1 Kɔ̀rintìyà 1:6 - Mokpwe: Bakwery (New Testament)

⁶ Ène eyà è uŋmɛ̀lɛ̀ nanù ema ŋmɛ̀ndì mò ama Yerzù Krirztò mò mà è kakùmɛ̀nɛ̀ kɛ̀lɛ̀tɛ̀tɛ̀ ò tenì yà mèèmà mè anyu.

1 Kɔ̀rintìyà 1:6 Mawu Ofanana

Makòrzì 16:20

Hwà-òkòwèlì rzìi hwa wùrza, hwa ɛ̀ndɛ lì òhwa Ŋmɛ̀ndì mò Gbamù ò èki ya arzɛ. È Rzàŋgò è mà hwɛ nà wɔ̀ rzìi à hwa ŋgba è ŋginyà ò lì gbeyà hweyà hwe mànyakà ò lì uŋmɛ̀lɛ̀ nanù ema màmɛ ema hwa òhwa e hwèlì ndì e jɔ̀kɛ̀. [

Hwègbèèlì 11:17

Ndèŋgànà kanatɛ Lohwɛ̀ à ma ŋgbe hwanù hwatò ema hwa rza enje wònyà Yudà iŋgi jàhwèyà ema à mà jò ŋgbe lìŋgi lìrzakò ema irzɔ, i ma lòkɛ̀ Rzàŋgò Yerzù Krirztò, imbahvɛ nà mà hwɛ ndi njɛ̀nɛ, ò lì tɛmirzɛ hwètɛ̀yìrzèlì hwe ama Lohwɛ̀ e?”

Hwègbèèlì 11:21

È ŋginyà ya ama e Rzàŋgò e ma hwɛ na wɔ̀. Ndèŋgànà ŋgìndì ndɛnɛ ya hwatò e ma lòkɛ̀ rzi e timbeya Rzàŋgò.

Hwègbèèlì 18:5

Nà òma Rzàyilarzi na Tìmòtì hwà mà uwɛ̀lɛ̀lɛ̀yi ò mbòwa ndɛnɛ ya Màrzèdonìyà, Pàwolò à mà aŋgbɛ mɔ̀ ŋmìti tòwòtòwò ò lì òhwà Ŋmɛ̀ndì mò Gbamù. Mɔ̀ à mà hwɛ lì òhweyà hwatò hwa Yudà nanù ema Yerzù à hwelì ndi è Mɔ̀ ema à Ɔ̀kirzɛ̀hwɛ̀yi.

Hwègbèèlì 20:21

Nà ma kòkòwɛ̀lɛ̀ hwatò hwa wònyà Yudà na hwatò ema hwa rza enje wònyà Yudà nanù ema wɔ hwa hwɛni lì tikòwa ò lì anjiya ò wòhwe wò awu lì timbeya Lohwɛ̀ na lì lòkɛ̀ hvɛ e Rzàŋgò ya arzu Yerzù.

Hwègbèèlì 20:24

Ndi imba na rza wòwi lòŋgɛ la ami nàa tɔ̀ eyà. Aŋga nanù imba na kulɛ èwòlò ya ami, na èwòlò ema e Rzàŋgò Yerzù e ma nò ŋgbɛ. Èwòlò ya ami e hwèlì ndi ò lì òhwa Ŋmɛ̀ndì mò Gbamù lì hvòmɛ̀nɛ̀ e ndèli ema Lohwɛ̀ à mà uŋmɛ̀lɛ̀ hwatò hwa hwènàmà.

Hwègbèèlì 22:18

O tenì ya ini jɛ̀nɛ̀ni imba nà mà ɛnɛ Rzàŋgò. A ma nò òhweyà nanù ema, ‘Ahweŋgɛ ò anjiye ò Jèrurzalɛ̀mù ehwànja hwatò hwa ene mbòwa hwa rza ò emeyà hweyòhwèlì hwe aŋgɔ̀ ò lì nò hvòmɛ̀nɛ̀.’

Hwègbèèlì 23:11

O wòŋgò wuu, Rzàŋgò à mà tɛmeya Pàwolò ò tòŋgòŋgò rzìi a mò òhweyà nanù ema, “O rza òka wɔ̀ŋgɔ̀! Èhwànja e ŋgànà ema ò nò tɛmelì e mbòŋgi ò ene mbòwa ya Jèrurzalɛ̀mù, nanù mɛnɛ hvɛ ndi ò hwɛni lì nò tɛmeya e mbòŋgi ò èkòmè ya Ròmànì.”

Hwègbèèlì 28:23

O èŋgànɛ̀lɛ̀ hwà mà ika wùnyà na Pàwolò ema hwa jà lì mò òkànèyà, na òma wòŋgò wùnyà wò ma uke, ŋgìndì ya hwatò e ma jà ò èki ema Pàwolò à mà lìya. Lìwòteya eelele natɛ̀ɛ na e ŋgòmbe, Pàwolò à mà hwɛ lì hwa òhweyà ŋmɛ̀ndì lì hvòmɛ̀nɛ̀ lìkànèyà là mà Lohwà. A ma keka nanù ema hwa lòkɛ̀ Yerzù. Mɔ̀ à mà hwɛ lì gbeyàna hwèhvàrzù ema hwe ma uwɛ̀lɛ̀lɛ̀yi ò e kààtì ya e mbenda ya ama Mòrzè na hwetilelì hwe hwà-òhwèlì hwa hwèlìŋgɛ̀ aŋga nanù wɔ hwa lòkɛ̀ nanù ema Yerzù ndi à hwèlì Krirztò.

Ròmànì 15:19

Nà ma gbeyà ndi hwene hweyà ò ŋginyà ya hweembànèlì na mànyakà na e ŋginyà ya Èlìŋgɛ̀ ya ama Lohwɛ̀. O eŋgànɛ̀lɛ̀ rzɔ, lì anjiya ò e mbòwa ya Jèrurzalɛ̀mù natɛ̀ɛ na ò erzòòkà ya Ilìlìkumi, nà mà òhwa Ŋmɛ̀ndì mò Gbamù mò ama Krirztò gbamù.

2 Kɔ̀rintìyà 12:12

È hvonda nà mà hwɛ na inyɔ nà mà àjùlɛ̀ o lì e uŋmɛ̀lɛ̀ hwèmɛ̀nɛ̀nì ndèŋgànɛlɛ nà mà gbeyà hweyà hwe mànyakà hwe ndɛnɛ o lì uŋmɛ̀lɛ̀ nanù ema na hwèlì ndi àpɔ̀rzìtòlò ema Lohwɛ̀ a omi.

Gàletìyà 3:5

Lohwɛ̀ à mà è ŋgba Èlìŋgɛ̀ yà Wòtani rzi mɔ̀ à è gbèeyà hweyà hwe mànyakà ò ìtììtènì ja anyu, è hwèlì ndi nanù ema è mà ika imbenda ɔ̀ndeŋgàtɛ̀ à mà gbeyà nanù e? Jàyɛ̀ rzeketɛ eŋge eyà ndi è mà gbeyà. È hwèlì ndi nanù ema ŋmɛ̀ndì mò gbamù ema è mà lòkɛ̀ ɔ̀ndeŋgàtɛ̀ mɔ̀ à mà gbeyà nanù.

2 Tɛ̀rzàlonìyà 1:10

Mɔ̀ à jèelì tɛ ò woŋgo wùnyà, hwatò hwa ama Lohwɛ̀ hwa ò mò eka, ndèŋgànɛ̀lɛ hwatò hwa arzɛ ema hwa lòkɛ̀yi hwa ò tàmà rzàyi-rzàyi. Inyɔ hvɛ è ò hwɛ ò ìtììtènì ja hwànu hwatò ehwànja è mà lòkɛ̀ ŋmɛ̀ndì ema ì mà è ohweyà.

1 Tìmotì 2:6

A ma ŋgbaà lòŋgɛ la eni o lì ŋwèeyà hwatò hwa arzɛ. Èŋge kpelì ema à mà ŋwèeyà hwatò hwa arzɛ, e ma uŋmɛ̀lɛ̀ o e hvonda ya jɔ̀kɛ̀ nanù ema Lohwɛ̀ a arza nanù ema tɔ̀ ima mòtò a rzuŋgahwe.

2 Tìmotì 1:8

Ò eŋgànɛ̀lɛ̀ ò rza oka ìrzɔ̀nì ò lì ohweyà hwatò lì hvomɛ̀nɛ̀ Rzàŋgo wà arzu Yerzù Krirztò ndeŋgànɛ̀lɛ̀ ò rza nò òkànà ìrzɔ̀nì, tɔ̀ nɛ nà hwèlì ndi mòtò wà hwèwòwà ò nyòla ama Krirztò. Ndi nà è ŋginyà ema Lohwɛ̀ à mà ò ŋgbɛ, emeyà ò lì taka nà imba nà oma jò òhwa Ŋmɛ̀ndì mò Gbamù.

Hwèwulùwèlì 1:2

Ndeŋgànɛ̀lɛ̀ Yòwanìrzɛ̀ ndi à mà ohwa hweyà hwe arzɛ na oma mɔ̀ à mà hwe ɛneya. Hwene hweyà hwe ɔndi mɔ̀ à mà ohwe o lì hvomɛ̀nɛ̀ ŋmɛ̀ndì ema mo ò uwɛ̀lɛ̀lɛ̀yi o ma Lohwɛ̀ na e mboŋgi ema mɔ̀ à tɛmeya Yerzù Krirztò.

Hwèwulùwèlì 1:9

Imbà ndi nà hwèlì Yòwanìrzɛ̀ ŋmanyàŋgò wà anyu. Nà hwèlì ndi mɔ̀kɔ ema mɔ̀hvɛ à hwèlì ndi nàa inyɔ, ò lì kaka ŋmèma nà ò lì àjùlɛ̀nɛ̀ mètàke ema mè jèeyà hwatò ema hwa hwèlì ò lìkànèyà là ama Yerzù Krirztò. Hwa mà nò ika ò erzòòkà ema malìhwà ma mà toŋge ema è hwɛ̀lɛ̀hwɛ̀ Pàtìmòrzì ehwànja nà mà ohwa Eyà yà ama Lohwɛ̀ rzìi nà ohweyà hwatò lì hvomɛ̀nɛ̀ hweyà ema nà mà ɛnɛ lì e hvomɛ̀nɛ̀.

Hwèwulùwèlì 12:11

Màyìja ma ama e Ŋguma ya Mɔ̀lɛ̀ŋgù na imboŋgi ja jɔ̀kɛ̀ ema hwà mà tɛ̀mɛ̀, i ma gbeyà hwà mà rzùùwanà Mòkarzɛ̀. Wɔ hwà mà emeyà tɔ̀ e kpelì o lì ohwa tɔ̀ eyà ya ama Lohwɛ̀ ehwànja ŋmɛ̀ndì ema hwà mà hwɛ lì ohwa mo ma hwɛ ndi e jɔ̀kɛ̀.

Hwèwulùwèlì 12:17

Rzìi eŋge dragɔ̀ni e tàtànà oŋgo molàna, rzìi e ɛndɛ o lì anana enɛyi nyɔ̀ŋgɔ̀ni ya ama oŋgo molàna, na hwatò hwa arzɛ ema hwa gbeyà na oma Lohwɛ̀ a àrzeyà, ndèŋgànɛ̀lɛ̀ hwaŋga ema hwa tɛmeya Yerzù e mboŋgi.

Hwèwulùwèlì 19:10

Rzìi na kpa o worzo wo eni o lì mo kanɛ̀. Ndi e aŋgèlì e ma no ohweyà nanù ema, “Jàyɛ̀ o rza gbeyà nanù, na hwèlì ndi mògbèèlì wa ama Lohwɛ̀ nàa o wa, na hwèlì ndi nàa hwahvɛhvɛ hwatò ema hwa lòkɛ̀yì Krirztò. Nà hwèlì ndi nàa mɔ̀kɔ ema a tɛmi o e jɔ̀kɛ̀ ema Yerzù à mà okolɛ. Lohwɛ̀ ndi inyɔ e àŋgàmɛ̀nɛ̀yi o lì kanɛ̀.” È jɔ̀kɛ̀ ema Yerzù a wulu yɔ̀ ndi e ŋgbelì hwatò màyìmbi o lì ohwa ŋmɛ̀ndì mo ama Lohwɛ̀.

Hwèwulùwèlì 6:9

E Ŋguma ya Mɔ̀lɛ̀ŋgù rzìi e rzolowa mòjèkà ema mo ma ùkirzɛ̀ meta. Rzìi na ɔŋgɔ o rze ya ètàwo ya itùwà rzi na ɛnɛ hwèlìŋgɛ̀ hwe hwatò ema hwà mà oŋwahwa ehwànja hwà mà hwɛ o lì ohwa eyà yà Lohwà ndèŋgànɛ̀lɛ̀ hwà mà hwɛ lì ohwa hweyà hwe jɔ̀kɛ̀ lì hvomɛ̀nɛ̀ Lohwɛ̀ nyayi ema irzɔ i hwi nanù ema hwe hwèlì ndi e jɔ̀kɛ̀.