1 Kɔ̀rintìyà 10:13 - Mokpwe: Bakwery (New Testament)

¹³ Tɔ̀ ima lìkèkìrzɛ ema ò lu lì hwèlì ndi maŋga ema mà nyàmɛ̀hwɛlɛ nà hwatò. Ndi Lohwɛ̀ à ika lìkàkɛ̀nɛ là eni nyàyi ema ò rza hwɛnì lì kèkìrzɛhwɛ lì akà mamɛ e ŋginyà yà àŋgɔ è rzà tanɛ̀yi lì hwanɛ̀. Ò èŋge hvonda yà lìŋgi lìkèkìrzɛ̀ à ò ŋgba ŋginyà ò lì ajùlɛ̀nɛ̀ lìŋgi lìkèkìrzɛ̀ nanù rzìi à ò lùhweyà hvèyò yà lì li àrzòlòhwɛ̀.

1 Kɔ̀rintìyà 10:13 Mawu Ofanana

Matiyò 6:13

Ò rzi emeyà nanù ema, i unde ò màkèkìrzɛ̀nɛ̀, ndi ò jò hvɔ̀ɔ̀tè ò màà mà amà Mòkarzɛ̀.

Lukàrzɛ̀ 11:4

O jò làkìrzɛ̀ wòhwe wò arzu, nà òmà irzɔ hvɛ ì làkìrzɛ̀ wòhwe wò hwaŋga ema hwa jò gbeyànà wòhwe, O rzì emeyà nanù ema, ì kpèeyà ò màkèkìrzɛ̀nɛ̀.’”

Lukàrzɛ̀ 16:26

Lì akà hvɛ tɛ nanù, ò hwèlì hwaŋga ndɛnɛ̀ ema è jò kàhwì ò wa nà irzɔ. Hwatò ema hwa hwèlì enè èhvàrzù, hwa rzà tanɛ̀ lì jà òŋgò. È wɔ̀ hvɛ ema hwa hwèlì èŋge èhvàrzù ya anyu, wɔ̀ hvɛ hwa rzà tanɛ̀yi lì jà enè èhvàrzù ya arzu.’

Lukàrzɛ̀ 22:46

À mà hwa ijòwa nanù ema, “Mamɛ ndeŋgàtɛ è lìmelì ndi ò ìjɔ e? È tɛ̀mɛ̀ ò ŋmanyu, e kanɛ̀, è rzì jà lì unda ò màkèkìrzɛ̀nɛ̀.”

Hwègbèèlì 27:44

Rzìi à òhweyà hvɛ hwànɛ̀yi hwatò ema hwa lɛmbɛ hwèrzùŋgù hwe hwèhwàmbò tɔ̀ hwehvɛhvɛ hwèmà ema hwe ma kɛrzeya ò melì me ŋmànja ò lì hwa òŋgàma o mburza. Ndèŋgànɛlɛ nanù ndi irzɔ hwa arzɛ i ma gbèyi ò lì uka ò rzàawà ema tɔ̀ eyà e rzi jò gbèyɛ̀nɛ.

1 Kɔ̀rintìyà 1:9

Lohwɛ̀ à hwèlì à gbeyà mamɛ yà arzɛ ema à mà ohwe nanù ema à gbeyà. Mɔ̀ à è hvɔ̀rzì ò lì hwɛ mɔ̀kɔ nà è ŋmanà wà mùnyanà wà eni Yerzù Krirztò, è Rzàŋgo yà arzù.

2 Kɔ̀rintìyà 1:10

Tɔ̀ nɛ i mà kombɛ̀nɛ̀ è kpelì, Lohwɛ̀ à mà jo rzùŋga. I hwèlì tɛ o ndùtù, à jò rzùŋga ndi nanù mɛnɛ. Lìhvìta là arzu lì hwèlì ndi ema Lohwɛ̀ à ò jò rzùŋga hvɛ i hvonda ja arzɛ, i hwèlì tɛ ò ndùtù.

1 Tɛ̀rzàlonìyà 5:24

Lohwɛ̀ ema à mà e hwɛlɛ à mà gbeyà na oma à mà ohwe, ndèŋgànɛ̀lɛ̀ mɔ̀ à mà e gbeyà nanù.

2 Tɛ̀rzàlonìyà 3:3

Ndi Rzàŋgo à gbèeyà ndi na oma mɔ̀ à ohwi nanù ema a gbeyà, à ò yè ètìrzɛ̀, na lì e iŋga aŋga nanù Mòkarzɛ̀ a rza e gbeyà tɔ̀ wòhwe.

2 Tìmotì 4:18

Rzàŋgo, à ò nò rzùŋgà lòŋgɛ là ami ò tɔ̀ ima lìtumba là wòhwe ema lì ò nò urzuweyà, à ò nò timba gbamù ò Lìkànèyà là eni là è ŋmanyu yà Lohwà. Èluhwe yà arzɛ è hwɛ nà mɔ̀ ò gbìndèyà nà ò gbìndèyà. Inyɛ̀ wò lìya nanù!

Hibrù 10:23

Inyɛ̀ i lɛmbɛ lìhvìtà là arzu kɔ̀yi-kɔ̀yi, e rzi hwɛ lì nyiŋgirzɛhwɛ, èhwanja irzɔ i lòkɛ̀yi nanù ema Lohwɛ̀ ema a ohwi à mà a gbeyà mamɛ ema a ohwa nanù ema a gbeyà a e gbeyà.

Hibrù 11:11

Lìlòkɛ̀ ndi lì ma gbeyà Rzèla ema à mà aka mokèka mo lìyalì o lì lìta lemi. A ma hwɛnɛ lìŋgi lìlòkɛ̀ èhwanja à mà lòkɛ̀ nanù ema Lohwɛ̀ a ohwi tɛ ema a gbeyà eyà a e gbeyà na e jɔ̀kɛ̀.

Hibrù 12:4

È njuma ema e ana o lì jànà wòhwè o lìrzùkù, e rzi uka lìmɛni ema hwa tànɛyi lì e oŋwa.

Hibrù 6:18

Lohwɛ̀ à mà ŋgbà hwene hweyà hweahwàkɛ ema hwe rza tanɛ lì àyèŋgowɛ̀, ehwànja Lohwɛ̀ a rza kɔ̀ɔ hweyà. A ma jo ŋgba yòombò na lìkàkɛ̀nɛ. A ma gbeyà ndi nanù, aŋga nanù irzɔ ema i lɛmbi lìni lìkàkɛ̀nɛ na màyìmbi jo o rzulɛhwɛ, na o lì àhvìtɛ̀ o hwèèmà ema mɔ̀ à ohwi nanù ema a o jo ŋgba.

1 Pètrò 4:19

O eŋgànɛ̀lɛ̀ rzɔ, hwaŋga ema hwa taka ehwànja e hwèlì ndi lì emeyà la ama Lohwɛ̀ nanù ema wɔ̀ hwa tàke, hwa ɛndɛ ndi o worzo ò lì gbeyà hweyà hwe gbamù, inyɛ hwa aŋgbɛ wɔ̀ hwiti o màà ma ama Lohwɛ̀ e mòwèkèlì hwa awu, mɔ̀ ema a gbèeyà tɔ̀ ima eyà ema a ohwi nanù ema a gbeyà.

2 Pètrò 2:9

O eŋgànɛ̀lɛ̀ rzɔ, e Rzàŋgo e hwi nɛ a kombɛ hwatò ema hwa hwi Lohwɛ̀ o màkèkirzɛnɛ ma awu. Nà nɛ hvɛ o lì ika hwatò hwa wòhwe o rze ya hwèkɔ̀kìrzèlì o lì ambɛ̀lɛ̀ Wùnyà wo hwèkàyìrzèlì.

1 Yòwanìrzɛ̀ 1:9

Ndì i purzɛlɛyi tɛ wòhwe wo arzu, mɔ̀ à ondìrzɛ̀ lì kàkɛ̀nɛ̀ la eni ndèŋgànɛ̀lɛ̀ a lì gbeyà o ŋgànà ema e hvomɛ̀nɛ̀yi. Mɔ̀ a o jo làkìrzɛ̀ wòhwe wo arzu, ndèŋgànɛ̀lɛ̀ a jo rzorza wòhwe wo arzu wo arzɛ.

Hwèwulùwèlì 19:11

Nà ma ɛnɛ e ŋmanyu yà lohwà e lìhvohwèlì. Rzìi na ɔŋgɔ rzìi na ɛnɛ wɔ̀rzi ema e tana, e mòtò ema à mà e lìya o ŋmanyu à mà hwɛ̀lɛ̀hwɛ̀ ndi Èhve-ehve na Jɔ̀kɛ̀. Mɔ̀ a kàyìrzɛ hwatò ŋgànà ema e hvomɛ̀nɛ̀yi ndèŋgànɛ̀lɛ̀ a anana hwàkɔ̀yèlì.

Hwèwulùwèlì 2:10

È rza oka metàkà ema mè hwèlì ò njiya mè è jèeyà wɔ̀ŋgɔ̀. Nà è ohweyà nanù ema, Mòkarzɛ̀ à gbeyà nanù ema hwe aŋgɛ lòŋgo là anyu ò hwèwòwà, èki ema è ò lùwa mètàkà ò tenì yà lìyomɛ̀ là mèènyà. Mɔ̀ à ò gbeyà ndi nanù, ò lì kèkirzɛ lìlòkɛ̀ là anyu, tɔ̀ è hwɛ ndi nanù ema yà à ŋwa è nò lòkɛ̀ ndi nanù mɛnɛ. È gbèyi tɛ nanù rzìi imba hvɛ nà ò è ŋgba lòŋgɛ ema lì rza kuwa nàa etaŋgi jà mòtò ema à rzùù.

Hwèwulùwèlì 3:10

Nà oma e hwèlì nanù ema, inyɔ e ika eyà ya ami ema na e ohwèlì nanù ema e kake mèèmà o lì àjùlɛ̀nɛ̀ mètàkà me anyu, imba hvɛ na o e kombɛ o e hvonda ya mòtàkà ema mo o jèeya e rze ya mɔ̀nyɛ̀, o lì kèkirzɛ hwatò hwa arzɛ hwa è rze yà mɔ̀nyɛ̀.