1 Kɔ̀rintìyà 1:9 - Mokpwe: Bakwery (New Testament)

⁹ Lohwɛ̀ à hwèlì à gbeyà mamɛ yà arzɛ ema à mà ohwe nanù ema à gbeyà. Mɔ̀ à è hvɔ̀rzì ò lì hwɛ mɔ̀kɔ nà è ŋmanà wà mùnyanà wà eni Yerzù Krirztò, è Rzàŋgo yà arzù.

1 Kɔ̀rintìyà 1:9 Mawu Ofanana

Matiyò 24:35

È ŋmanyu nà è rze hwe ò kùwa lì aka ndi hweyòhwèlì hwe ami hwe ò hwɛ ò i hvònda ja arzɛ.

Yòwanìrzɛ̀ 17:21

Ìi Tatà, na kànɛ nanù ema wɔ̀ hwa hwɛ mòtò mɔ̀kɔ. Inyɛ̀ hwa hwɛ mɔ̀kɔ na irzɔ na òma ò wa ò hwèlì mɔ̀kɔ na imba ndèŋgàna na òma imba na hwèlì mɔ̀kɔ na ò wa. Inyɛ̀ hwa hwɛ mòtò mɔ̀kɔ aŋga nanù e rze e lòkɛ̀ nanù ema ò wa ndì ò nò òmi.

Ròmànì 11:17

Lòŋgò la hwèkɔ̀kɔ̀ hwe màyi ma Njàhwɛ̀ ema mà ònahwi ma mà rzenjòwahwa, ò lì ikahwa ò mayi ma Njàhwɛ̀ ema mà rza ònahwɛ. Inyɔ hwatò ema e rza enje wònyà Yudà, e gbeye ndi nàa hweŋge hwèkɔ̀kɔ̀ hwe mayi ma Njàhwɛ̀ ema mà rza ònahwɛ ema hwe ɔhvɛ hwe luwa ndi maŋga malìhwa mɛnɛ ema meŋge meyaŋga me mayi ma Njàhwɛ̀ ema me ònahwi ma luwa.

Ròmànì 8:28

I hwi nanù ema tɔ̀ mamɛ ema e gbèyɛ̀nɛ, Lohwɛ̀ à mà e gbèeyà ò gbaamù ò hwatò ema hwa mò lìŋgàni, wɔ̀ ema mɔ̀ à hwɛlɛyi ò lì gbeyà na òma mɔ̀ à arza.

Ròmànì 8:30

O èŋgànɛ̀lɛ̀ rzɔ, hwatò ema Lohwɛ̀ à mà màa lì hvɔ̀rzɔ̀ mɔ̀ à hwa hwɛlɛyi ò lì hwɛ hwatò hwa eni. Ndèŋgàna e wɔ̀ ema mɔ̀ à hwɛlɛ a òhwi nanù ema hwa emeyàlɛhwɛ ò wòrzò wò eni, à mà hwa ŋgba èluhwe ya eni.

Ròmànì 9:24

Irzɔ i hwèlì ò ìtììtènì ja hwaŋga hwatò ema à mà hwɛlɛ. Rzeketɛ ò ìtììtènì ja wònyà Yudà mɛnɛ ema à mà jò hwɛlɛ. A ma hwɛlɛ lòŋgò la hwatò mɛnɛ ò ìtììtènì ja hwaŋga hwatò ema hwa rza enje wònyà Yudà.

1 Kɔ̀rintìyà 1:30

Lohwɛ̀ ndi à è jani ò lì hwɛ mòtò mɔ̀kɔ nà Yerzù Krirztò. Hweyà ema Yerzù Krirztò à mà gbèye hwe jò gbèyi ò lì hwiya nanù ema mɔ̀ ndi à hwèlì lìhwiyè là ama Lohwɛ̀. Ène ŋgàna è uŋmɛ̀lɛ̀ nanù ema Yerzù Krirztò ndi à jò gbèyi ò lì gbeyà hweyà hwe jɔ̀kɛ̀, ò lì hwɛ hwatò ema hwa hwèlì wòtani, nà lì ulɛ̀hwɛ̀ ò wòhwe.

1 Kɔ̀rintìyà 10:13

Tɔ̀ ima lìkèkìrzɛ ema ò lu lì hwèlì ndi maŋga ema mà nyàmɛ̀hwɛlɛ nà hwatò. Ndi Lohwɛ̀ à ika lìkàkɛ̀nɛ là eni nyàyi ema ò rza hwɛnì lì kèkìrzɛhwɛ lì akà mamɛ e ŋginyà yà àŋgɔ è rzà tanɛ̀yi lì hwanɛ̀. Ò èŋge hvonda yà lìŋgi lìkèkìrzɛ̀ à ò ŋgba ŋginyà ò lì ajùlɛ̀nɛ̀ lìŋgi lìkèkìrzɛ̀ nanù rzìi à ò lùhweyà hvèyò yà lì li àrzòlòhwɛ̀.

1 Kɔ̀rintìyà 10:16

Lìwòndè ema i gbeyàna o lì nyɔ̀ɔnɔ lìrzako la lì làa la Rzàŋgo lì hwèlì ndi o lì ŋgbaà Lohwɛ̀ jèka o nyòla e kpelì ya ama Krirztò. Èhvòòtò hvɛ ema i kanda. Je lelì tɛ oma i rzɔ na Krirztò i hwèlì ndi mɔ̀kɔ o nyo ya eni.

2 Kɔ̀rintìyà 1:18

O worzò wo ama Lohwɛ̀ ema a gbeyà mamɛ ema a ohwi à mà a gbeyà, jo òhwi tɛ ema i gbeyà eyà, je e gbeyà.

Gàletìyà 1:15

Ndi tɔ̀ nɛ è mà hwɛ nanù, Lohwɛ̀ à mà lòma lì nò hvɔ̀rzɔ̀ ndèŋgàna nà è ŋyàahwà. À mà nò hwɛlɛ nà è ndèli yà eni ò lì mò gbèeyà.

Gàletìyà 2:20

Nà oma Yerzù à mà ŋwèeyà o mbarza, e hwèlì ndi ema imbahvɛ nà mà ŋwa. Nà rza enje lòŋgɛ hvɛ. Krirztò ndi à hwèlì o tenì ya ami. O eŋgànɛ̀lɛ̀ rzɔ tɔ̀ ima lìtumba la eyà ema na gbèeyà o rze ya mɔ̀nyɛ̀ nàŋgɛ, na e gbèeyà ndi èhwanja o lìlòkɛ̀ ema na ohvani è Ŋmanà wà ama Lohwɛ̀ ema a no lìŋgàni rzii a ŋwa o nyòla ami.

Ɛ̀hvìrzìyà 3:6

Hwene hweyà ema è mòtò wà hwènàmà à rzi hwiyɛ hwe hwèlì ndi ema: hwatò ema hwa rza enje wònyà Yudà wɔ̀ hvɛ hwa lu molemilemi mò mònàmɛ̀ ema Lohwɛ̀ à mà ohwa ema à ŋgba hwatò ema hwa hwèlì wònyà Yudà. Wònyà Yudà nà è wɔ̀ ema hwa rza enje wònyà Yudà hwa hwèlì ndi mòtò mɔ̀kɔ. Èya ema Lohwɛ̀ à ohwi ema à gbèeyà wònyà Yudà, è wɔ̀ ema hwa rza enje wònyà Yudà wɔ̀ hvɛ hwa è luwàna mɔ̀rzɛ̀ŋgi èhwanja hwa hwèlì ndi mòtò mɔ̀kɔ nà Krirztò. Ŋmɛ̀ndì mò Gbamù ndi mò gbèyi hwene hweyà hwe arzɛ ema hwe gbèyɛ̀nɛ.

Kòlòrzìyà 1:24

Ò naŋgɛ nanù nà oka mɔ̀nyɛ̀ŋgi ò nyòla mòtàkà ema nà lùwa ò lì è hvomɛ̀nɛ̀. Nà oma nà lùwa mono mòtàkà nanù, nà mà kulɛ̀ mòtàkà mò ama Yerzù ema mò àŋgàmɛ̀nɛ̀yi lì hwɛ, ò nyo yà eni, eŋge ŋgànà è hwèlì ndi nanù ema hwatò ema hwa mò lòkɛ̀yì Krirztò.

1 Tɛ̀rzàlonìyà 2:12

I ma e ètìrzɛ̀ mèèmà, i ma e kòkòwɛ̀lɛ̀ nanù ema e lìya lòŋgɛ ema lì okìrzɛ̀ Lohwɛ̀ mɔ̀nyɛ̀ŋgì. Lohwɛ̀ ndi à e hwɛlɛ o lì hwɛ o ìtììtènì ja hwatò wa eni ema mɔ̀ à kànèyà na o lì hwɛ o rze ya èluhwe ya eni.

2 Tɛ̀rzàlonìyà 2:14

Lohwɛ̀ à mà è hvɔ̀rzɔ̀ ò lì luwa mòrzùŋgèlì ò lì akeyà nà Ŋmɛ̀ndì mò Gbamù ema ì mà è ohweyà. Mɔ̀ à mà gbeyà ndi nanù, aŋga nanù inyɔ hvɛ è ò hwɛ ò rze yà èluhwe yà ama Rzàŋgo wà arzu Yerzù Krirztò.

2 Tɛ̀rzàlonìyà 3:3

Ndi Rzàŋgo à gbèeyà ndi na oma mɔ̀ à ohwi nanù ema a gbeyà, à ò yè ètìrzɛ̀, na lì e iŋga aŋga nanù Mòkarzɛ̀ a rza e gbeyà tɔ̀ wòhwe.

2 Tìmotì 1:9

Lohwɛ̀ à mà jò rzùŋga ndèŋgànɛlɛ à mà jò hwɛlɛ ò lì hwɛ hwatò hwa eni. Mɔ̀ à gbèyi nanù rzeketɛ ò nyòla eyà ema ì gbèyi, ndi à gbèyi ndi nanù lì hvomɛ̀nɛ̀ hwètɛ̀yirzèlèlì à mà tɛ̀yirzɛ̀ ndèŋgàna hwèwòtelì hwe ene rze. À mà jò ŋgba è ndèli yà eni nà oma à jò òmelì Yerzù Krirztò anu rze.

2 Tìmotì 2:13

I gbèyi tɛ mamɛ ema Krirztò a arza nanù ema i gbeye, mɔ̀hvɛ a gbeyà hweŋge hwe arzɛ ema a ohwi nanù ema a gbeyà, èhwanja mɔ̀ à rza tanɛ lì arzɔ̀rzɛ̀ mɔ̀ ŋmìti.”

Tàyìtùrzì 1:2

Aŋga nanù, hwatò hwa ama Krirztò hwa ò luwa lìhvìta là lì luwa lòŋgɛ la gbìndèyà. Ndèŋgana Lohwɛ̀ à è wèka è rze, a mà kàkɛ̀nɛ̀ nanù ema, hwatò hwa eni hwa o hwɛ na mɔ̀ natɛ̀ɛ nà ò gbìndèyà. Mɔ̀ a rza kɔ̀ hweyà.

Hibrù 10:23

Inyɛ̀ i lɛmbɛ lìhvìtà là arzu kɔ̀yi-kɔ̀yi, e rzi hwɛ lì nyiŋgirzɛhwɛ, èhwanja irzɔ i lòkɛ̀yi nanù ema Lohwɛ̀ ema a ohwi à mà a gbeyà mamɛ ema a ohwa nanù ema a gbeyà a e gbeyà.

Hibrù 11:11

Lìlòkɛ̀ ndi lì ma gbeyà Rzèla ema à mà aka mokèka mo lìyalì o lì lìta lemi. A ma hwɛnɛ lìŋgi lìlòkɛ̀ èhwanja à mà lòkɛ̀ nanù ema Lohwɛ̀ a ohwi tɛ ema a gbeyà eyà a e gbeyà na e jɔ̀kɛ̀.

Hibrù 2:17

O eŋgànɛ̀lɛ̀ rzɔ̀, e ma àŋgàmɛ̀nɛ̀ lì hwɛ nanù ema Yerzù a hwɛ nàa wònyànyàŋgò hwa eni o hweyà hwe arzɛ, aŋga nanù mɔ̀ à hwɛ e Pìlìrzì e kàrzàmi, ema e ohvi ŋmèma mo ììlì ndèŋgànɛ̀lɛ̀ a hwèlì ndi mòtò ema hwa tanɛyi lì ika mèèmà me awu. Nà oma mɔ̀ à gbèeyà Lohwɛ̀, à mà gbeyà Lohwɛ̀ à mà làkìrzɛ̀ hwatò wòhwe wo awu.

Hibrù 3:1

Ìi wònyàmòwe hwa ama Krirztò kòkò, inyɔ ema Lohwɛ̀ à mà hwɛ̀lɛ o lì hwɛ hwatò hwa eni, inyɛ̀ e ika màlùtèyà ma anyu o ma Yerzù. Mɔ̀ ndi à hwèlì e mògbèèlì ema Lohwɛ̀ à mà ome o lì hwɛ e Pìlìrzì e kàrzàmi o hweyà ema irzɔ jo ohwi nanù ema i lòkɛ̀yì.

Hibrù 3:14

I hwèlì ndi mɔ̀kɔ na Yerzù Krirztò, è hwèlì tɛ̀ ema i lɛmbi tɛ lìlòkɛ̀ ema i ma lome lì hwɛnɛ kɔ̀yi-kɔ̀yi natɛ̀ɛ na o lìrzùkù.

Hibrù 6:18

Lohwɛ̀ à mà ŋgbà hwene hweyà hweahwàkɛ ema hwe rza tanɛ lì àyèŋgowɛ̀, ehwànja Lohwɛ̀ a rza kɔ̀ɔ hweyà. A ma jo ŋgba yòombò na lìkàkɛ̀nɛ. A ma gbeyà ndi nanù, aŋga nanù irzɔ ema i lɛmbi lìni lìkàkɛ̀nɛ na màyìmbi jo o rzulɛhwɛ, na o lì àhvìtɛ̀ o hwèèmà ema mɔ̀ à ohwi nanù ema a o jo ŋgba.

1 Pètrò 5:10

È takà ndi meŋge mètàkà me rza inda. O mburza nanù, Lohwɛ̀ ema a ŋgba e ndèli ya arzɛ, mɔ̀ ŋmìti a e ŋgba tɔ̀ mamɛ ema e wɔ̀lɛnɛ. A gbeye ema a e ètìrzɛ̀ na lì e tɛmirzɛ gbamù. A hwèlì ndi Lohwɛ̀ ema e ndèli ya eni e lòŋgamɛnɛ tɔ̀ ima mòtò ndèŋgànɛ̀lɛ̀ eŋge ndèli e hwèlì o ihvonda ja arzɛ. Mɔ̀ ndi à e hvɔ̀rzì o lì luwa èluhwe ya eni ema e rza kuwa. Ndeŋgànɛ̀lɛ̀ ye e luwa ehwànja e hwèlì na Krirztò.

1 Yòwanìrzɛ̀ 1:3

Je ohweyà lì hvomɛ̀nɛ̀ mamɛ irzɔ i ma ɛnɛ na lì hweyà, aŋga nanù oma inyɔ hvɛ e ma hwɛ ndi mɔ̀kɔ na irzɔ. Ndeŋgànɛ̀lɛ̀ lìni lì ahvìyànɛ̀ la arzu, lì hwèlì ndi lì àrzàŋgànɛ̀ ema jo òhvi na e Tatɛ̀, na è Ŋmanà wà eni, Yerzù Krirztò.

1 Yòwanìrzɛ̀ 1:7

Ndi i hwɛni tɛ lòŋgɛ la ŋmàye, na oma mɔ̀ ŋmìti hvɛ a hwɛni, aŋga nanù i hwɛ mɔ̀kɔ na ɔ̀nɛyi, ndèŋgànɛ̀lɛ̀ màyija ma ama e ŋmanà wa eni Yerzù, ma jo rzàŋgìrzɛ̀ o wòhwe wo arzu wa arzɛ.

1 Yòwanìrzɛ̀ 4:13

Èŋge eyà ndi è gbeyà irzɔ ì hwiya nanù ema ì hwèlì nà Lohwɛ̀ ndèŋgànɛ̀lɛ̀ Lohwɛ̀ hvɛ à hwèlì nà irzɔ, ehwànja mɔ̀ à jò ŋgbelì Èlìŋgɛ̀ yà eni.

Hwèwulùwèlì 19:11

Nà ma ɛnɛ e ŋmanyu yà lohwà e lìhvohwèlì. Rzìi na ɔŋgɔ rzìi na ɛnɛ wɔ̀rzi ema e tana, e mòtò ema à mà e lìya o ŋmanyu à mà hwɛ̀lɛ̀hwɛ̀ ndi Èhve-ehve na Jɔ̀kɛ̀. Mɔ̀ a kàyìrzɛ hwatò ŋgànà ema e hvomɛ̀nɛ̀yi ndèŋgànɛ̀lɛ̀ a anana hwàkɔ̀yèlì.