1 Kɔ̀rintìyà 10:1 - Mokpwe: Bakwery (New Testament)

¹ Wònyamòwè kòkò, nà arza ndi lì e ɔ̀ŋgɛ̀lɛ̀nɛ mamɛ ema e mà gbèyɛnɛ i mbamba ja arzu ema i mà nɔ̀ŋgɔ Morzè e hvonda hwà mà anjiye o Ìjiptò. Hwà mà hwɛ ndi o rze ya lìmbaki ema lì ma hwa tìmba. Hwà mà aka hvɛ ŋmànja mo teya na mataŋga e rzi hwɛ lì inda lìwɔti wɔ̀ɔ.

1 Kɔ̀rintìyà 10:1 Mawu Ofanana

Yòwanìrzɛ̀ 4:20

Irzàŋgo ja arzù ima kànɛlɛlɛ ndi ò ŋmanyu ya ene hvàko, ndi inyɔ hwatò hwa Yudà e òhwa ema èki e ma e hwɛnì lì kànɛlɛlɛ mɛnɛ e hwèlì ndi ò Jèrurzalɛ̀mù.”

Ròmànì 1:13

Wònyamòwè kòkò, nà lìŋgàna nanù ema è hwiye nanù ema, nà mà òhva mɔ̀ŋgɛ̀lɛ̀ rzayi-rzayi ja ŋgelì ò lì jà lì è ɛnɛ ndi nàtɛ̀ɛ nà nàŋgɛ è njiya è rzi lìhvòhwèlì. Nà lìŋgàna lì jà aŋga ò lì gbeyà èwòlò ò ìtììtènì jà anyu ema è ŋyàa hwehvùma nyàyi hvɔ̀kɔ nà òma nà mà gbèeyà hvɛ hwahvɛhvɛ hwatò ema hwa rza enje wònyà Yudà.

Ròmànì 11:21

Nà òma Lohwɛ̀ à rzi hvàŋgɛ̀ hvònda ò lì kɔ̀kìrzɛ̀ wònyà Yudà, wɔ̀ ema hwa hwèlì ndi nàa hwèkɔ̀kɔ̀ ema hwe ma lòmɛ lì hwɛ aŋga, inyɔ e ɔ̀ŋgɛ̀lɛ̀yi nanù ema a òka wɔ̀ŋgɔ̀ ò lì e kɔ̀kìrzɛ̀ e?

Ròmànì 4:11

Hwa mà mò endà ò mburza hvònda ema Lohwɛ̀ à mà màa lì mò emeyà. Nà òma hwa mà mò endè, eŋge è mà hwɛ ndi ɛ̀mɛ̀nɛ̀nì, ò lì òndìrzɛ̀ nanù ema, à mà emeyàlɛhwɛ ò wòrzò wò ama Lohwɛ̀ nàa mòtò ema à tɛmì ehve-ehve èhwanja à mà lòkɛ̀ Lohwɛ̀. Tɔ̀ nɛ è hvònda ema à mà emeyàlɛhwɛ ema à tɛmì ehve-ehve òma à rza endàhwi. Èŋge eyà è mà hwɛ ndi nanù aŋga nanù Abràhamù mɔ̀ ndi à hwɛ è tatɛ̀ yà hwaŋga hwatò hwa arzɛ ema hwa rza endàhwɛ̀, ema hwa emeyàlɛhwɛ nàa hwatò ema hwa tɛmì ehve-ehve èhwanja hwa lòkɛ̀ Lohwɛ̀.

1 Kɔ̀rintìyà 12:1

Ìi wònyàmowe, lì hvomɛ̀nɛ̀ mamɛ ema inyɔ e ma tile o lì hvomɛ̀nɛ̀ màahweyà ema mà uwɛ̀lɛ̀lɛ̀yi na Èlìŋgɛ̀ yà Wòtani, imba na rza arza ema inyɔ e hwiye e jɔ̀kɛ̀ lì hvomɛ̀nɛ̀ maŋga màhwèyà.

1 Kɔ̀rintìyà 14:38

Mɔ̀ a rzɔ̀rzi tɛ enè eyà, inyɔ hvɛ e mo rzɔ̀rzè.

Gàletìyà 3:29

Nà oma è hwèlì ndi hwatò hwa ama Krirztò, è hwèlì ndi hwàanà hwa ama Abràhamù, ndèŋgàna inyɔ è luwa mònàmɛ̀ ema Lohwɛ̀ à mà kàkɛ̀nɛ nanù ema à ŋgba Abràhamù.

Hibrù 11:29

Lìlòkɛ̀ lɔ ndi lì ma gbeyà ema, hwatò hwa Irzàyɛ̀lì hwà mà akeyà o ìtììtènì ja ŋmànja ema mo hwɛ̀lɛ̀hwɛ̀ Ŋmanja mo Teya. Hwà mà mo aka o e ɛnɛ oma hwa laala ndi mɔ̀nyɛ̀ ema mo eti na mataŋga. Ndi lìrzako ema hwatò hwa Ìjiptò wɔ̀ hvɛ hwà mà arze lì keka o lì aka, wɔ̀ hwa arzɛ hwà mà kuwa lì inda o ŋmànja.