1 Kɔ̀rintìyà 1:7 - Mokpwe: Bakwery (New Testament)

⁷ Ène ŋgàna ò eŋgànɛ̀lɛ̀, è rzi hvondi lì lùwa tɔ̀ mònàmɛ̀ tɔ̀ mɔ̀kɔ nà omà è ambɛ̀lɛ̀lɛ̀ nanù ema, Rzàŋgo wà arzu Yerzù Krirztò à awùlùhwɛ mɔ̀ ŋmìti.

1 Kɔ̀rintìyà 1:7 Mawu Ofanana

Matiyò 25:1

Yerzù à mà kpɛɛ mɔ̀ hvɛhvɛ ŋmàna ò lì òhwa nanù ema, “Ò eŋge hvònda ema è Ŋmanà wà è Mòtò wà Hwènàmà à ò jɛ̀ɛ̀, lìkànèyà là ŋmanyu lì ò hwɛ ndi nàa lìyòmɛ̀ là mèyɔ̀mbɔ̀ mè ŋgɔ̀ndɔ̀ ema hwa mà wòwà hwètùlù hwe awu ò lì ɛ̀ndɛ lì ambɛlɛlɛ è mòhwayèlì ò lì ɛndɛ lì mò lìyɛlɛ.

Lukàrzɛ̀ 12:36

nàa hwakutu ema hwa ambɛlɛlɛ e rzàŋgò ya awu, ema à mà ɛ̀ndɛ ò ndèma yà lìhwa ema à jelì tɛ, rzìi a kùmba lìyòhva, hwa mò lìhvòweyà è lɔ ŋgèlì hvɔ̀kɔ.

Lukàrzɛ̀ 17:30

Nànù mɛnɛ ndi e ò hwɛ̀ɛ ò wòŋgò wùnyà ema è Ŋmanà wà è Mòtò wà Hwènàmà a ò ɛnɛ̀hwɛ.

Ròmànì 8:19

Hweema hwe arzɛ ema Lohwɛ̀ a wèki ò rze ya mɔ̀nyɛ̀ hwe hwèlì lì ambɛ̀lɛ̀ na nyɔ̀ŋgi ndɛnɛ ò lì ɛnɛ na òma Lohwɛ̀ a ò uŋmɛ̀lɛ̀ hwàna hwa eni, a ò gbeyà eŋge na èluhwe ya eni ya arzɛ.

Ròmànì 8:23

Rzeketɛ ewèkèlì yiti mɛnɛ ndi e ɔnyɔ. Irzɔ hvɛ ema jò òhvi Èlìŋgɛ̀ ema Lohwɛ̀ à mà lòma lì jò ŋgba nàa jàhwèyà ja wòrzò, irzɔ hvɛ i hwèlì jò ɔnyɔ ò mèèmà me arzu. I ma ika mèèmà me arzu me arzɛ ò lì ambɛ̀lɛ̀ eŋge hvònda ema Lohwɛ̀ a ò jò gbèèyɛ̀ hwàanà hwa eni, ò lì jò rzòlòwà inyò ja arzu ja arzɛ ò ŋgɔkɔhwi rzi a jò ŋgba nyò hvènya.

1 Kɔ̀rintìyà 4:5

O èŋgànɛ̀lɛ̀ rzɔ, o rza akɛlɛ hwèkàyìrzèlì o tɔ̀ ima mòtò, natɛ̀ɛ e hvonda ya jɔ̀kɛ̀ e uka. Hwèkàyìrzèlèlì hwe o jà, e hvonda e ma e Rzàŋgo Yerzù Krirztò a o jɛ̀ɛ̀. A jelì tɛ, a jànà o ŋmàye hwèŋge hwema ema hwe e utami o jììtìtì, rzi a hvulùwa hvɛ màlùtèyà ema mà utami o mèèmà me hwatò. O èŋge hvonda ndi Lohwɛ̀ a eka tɔ̀ ima mòtò o mamɛ ema a gbèyi.

2 Kɔ̀rintìyà 12:13

Nà oma nà mà e gbèeyà rzi e rzi no rzaweyà, inyɔ e no òhweyà nɛ imba na ohwèlì hwanɛyi hwatò hwa menɛyi ŋmèmba wòlìto ò lì e aka. È hwèlì tɛ nanù ema ene eyà e hwèlì ndi lùurzè, inyɔ e no làkirzɛ.

Gàletìyà 5:5

O irzɔ, Èlìŋgɛ̀ ya ama Lohwɛ̀ e ma jo gbeyà o lì ohva lìhvìtà nanù ema, Lohwɛ̀ a o jo emeyà nàa hwatò ema hwa hwèlì wòtani èhwanja je emelì Krirztò.

Hvìlipìyà 3:20

Ndi o irzɔ, i hwèlì ndi hwatò ema e mbowà ya awu e hwe ndi o ŋmanyu yà lohwà. Ndeŋgànɛ̀lɛ̀ ja ambɛlɛlɛ e Mòrzùŋgèlì hwa arzu, Rzàŋgo Yerzù Krirztò nanù ema mɔ̀ à anjiye o ŋmanyu yà lohwà a timbe o rze ya mɔ̀nyɛ̀.

Kòlòrzìyà 3:4

Krirztò ndi à hwèlì lòŋgɛ là arzu, ndeŋgànɛlɛ mɔ̀ à jelì tɛ ò ene rze, inyɔ hvɛ è hwɛ nà mɔ̀ ò èluhwe yà eni yà arzɛ.

1 Tɛ̀rzàlonìyà 1:10

Hwa ohwa hvɛ nà oma inyɔ è ambɛ̀lɛ̀lɛ̀ hwèjèelì hwe è Ŋmanà wà ama Lohwɛ̀ ema à uwɛ̀lɛ̀lɛ̀yi ò ŋmanyu yà lohwà. Oŋgo Ŋmanà wà ama Lohwɛ̀ Yerzù, ema à jò rzùŋgi ò è kɔ̀kìrzɛ̀ yà ama Lohwɛ̀ ema è jà, mɔ̀ ndi Lohwɛ̀ à mà hvùmùlɛ̀.

2 Tɛ̀rzàlonìyà 1:7

Lohwɛ̀ à gbeyà nanù ema è rza lùwa mètàkà hvɛ, ndèŋgànɛlɛ à gbeyà hvɛ nanù ema irzɔ hvɛ ì rza lùwa mètàkà hvɛ. Ène eyà è ò gbèèyɛ̀nɛ̀ è hvonda ema Rzàŋgo Yerzù à uwɛ̀lɛ̀lɛ̀yi ò ŋmanyu yà lohwà lì jà nà i aŋgèlì ja eni jà ŋginyà, ndèŋgànɛ̀lɛ̀ hwa ò toŋgàhwa nà mùùnya ema mò òŋwa.

2 Tìmotì 4:8

O nàŋgɛ nanù, mòrzahwèlì mo hwèlì mo no ambɛ̀lɛ̀, èhwanja nà mà gbèeyà èwòlò na oma Lohwɛ̀ a arza nanù ema e gbeyàhwe. Moŋgo mòrzahwèlì ndi e Rzàŋgo ema e kàyìrzɛ̀ hwatò ò jɔ̀kɛ̀ e no ŋgba o wùnyà wo hwèkàyìrzèlì. Rzeketɛ imba mbiti mɛnɛ ndi à ò ŋgbɛ, à ò ŋgba hwatò hwa arzɛ ema hwa àhvitɛ hwèjèelì hwe eni.

Tàyìtùrzì 2:13

Inyɛ̀ i gbeye nanù, na oma ja ambɛ̀lɛ̀ na lìhvìtà hwèèmà ema hwe o jɛ̀ɛ̀ o wòŋgo wùnyà ema Lòohwà la arzu, e mɔ̀ ema a Kàrzàmi na e Mòrzùŋgèlì hwa arzu Yerzù Krirztò à ò jà nà èluhwe ya eni.

Hibrù 9:28

Nànù hvɛ mɛnɛ ndi Krirztò à mà aŋgbɛ mɔ̀ ŋmìti o ŋgelì hvɔ̀kɔ o iŋgèlì ja arzɛ nàa jàhwèyà o lì ulɛ wòhwe ema wo koki o hwatò. Ndeŋgànɛ̀lɛ̀ mɔ̀ à o jà hvɛ e ŋgelì ema e ùkirzɛ̀ ihwàkɛ, rzeketɛ o lì ulɛ wòhwe o hwatò, ndi mɔ̀ à o jà o lì rzùŋgà mòŋgɛ ma hwatò ema hwa mo ambɛ̀lɛ.

1 Pètrò 1:13

O eŋgànɛlɛ rzɔ, e a kpatɛ, e woŋgirzɛnɛ o lì gbeyà èwòlò ema Lohwɛ̀ a arza nanù ema e gbeye. È wowe hvonda ndèŋgànɛ̀lɛ̀ e ika mèèmà me anyu o e ndèli ema Lohwɛ̀ a e ŋgba o e hvonda ema Yerzù Krirztò a jà o lì e àwuŋmɛ̀lɛ̀.

1 Pètrò 4:13

Ndi e hwɛni lì oka mɔ̀nyɛ̀ŋgì, nanù ema e tàka ndi nyayi hvɔ̀kɔ na oma Krirztò mɔ̀ hvɛ à mà tàke, aŋga nanù inyɔ e onda na màlìŋgo e hvonda ema Lohwɛ̀ a o wuluhwɛ èluhwe ya ama Krirztò.

1 Pètrò 5:4

Aŋga nanù, e kìŋgɛ ya Hwà-ɔ̀ŋgèlì hwa mɛ̀lɛ̀ŋgù e jelì tɛ mɔ̀ à e ŋgba mòrzawèlì ema mo tuti. Moŋgo mòrzawèlì mo ò hwɛ natɛ̀ɛ na o mòlìkɛ̀.

2 Pètrò 3:12

Inyɛ̀ è hwɛnɛ ene ɛ̀ɛ̀mɛ̀ nà oma è ambɛlɛlɛ wùùnyà ema Lohwɛ̀ à mà rzèkeyà nanù ema Krirztò à jà. È à tàkirzɛ aŋga nanù woŋgo wùnyà wò akɛlɛ lì jà. Ò wòŋgo wùnyà mùùnya mò kùwa lì rzɛ̀lɛ̀ lìwòhwɛ là ŋmanyu là arzɛ ndèŋgànɛ̀lɛ̀ mò rzɛ̀lɛ̀ hwèèmà hwe arzɛ ema hwe hwèlì ò ŋmanyu.

1 Yòwanìrzɛ̀ 3:2

Wònyàmòwe kòkò, o naŋgɛ nanù irzɔ i hwèlì ndi hwàanà hwa ama Lohwɛ̀, ndèŋgànɛlɛ hvɛ mamɛ ema irzɔ jo ò hwɛ o e ŋmɛlɛ irzɔ i rzi e hwi. Ndì i hwi hvɛ nanù ema Krirztò a jelì tɛ, irzɔ jo ò hwɛ ndi nàa mɔ̀, ehwànja i hwɛni lì mo ɛnɛ na oma mɔ̀ à hwèlì.

Judɛ 1:21

È ɛ̀ndɛ̀nɛ̀ ndi lòŋgɛ là anyu ò worzo nyayi ema inyɔ e ayèmbɛ nanù ema Lohwɛ̀ a e lìŋgàni. È hwɛ ndi o lì ambɛ̀lɛ̀, ndeŋgànɛlɛ e àhvìtɛ̀ nanù ema e Rzàŋgo ya arzu Yerzù Krirztò e o jà, ndèŋgànɛlɛ mɔ̀ à o gbeyàna ŋmèma mo eni mo ììlì, inyɔ e o luwa lòŋgɛ la gbìndèyà. Mɔ̀ a o gbeyà ndi nanù ehwànja a e lìŋgàni.