1 Kɔ̀rintìyà 1:4 - Mokpwe: Bakwery (New Testament)

⁴ Hvonda tɛ, imba nà ŋgbaà Lohwɛ̀ jèka, lì è hvomɛ̀nɛ̀ inyɔ ò nyòla è ndèli ema à è ŋgbelì lì akeyà nà Yerzù Krirztò.

1 Kɔ̀rintìyà 1:4 Mawu Ofanana

Matiyò 19:11

Yerzù rzìi a timbirzɛlɛlɛ ama, “Rzeketɛ tɔ̀ ima mòtò ndì a emeyà hwene hwèyòkòlelì, lì aka tɛ hwaŋga hwatò mɛnɛ ema Lohwɛ̀ à mà ŋgbe.

Yòwanìrzɛ̀ 10:30

È Tatɛ̀ na imba i hwèlì ndi mòtò mɔ̀kɔ.”

Yòwanìrzɛ̀ 14:14

È ijòwi tɛ tɔ̀ ima lìtumba la eyà ò lìna là ami, imba na e ò gbeyà e yɔ.”

Yòwanìrzɛ̀ 14:16

Nà òhweyà Tatɛ̀, ndèŋgànɛ̀lɛ̀ mɔ̀ à e ò ŋgbà ò hvɛhvɛ Moòŋgòwànèlì ema a ò hwɛ na inyɔ ihvònda ja arzɛ.

Yòwanìrzɛ̀ 14:26

È Moòŋgòwànèlì, Èlìŋgɛ̀ yà Wòtani, ema Tatɛ̀ a e òmeya ò lìna lì ami, a ò e òkòlɛ̀ hweyà hwe arzɛ. Ndèŋgànɛ̀lɛ̀ hvɛ a ò gbeyà e ò ɔ̀ŋgɛ̀lɛ̀ hweyà hwe arzɛ ema nà mà lòmɛ lì e òhweyà.

Yòwanìrzɛ̀ 15:26

È Moòŋgòwànèlì a ò ja ema a uwɛ̀lɛ̀lɛ̀ɛ ò ma e Tatɛ̀ wa ami. Mɔ̀ ndi à hwèlì Èlìŋgɛ̀ ema e gbeyà hwatò hwa rzɔŋgìtɛ̀nɛ̀ e jɔ̀kɛ̀. È hvònda ema na ò hwɛ na Tatɛ̀ na ò e òmeya e mɔ̀, mɔ̀ ndi à hwèlì e mɔ̀ ema a ò e òhweyà hweyà lì nò hvòmɛ̀nɛ̀.

Hwègbèèlì 11:23

Nà òma mɔ̀ à mà ùke àŋga rzi a ɛnɛ mamɛ e ndèli ya ama Lohwɛ̀ e ma gbeyɛ, à mà ònda na mɔ̀nyɛ̀ŋgì. Rzìi à kòkòwɛ̀lɛ̀ hwaŋga hwàlòkèlì nanù ema wɔ̀ hwa òŋgame Rzàŋgò na ŋmèma mɔ̀kɔ.

Hwègbèèlì 21:20

O mburza hvònda ema wɔ hwà mà hweyɛ mamɛ Pàwolò à mà òhwe, rzìi hwa eka Lohwɛ̀. Rzìi hwa òhweyà Pàwolò nanù ema, “Ŋmànyàŋgò wa arzu kòkò, ò wa ò tanɛyi lì ɛnɛ na òma ò hwèlì hwekòlì, na hwekòlì hwe hwatò hwa wònyà Yudà, ema hwe ma jɛ̀ɛ̀ hwàlòkèlì ndèŋgànɛ̀lɛ̀ wɔ hwa arzɛ hwa ikayi e mbenda ya ama Mòrzè na nyɔ̀ŋgi ndɛnɛ.

Ròmànì 1:8

Eyà ya wòrzò, nà eka Lohwɛ̀ là ami ò inyɔ hwa arzɛ ò lìnà là ama Yerzù Krirztò. Nà mò eka ehwànja lìlòkɛ̀ ema è hwɛni nà Yerzù Krirztò lì hwèlì lì lìŋgòwa è rze yà mɔ̀nyɛ̀ yà arzɛ.

Ròmànì 6:17

Ndi jèka i hwɛ nà Lohwɛ̀. Èhwanja tɔ̀ nɛ ò hvònda hvɔ̀kɔ e ma hwɛ hwàkòmì ò rze ya wòhwe, ndi ò naŋgɛ e òŋgama e jɔ̀kɛ̀ ya hweyà hwe arzɛ ema hwà mà e òkòlɛ na ŋmèma mɔ̀kɔ.

1 Kɔ̀rintìyà 1:3

Inyɛ̀ è ndèli nà ɛ̀yɔ̀lɛ̀ yà ama Lohwɛ̀ Tatɛ̀ wà arzu nà Rzàŋgo Yerzù Krirztò, è hwɛ nà inyɔ.

1 Tìmotì 1:14

Rzàŋgo ya arzu a ma no ŋgba e ndèli ya eni ema e rza ohvɛɛ lìmɛni. A no gbèyi hvɛ nanù ema na mo lòkɛ̀ na o lì lìŋgana hwahvɛhvɛ hwatò èhwanja i hwèlì mɔ̀kɔ na Yerzù Krirztò.