1 Kɔ̀rintìyà 1:24 - Mokpwe: Bakwery (New Testament)

²⁴ Ndi Lohwɛ̀ à hwɛlɛyi hwatò ò lì rzuŋgahwa. Lòŋgò là awu hwa hwèlì ndi wònyà Yudà hwanɛyi hvɛ hwatò hwa Grìki. Ò hwanù hwatò monò ŋmɛ̀ndì ema ì ohwa mò hwèlì ndi Krirztò, Mɔ̀ ndi à hwèlì è ŋginyà yà ama Lohwɛ̀ nà lìhwiyè là ama Lohwɛ̀.

1 Kɔ̀rintìyà 1:24 Mawu Ofanana

Lukàrzɛ̀ 11:49

Nànù ndeŋgàtɛ Lohwɛ̀ ò lìhwiyè la eni à mà òhwa nanù ema, ‘Nà hwa òmeyà hwà-òhwèlì hwa ami hwa hwèlìŋgɛ̀, nà i àpɔ̀rzìtòlò. Hwa hwɛnì lì òŋwà lòŋgò la hwaŋga hwatò. Lòŋgò hvɛ hwa takìrzɛ̀hwɛ.’

Lukàrzɛ̀ 7:35

Ndi ò lìrzukù tɔ̀ ima mòtò ema à hwɛnì lìhwiyè, a òhwa nanù ema e njiya ya ama Lohwɛ̀ è hvòmɛ̀nɛ̀yi.”

Ròmànì 1:16

Imba nà rza òka ìrzɔnì ò lì òhwa Ŋmɛ̀ndì mò Gbamù, èhwanja mɔ̀ ndi mò hwèlì màyìmbì mà ama Lohwɛ̀ ema mò mà jànà lì rzùŋgàhwa ò hwatò hwa arzɛ ema hwa mò lòkɛ̀ lìwòteyà ò hwaŋga hwatò ema hwa hwèlì wònyà Yudà nà hwaŋga ema hwa rza enje wònyà Yudà.

Ròmànì 1:4

O hwehwɛ̀ɛlì hwe èlìŋgɛ̀, Lohwɛ̀ à mà uŋmɛ̀lɛ̀ ò lì akeyà nà màyìmbì ma Èlìŋgɛ̀ yà Wòtani nanù ema mɔ̀ à hwèlì ndi è Ŋmanà wà ama Lohwɛ̀, na òma à mà mò hvùmùlɛ ò kpelì. Oŋgò Ŋmanà a hwèlì ndi Rzàŋgò wa arzu Yerzù Krirztò.

Ròmànì 1:7

Ò èŋgànɛ̀lɛ̀ rzɔ, nà è tìlèlì inyɔ hwa arzɛ ema è hwèlì ò èkòmè ya Ròmànì. È hwèlì ndi hwatò ema Lohwɛ̀ à lìŋgàni ndèŋgànɛ̀lɛ̀ à mà è hvɔ̀rzɔ̀ ò lì hwɛ hwatò wà eni. Inyɛ̀ è ndèli nà ɛ̀yɔ̀lɛ̀ ema hwe uwɛ̀lɛ̀lɛ̀yi òma Lohwɛ̀ è Tatɛ̀ yà arzu, nà è Rzàŋgò Yerzù Krirztò è hwɛ nà inyɔ.

Ròmànì 9:24

Irzɔ i hwèlì ò ìtììtènì ja hwaŋga hwatò ema à mà hwɛlɛ. Rzeketɛ ò ìtììtènì ja wònyà Yudà mɛnɛ ema à mà jò hwɛlɛ. A ma hwɛlɛ lòŋgò la hwatò mɛnɛ ò ìtììtènì ja hwaŋga hwatò ema hwa rza enje wònyà Yudà.

1 Kɔ̀rintìyà 1:18

Ŋmɛ̀ndì mò è kpelì yà ama Krirztò ò mbarza, mò hwèlì ndi èètì nà hwàŋgà hwatò ema hwa hwɛnì lì hvàŋgahwà. Ndì irzɔ̀ ema i hwèlì ò lì rzùŋgàhwà, ì hwi nanù ema mòŋgò ŋmɛ̀ndì mò hwèlì ndi è ŋginyà yà ama Lohwɛ̀.

1 Kɔ̀rintìyà 1:2

Nà tìleya ndi ŋmèmba mò hwatò hwa Lohwɛ̀ ema mò hwèlì ò mbowà ndɛnɛ̀ yà Kɔ̀rintò. Inyɔ ema è hwɛ̀lɛ̀hwɛ̀yi nà Lohwɛ̀ ò lì hwɛ hwatò hwa eni hwa wòtani. À è gbèyi wòrzaŋgi èhwanja e ahviyànɛ nà Yerzù Krirztò. Nànù mɛnɛ hvɛ ndi à hvɔ̀rzì hwatò hwa arzɛ o èki ya arzɛ ema hwa kanɛ̀ o lìna la ama Rzàŋgo Yerzù Krirztò. È Rzàŋgo ya awu nà è yà arzù.

1 Kɔ̀rintìyà 1:30

Lohwɛ̀ ndi à è jani ò lì hwɛ mòtò mɔ̀kɔ nà Yerzù Krirztò. Hweyà ema Yerzù Krirztò à mà gbèye hwe jò gbèyi ò lì hwiya nanù ema mɔ̀ ndi à hwèlì lìhwiyè là ama Lohwɛ̀. Ène ŋgàna è uŋmɛ̀lɛ̀ nanù ema Yerzù Krirztò ndi à jò gbèyi ò lì gbeyà hweyà hwe jɔ̀kɛ̀, ò lì hwɛ hwatò ema hwa hwèlì wòtani, nà lì ulɛ̀hwɛ̀ ò wòhwe.

1 Kɔ̀rintìyà 1:9

Lohwɛ̀ à hwèlì à gbeyà mamɛ yà arzɛ ema à mà ohwe nanù ema à gbeyà. Mɔ̀ à è hvɔ̀rzì ò lì hwɛ mɔ̀kɔ nà è ŋmanà wà mùnyanà wà eni Yerzù Krirztò, è Rzàŋgo yà arzù.

Kòlòrzìyà 2:3

Krirztò mɔ̀ ndi à tànɛyi lì gbeyà ndèŋgànà inyɔ e rzɔ̀ŋgìtɛ̀nɛ̀ hweyà hwe ama Lohwɛ̀. Hweŋge hweyà hwe hwèlì wòlìto rzàyi-rzàyi.