ŋmìhwɛ̀. O rzi keka hvɛ tɔ̀ lì lìya o rze o lì làa tɔ̀ mòlelì na ene nyayi ya mòtò.

2 Kɔ̀rintìyà 11:11

È ɔ̀ŋgɛ̀lɛ̀yi ema na ohwa ndi nanù èhwanja na rza e lìŋgàni e? Lohwɛ̀ a hwi ema na e lìŋgàni.

2 Kɔ̀rintìyà 12:15

Nà o òka mɔ̀nyɛ̀ŋgì o lì gbeyàna tɔ̀ ima yoma ema na ohvi tɔ̀ e nyo ya ami o lì e oŋgòwànà. Nà e lìŋgàni tɛ rzayi-rzayi, rzeke inyɔ hvɛ e hwɛni o lì no lìŋgàna rzayi-rzayi.

2 Kɔ̀rintìyà 12:19

È hwèlì ndi nàa o ene hvonda ya arzɛ, e ɔ̀ŋgɛ̀lɛ̀ ndi nanù ema, ja a hwaandɛ ndi irzɔ hwiti o e jɔ̀kɛ̀ ema je e ohweyà. È rza enje nanù tɔ̀ ima eyà ema je e ohweyà, je e ohweyà ndi e yɔ nàa hwatò ema Krirztò a timba, ndèŋgàna Lohwɛ̀ a òkànèyà tɔ̀ ima lìtumba la eyà ema jo òhwa. I wònyamòwè kòkò, tɔ̀ ima lìtumba la eyà ema i gbèeyà, je e gbèeyà ndi o lì e ètìrzɛ̀.

2 Kɔ̀rintìyà 6:17

Rzàŋgo à mà òhwèyà hwatò hwa eni nanù ema, “O èŋgànɛ̀lɛ̀ rzɔ, inyɔ e lìya, e a akakowanɛ na hwaŋga hwatò ema hwa rza no lòkɛ̀yi. È rzi keka lì hwɛnɛ tɔ̀ eyà o lì gbeyà na hweyà hwe wòhwe ema hwa gbeyà. Àŋga nanù imba na e emeyà nàa hwàanà hwa ami.

2 Kɔ̀rintìyà 7:1

Ìi Wònyamòwè kòkò, nà oma Lohwɛ̀ a ohwi ama mɔ̀ ndi à hwèlì e Tatɛ̀ ya arzu, irzɔhvɛ i hwɛ hwàanà hwa eni. Inyɛ̀ i rzɔnjɛ̀lɛ̀ hweyà ema hwe rzɔkɔ i nyo na hwèlìŋgɛ̀ hwe arzu. Inyɛ̀ i luwɛ Lohwɛ̀ na lì hwɛnɛ lòŋgɛ ema lì tani. Ène ŋgàna ndi e jo gbeyà o lì kanɛ̀ Lohwɛ̀ na oma ya àrzàhweyà.

Hvìlipìyà 4:1

O eŋgànɛ̀lɛ̀ rzɔ wònyàmòwe kòkò, inyɔ ema na lìŋgàni na lì okeya o lì ɛnɛ, inyɔ ndi e hwèlì màlìŋgo na iitàŋgi ja ami o nyòla èwòlò ema imba nà mà gbeyɛ. Imbunda ja ami kòkò, o lì wowàna hweyà hwe arzɛ ema nà mà e ohweyà, e tɛmeya lìlòkɛ̀ la anyu o ma e Rzàŋgo kɔ̀yi-kɔ̀yi.

Hvìlɛ̀mɔ̀nì 1:1

Imba Pàwolò, mòtò ema nà hwèlì ò hwèwòwà o nyòla lìinà là ama Yerzù Krirztò imba ndi na tilì ini itita. Ŋmànyàŋgo wa arzu wa Krirztò Tìmòtì na imba je e omelì ikɔ̀mi. Hvìlɛ̀mɔ̀nì irzɔ jo ò kɔ̀mi e mbunda ya arzu wa ndìŋgɛ màlìŋgo ema wàhvɛ o gbeyà nyàyi hvɔ̀kɔ ya èwòlò ema irzɔ̀hvɛ i gbeyà.

Hibrù 6:9

Ìi wònyamòwè kòkò, ndi tɔ̀ nɛ na e ohweyà nanù, na lòkɛ̀yi nanù ema inyɔ e gbeyà hweyà o ŋgana ema è ò luwɛ hwèèmà hwe gbamù hwe lìrzùŋgàhwa.

1 Pètrò 2:11

Imbùnda ja ami kòkò, na arza nanù ema e rzɔ̀ŋgìtɛ̀nɛ̀ nanù ema e hwèlì ndi hwàyɛ̀nì, inyɔ e aka ndi lì aka anu rze ya mɔ̀nyɛ̀. O eŋgànɛ̀lɛ̀ e rzi ika mèèmà me anyu o hweyà hwe e nyo ya e mòtò wa hwènàmà ehwànja eŋge e anana hwèlìŋgɛ̀ hwe anyu.

1 Yòwanìrzɛ̀ 5:21

Ò eŋgànɛ̀lɛ rzɔ hwàànà hwa ami kòkò, è rza ohva tɔ̀ eyà ò lì gbeyànà mòohwà mà mòlàŋga.

Hwèwulùwèlì 13:8

Hwatò hwa arzɛ hwa è rze yà mɔ̀nyɛ̀ hwa ò kanɛ̀ eŋge èembe. Hwàto ema hwa rza ò è kanɛ̀, hwa hwèlì ndi hwaŋga hwatò ema mìinà mà awu mà tìlahwe ò tenì yà è kààtì yà lòŋgɛ ndèŋgànà Lohwɛ̀ à è wèka è rze yà mɔ̀nyɛ̀. È Ŋguma yà Mɔ̀lɛ̀ŋgù ema hwa mà oŋwe, mɔ̀ ndi à hwɛni ene kààtì.

Hwèwulùwèlì 2:14

Ndi nà ohvi ŋgùrzù jà hweyà ò lì è teŋgɛ̀nɛ̀. È òhvi hwatò ò ìtììtènì jà anyu ema hwa oŋgama hwèyòkòlèlì hwe ama Bàlàamì. Bàlàamì mɔ̀ ndi à mà uŋmɛ̀lɛ̀ Bàlàkì ò lì timba la wònyà Irzàyɛ̀lì ò lì gbeyà wòhwe nà oma à mà lèè mòlelì ema mò mà ŋgbàhwɛ mahvɛhvɛ mohwà nàa jàhwèyà. À mà gbeyà hwa mà hwɛ lì gbeyà hweyà hwe mòrzònje.

Hwèwulùwèlì 21:8

Ndi nà hwatò ema hwa ohvi erzorze ò tenì yà awu, hwaŋga ema hwa rza lòkɛ̀, hwaŋga ema hwa gbeyà hweyà hwe mbindo, hwatò ema hwa oŋwa hwahvɛhvɛ hwatò, hwatò ema hwa gbeyà hweyà hwe mòrzònje, hwa aŋgba mààŋga, hwatò ema hwa gbèeyà mòòhwà mà mòlàŋga nà hwatò hwa arzɛ hwa mòlàŋga, èki yà awu è hwèlì ndi yùlu yà mùnya ema è tùmbana rzayi-rzayi. Ène kpelì ndi e hwèlì e kpelì ya hwèlìŋgɛ̀.”

Hwèwulùwèlì 22:15

Hwàto ema hwa rza o kpeeyɛ o tenì ya eŋge mbowà ndɛɛndɛ, hwa hwèlì ndi hwatò ema hwa gbeyà hweyà hwe mbìndo, hwatò ema hwa aŋgba màaŋga, hwatò ema hwa gbeyà mòrzònje, hwatò ema hwa oŋwa hwatò, hwatò ema hwa kanɛ̀ mòohwà mà mòlàŋga, hwatò ema hwa lìŋgàni lì kɔ̀ɔ hweyà na e wɔ̀ ema hwa kɔ̀ɔ hweyà.