1 Kɔ̀rintìyà 1:26 - Mokpwe: Bakwery (New Testament)

²⁶ Ìi wònyàmowe kòkò, è rzì hvoŋga inyayi jà hwatò ema ì mà hwɛ lìrzako ema Lohwɛ̀ à mè hwɛlɛ. Hwatò hwa ene rze hwa mà è ɛnɛ lòŋgo là anyu nàa hwatò ema hwa ohvi lìhwiyè. Lòŋgò là anyu ema hwɛ ndi hwàkànèlì, lòŋgo là anyu hvɛ, è mà uwɛ̀lɛ̀lɛ̀yi ndi ò mòtendè mò hwàkànèlì.

1 Kɔ̀rintìyà 1:26 Mawu Ofanana

Lukàrzɛ̀ 1:3

O èŋgànɛ̀lɛ̀ rzɔ, ìmba hvɛ nà wòwì hvònda ò lì nɔkìrzɛ̀ hwenè hweyà hwe arzɛ natɛ̀ɛ nà ò hwèwòtelì, nà ɛni nanù ema, ò lɔ̀wu ema ìmba hvɛ na wòwè hvònda ò lì ò tìleya hwenè hweyà, yɔ̀kɔ ò mburzà yà ɛnɛ̀yi.

Lukàrzɛ̀ 10:21

O èŋge hvònda, Èlìŋgɛ̀ yà Wòtani e mà lìŋgìrzɛ Yerzù rzayì-rzayì, rzìi a òhwa nanù ema, “Ìi Tatɛ̀, Rzàŋgò wà ŋmanyu yà lohwà nà è rze yà mɔ̀nyɛ̀, nà ò ekì ehwànja ò ùŋmɛlɛ jùma hwanà hweyà ema ò mà wunane hwàŋgà ema hwa òhvi mahwiye nà hwaŋga hwatò ema hwa rzɔ̀ŋgìtɛ̀nɛ̀. Ɛ̀ɛ Ìi Tatɛ̀, nanù ndi ò mà àrze òma è gbeyɛ̀nɛ̀.”

Hwègbèèlì 13:12

Nà òma e mòkànèlì à mà ɛnɛ mamɛ ya arzɛ ema e ma gbèyɛ̀nɛ, rzìi a lòkɛ̀ Yerzù. Mɔ̀ à mà tameya hwèyòkòlèlì hwe ama Pàwolò na Bànàbàrzì ema hwà mà hwɛ lì òkòlɛ lì hvòmɛ̀nɛ̀ e Rzàŋgò Yerzù.

Hwègbèèlì 13:7

Ba-Yerzù à mà hwɛ ndi e mbunda ya ama Rzɛ̀gìyùrzì Pàwùlùrzì. Rzɛ̀gìyùrzì Pàwùlùrzì mɔ̀ ndi à mà hwɛ e mòkànèlì wa eŋge yòndi. A ma hwɛ ndi mòtò ema à mà òhva lìhwiyè rzayi-rzayi. Oŋgò Gɔ̀winà, rzìi a hwɛlɛ Bànàbàrzì na Rzàwòlò èhwanja, à mà arza lì òkànèyà Eyà ya Lohwà.

Hwègbèèlì 17:34

Lòŋgò la hwatò hwà mà wòteyà lì òŋgama Pàwolò rzi hwa lòkɛ̀ Yerzù. O ìtììtènì ja hwaŋga hwatò ò ma hwɛ mɔ̀kɔ ema à mà hwɛ̀lɛ̀hwɛ̀ Dìyònìrzìyùrzì. A ma hwɛ mùnyanà wa wòlìya wò Àrèyòpàgùrzì. O ma hwɛ òhvɛhvɛ mòlanà aŋga ema à mà hwɛ̀lɛ̀hwɛ̀ Dàmàrìrzì, na hwahvɛhvɛ hwatò.

Ròmànì 11:29

È hwèlì ndi nanù èhwanja Lohwɛ̀ a hvɔ̀rzì tɛ mòtò rzi a mò nàmìrzɛ̀ nanù òma mɔ̀ à mà mò hvɔ̀rzɔ̀ ndèŋgànà à mà mò nàmìrzɛ̀.

1 Kɔ̀rintìyà 1:20

Ò èŋgànɛ̀lɛ̀ rzɔ̀ è mòtò wà gbàŋgo, à rze enje tɔ̀ eyà. Ndèŋgànɛ̀lɛ̀ è Mòòkòlèlì wà mbenda ò Ìrzàyɛ̀lì à rze enje tɔ̀ eyà. Hwatò ema hwa kòkòwɛ̀lɛ̀ hwatò hweyà nà gbàŋgo ò ene hvonda wɔ̀ hvɛ hwa rze enje tɔ̀ eyà. È jɔ̀kɛ̀ è hwèlì ndi nanù ema Lohwɛ̀ à uŋmɛ̀lɛ̀yi nanù ema lìhwiyè là hwatò ema hwa aŋgo lì hwèlì ndi èètì.

1 Kɔ̀rintìyà 2:13

I rza gbeyàna ndi è mbɔrzi ema e mòtò wà hwènàmà a gbeyàna lìhwiyè là eni o lì okolɛ̀nɛ hwatò. Ndi i gbeyàna ndi mamɛ Èlìŋgɛ̀ yà Wòtani e jo lìyɛlɛ o lì ohwa. I gbeyàna ndi e mbɔrzi ema Èlìŋgɛ̀ yà Wòtani e jo òhweyà lì hvomɛ̀nɛ̀ hwèŋge hweyà.

1 Kɔ̀rintìyà 2:8

Ndi, e wɔ̀ hwà kànèyà ene rze hwà rzi rzɔ̀ŋgìtɛ̀nɛ̀ lìni lìhwiyè lì ndɛnɛ̀ la ama Lohwɛ̀. Hwà mà rzɔ̀ŋgìtɛ̀nɛ̀ tɛ mamɛ ema Lohwɛ̀ ama hwɛ lì gbeyà, oma hwa rzi wòmeyà e Rzàŋgo wa èluhwe o mbàrza.

Hvìlipìyà 4:22

Hwàto hwa arzɛ hwa ama Krirztò hwa e omelì ikɔ̀mi, erzɛ̀hvɔ̀ni lìtumba la ama Kàyìrzà.

Jèmìrzì 2:5

Wònyànyàŋgo wa ami kòkò, e okànèyà. Rzeke e hwèlì ndi e jɔ̀kɛ̀ nanù ema Lohwɛ̀ mɔ̀ à mà màa lì hvɔ̀rzɔ̀ mèlìrzà me hwatò ema hwa hwɛ hwàlòkèlì hwa ama Krirztò e? Ndèŋgànɛlɛ lìŋgi lì lòkɛ̀ ndi lì hwèlì mònàmɛ̀ mo awu, ndèŋgànɛ̀lɛ mɔ̀ à mà hwa hvɔ̀rzɔ̀ nanù ema wɔ̀ ndi hwa hwèlì hwatò ema hwa o hwɛ lìkànèyà la eni. Ndeŋgànɛlɛ lìŋgi lìkànèyà ndi mɔ̀ à ohwi nanù ema, mɔ̀ à ŋgba hwatò ema hwa mo lìŋgàni.

2 Yòwanìrzɛ̀ 1:1

Imba e mòtìmbèlì wà ŋmèmba ndi na tìli ene kààtì. Nà o tìleya ndi o wa e molànà ema Lohwɛ̀ a hvɔ̀rzì hwàanà hwa aŋgɔ. Nà o lìŋgàni na e jɔ̀kɛ̀, ndèŋganɛlɛ rzeketɛ imba mbiti mɛnɛ ndi na o lìŋgàni, ndèŋgànɛ̀lɛ̀ hwahvɛhvɛ hwatò hvɛ ema hwa hwi e jɔ̀kɛ̀ wɔ hvɛ hwa o lìŋgàni.